Ẹksọdọs 5:2 - Edo Bible (E Baibol Ẹdo) Version 1996

² E Fero keghi wanniẹn wẹẹ, “Gha ọre Nọyaẹnmwa yi? Vbọzẹ ne I gha na danmwehọ ẹre yi ne 1 gele gie ivbi Izrẹl kpao. Mẹ ma rẹn Nọyaẹnmwa, mẹ i ra vbe gie Izrẹl gha khian.”

Ẹksọdọs 5:2 Iomraidhean Croise

II Ọba 18:35

De ẹghẹ ne ẹbọ avbe ehe ne a kha na hia na miẹn iran fan vbe obọ Ọgbaisi ima? Vbe uwa ghi na ro hẹ ighẹ e Nọyaẹnmwa gha miẹn e Jerusalẹm fan?”

II Krọnikol 32:14

Wa he họn wẹ ẹbọ avbe ẹvbo ni miẹn iran fan vbe obọ mwa ra. Vbe uwa ghi na ro hẹ ighẹ ẹbọ uwa gha miẹn uwa fan?

II Krọnikol 32:15

Wa ghẹ gie Hẹzekaia rẹrẹ uwa ra ne ọ bibi uwa odẹ vberriọ. Wa ghẹ yae yi. A ma he miẹn ẹbọ ne ọ he sẹtin miẹn ivbi ẹre fan vbe obọ Ọgbaisi Asiria ẹdẹ. Erriọ wa vbe ye, ẹbọ uwa i sẹtin miẹn uwa fan!”

II Krọnikol 32:19

Iran kegha ta ẹmwẹ Osanobua ọghe Jerusalẹm zẹ vbe ne iran ta ẹmwẹ avbe ẹbọ ẹvbo ọvbehe, avbe amazẹ ne emwa ya obọ mannọ.

Nehimaia 9:10

U winna ọyunnuan ne ọkpaodin yan ọba, iran ni rre asẹ kevbe emwa otọe ni. Rhunmwuda, u rẹn vbene iran zẹ emwa ruẹn kpokpo hẹ, u keghi gbe miẹn ọghọ; ne ọ ye lele uẹ khian ẹrẹna.

Job 15:25

“Erriọ ọre ẹdagbọn iran ye, ighẹ iran ni kun ekpa da Osanobua. Ọna vbe gha yagha Udazi.

Job 15:26

Ọmwa ne ọ hio, ne ọ vbe sọtẹ nọ. Ọ gha ye izevbudu tọn asa ẹre mu ghe odukhunmwu. Ọ ghi guọnmwẹ egbe ne ọ ya gu Osanobua gbinna.

Job 21:15

Iran ro wẹ ẹ i mwẹ esa ne a gha ga Osanobua, ra wẹ ọma ọkpa vbe lae dee, wẹ ne a gha na erhunmwu ghe ẹre.

Psalm 10:4

Ọmwa dan i vbe zẹ ye Nọyaẹnmwa re vbe uwu itengbe mu ẹnrẹn, ọ rorẹe wẹ, Osanobua imwẹ asa ne ọ khin.

Psalm 12:4

“Ẹmwẹ unu ima ọ re ima ya miẹn emwi nẹ ima ho. Emwi ne ọ khọn ima ọre ima ra gha ta. Ọmwa ne ọ gha sẹtin gbe eta ye ima unu, ẹi rrọọ.”

Psalm 12:5

Sokpan, e Nọyaẹnmwa khare wẹẹ, “Eban nian, mẹ dee, rhunmwuda, a zẹ iran ne ẹi mwẹ kpokpo. Iran ne a zẹ kpokpo gha viẹ eve obalọ. I gha do ru ẹe ne ẹkun sẹ iran otọ, ne egbe rọkhọ iran zẹ vbe ne iran ho.”

Psalm 14:1

Avbe akpa ye ekhọe tae wẹẹ, “Osanobua i rrọ.” Iran hia kẹkẹ ua, iran vbe ru emwi ne ọ mu ohan ọkpa ne ọ ru emwi ẹse i rrọ.

Ẹksọdọs 3:19

Sokpan I rẹnrẹn ighẹ ọba Igipt i ra gie uwa gha khian vbe ẹ i re te a ya obọ ne ọ tọn muẹn.

Ẹksọdọs 7:17

Enian ọre Nọyaẹnmwa khare nian, ‘Emwi ne I ra ru na gha rhie ma ruẹn wẹ mẹ ọrọre Nọyaẹnmwa. Ghe ẹre, I ra ya ọkpọ na fi ẹzẹ emwi, ọ ghi khian esagiẹn.

Itan 30:9

I gha do gha mwẹ gberra vberriọ, ne I ghẹ do ya gha kha wẹ u i mwẹ emwi ne u ye mẹ. Sokpan, I gha re ovbiogue, ne a ghẹ miẹn wẹ te I ghi ya rha, I na fa Osanobua mwẹ uan.

Jerimaia 42:13

“Sokpan, ọ ma kei ne uwa ni ghi kẹe ni rre Juda fieghe uhunmwu ye ẹmwẹ e Nọyaẹnmwa ne Osanobua uwa. Ne uwa he ne uwa di otọe na ya. Ọ ma kei ne uwa kha wẹẹ, ‘Ẹn o, te ima rrie Igipt ne ima ya gha rre odọ nii, ehe ne ima i ghi ra na miẹn okuo vbe egbe ọvbehe, ra ne ima ye họn urhu e wa gha die okuo, ra ne ohanmwẹ ye gha gbe mwa.’ Wa gha kha vberriọ, ẹghẹ nii, e Nọyaẹnmwa ne Oghodua, Osanobua Izrẹl khare wẹẹ, ‘Wa gha kha ighẹ te uwa rrie Igipt ne uwa ya yin ẹnrẹn.

Jerimaia 48:26

E Nọyaẹnmwa khare wẹẹ, “Wa ye ayọn ne Moab da ne ọ gha gbe ẹe, rhunmwuda ọ sọtẹ mwẹ nẹ. E Moab gha de wunnu vbe uwu ekpa ne ọ kpaa yotọ, emwa hia ghi gha giẹ ọe.

Daniẹl 3:15

Banbanna nian, wa gha ghi wa họn urhu avbe okpe, ẹgogo, ighẹnghan, akpata, kevbe avbe emwi ne a kpee ọvbehe, wa ghughẹrre ne u wa ya uhunmwu rhanmwẹ otọ ne amazẹ nii. Adeghẹ wa ma ru vberriọ, a gha wa viọ uwa ku uwu erhẹn ọwarọkpa nii, wa yayi we ẹbọ ọkpa rrọ ne ọ gha sẹtin miẹn uwa fan ra?”

Iyẹn ne ọ Maan Ọghe Jọn 16:3

Iran gha ru uwa avbe emwi na hia rhunmwuda iran ma he rẹn Erha mwẹ, iran ma vbe rẹn mwẹ.

Ebe ne Pọl gbẹẹn gie emwa Rom 1:28

Rhunmwuda ighẹ emwa ne agbọn ma giẹ irẹnmwẹ Osanobua ẹmwata di iran uhunmwu ya, Osanobua keghi he iran ye ẹmwẹ ekhọe iran ne ọ kulo, sẹrriọ wẹ, a ghẹ ru ọre iran ghi ru.

II Tẹsalonaika 1:8

Ke ẹe kevbe ogidi erhẹn, ne ọ do rri iran oya ighẹ iran ni ma rẹn Osanobua, kevbe iran ni ma ru vbene Iyẹn Ne ọ maa vbe ekpa Nọyaẹnmwa Jesu kha re.

Giọgis 2:10

Orre ni hia keghi wulo, orre ne ọ ghi lele ẹe keghi mianmian e Nọyaẹnmwa kevbe emwi ne ọ ru ne Izrẹl.

I Samuẹl 2:12

Ivbi Elai ne ikpia kegha re emọ ni ku ogboi. Iran i zẹdẹ zẹ ye ẹmwẹ e Nọyaẹnmwa

I Samuẹl 25:10

Vbe okiekie, e Nabal keghi wanniẹn wẹẹ, “E Devid? De Ọmwa ne a tie vberriọ. yi? I ma he họn ẹmwẹ ọnrẹn ẹdẹ. Ẹ i re avbiẹ eviẹn ni lẹkua ọ ghi rre ẹvbo!