Ẹksọdọs 5:1 - Edo Bible (E Baibol Ẹdo) Version 1996

¹ E Mosis kevbe Errọn keghi bu ọba ọghe Igipt, iran tama rẹn wẹẹ, “E Nọyaẹnmwa khare wẹẹ, ‘Gie emwa mwẹ kpao ne iran ya ru eghọ ugamwẹ mẹ vbe uwu ato.’ ”

Ẹksọdọs 5:1 Iomraidhean Croise

I Ọba 21:20

Ugbẹn vbe Ehab ghi bẹghe Elaija, ọ tama rẹn wẹẹ, “U vbe zọ owẹ mwẹ miẹn nẹ ra oghian mwẹ.” Elaija keghi wanniẹn wẹẹ, “Ẹn, I zọ owẹ ruẹ miẹn nẹ rhunmwuda u na wa rhie gba yọ ne u gha ru emwi ne ọ ma gba vbe odaro e Nọyaẹnmwa.

Psalm 119:46

Mẹ gha na iyẹn iyi ruẹ ma avbe ọba ekhue i ra vbe mu mwẹ.

Ẹksọdọs 10:3

Ẹre Mosis kevbe Errọn na bu ọba, iran ke tama rẹn wẹẹ, “Vbe nian ọre Nọyaẹnmwa ne Osanobua ivbi e Hibru khare, ‘De ẹghẹ ne uwa gha fieghe uhunmwu ye ẹmwẹ ne I khama uwa la? Gie emwa mwẹ kpao ne iran ya ga mwẹ.

Ẹksọdọs 10:4

A deghẹ te uwa ye hẹ ighẹ wa ma gie emwa mwẹ gha khian, vbe ẹdẹ ne akhuẹ, I gha gie avbe irhiso rrie ẹvbo uwa.

Ẹksọdọs 10:9

E Mosis wanniẹn wẹẹ, “Te ima hia khian kevbe ivbi ima negiẹrẹ kevbe avbe ọmaẹn, te ima viọ ivbi ima nikpia kevbe ivbi ima nikhuo khian, ohuan kevbe ẹwe kevbe ẹmila rhunmwuda te ima ra tie eghọ ugamwẹ ne Nọyaẹnmwa Osanobua ima.”

Ẹksọdọs 3:18

Iran gha rhie ehọ nuẹn ta yi, u ghi bu ọba Igipt ke uwẹ kevbe avbe ọkaolotu ivbi Izrẹl, u ghi tama rẹn wẹẹ, ‘E Nọyaẹnmwa, Osanobua avbe emwa Hibru miẹn ima aro. Lahọ gie ima khian okhian ikpẹdẹ eha ghe uwu ato ne ima ya zọ ese ne Nọyaẹnmwa, Osanobua mwa.’

Ẹksọdọs 33:13

Banbanna nian, adeghẹ ẹko ruẹ gele rhiẹnrhiẹn ghe mwẹ, tama mwẹ vbene u mwamwa emwi hia hẹ, ne I miẹn ehe na rẹn kevbe ne I sẹtin gha ru vbene ọ ye ruẹ. U ghi vbe yerre wẹ, agbọn ẹvbo na, emwa ruẹn ọre u zẹ iran ẹre ya khian.”

Ẹksọdọs 4:23

I tama ruẹn ne u gie ovbi mwẹ gha khian ne ọ ya ga mwẹ sokpan u keghi he. Wanwanna nian, mẹ gha gbe ovbi uẹ ne okpia ne ọdiọn.’ ”

Ẹksọdọs 6:11

“Gha khian, ya tama ọba Igipt wẹ ne ọ gie ivbi Izrẹl kpao vbe otọe ẹre rre.”

Ẹksọdọs 6:27

Iran ọrọre emwa ne ọ tama ọba ọghe Igipt wẹẹ ne ọ fannọ ivbi Izrẹl kua.

Ẹksọdọs 7:16

U ghi tama ọba wẹẹ, ‘E Nọyaẹnmwa ne Osanobua ọghe avbe emwa Hibru ọre ọ gie mwẹ ne I do tama ruẹn wẹẹ, gie emwa mwẹ kpao ne iran ya ga mwẹ vbe ato, sokpan do sẹ ewanwanna, u ma zẹ yọ.’

Ẹksọdọs 7:2

Emwi ne 1 mẹ rhirhi yi ẹre iyi nuẹn, u ghi tama Errọn, rẹn ghi tama ọba ọghe Igipt ne ọ gie ivbi Izrẹl kpao hin ẹvbo ẹre rre.

Ẹksọdọs 8:1

Ẹre Nọyaẹnmwa na tama e Mosis wẹẹ, “Bu ọba gha khian ne u ya kha ma rẹn wẹẹ, ‘Vbe nian ọre Nọyaẹnmwa khare, “Gie emwa mwẹ gha khian ne iran ya ga mwẹ.

Ẹksọdọs 8:16

E Nọyaẹnmwa keghi tama e Mosis wẹẹ, “Tama Errọn wẹẹ, ‘Ya ọkpọ ruẹ fi otọ emwi, ebubẹ gha khian ẹkhunkhun vbe otọ Igipt hia.’ ”

Ẹksọdọs 8:17

Errọn keghi ru vberriọ. Errọn keghi tọn ọkpọ nii mu, ọ na ya ẹe fi otọ emwi, ekhae keghi khian ẹkhunkhun.

Ẹksọdọs 8:20

E Nọyaẹnmwa keghi tama e Mosis wẹẹ, “Vbe owiẹ vbirrivbirri akhuẹ, u ghi ya vba ọba vbe ọ gha rrie ẹzẹ, ne u khama rẹn wẹẹ, ‘Ẹmwẹ ne Nọyaẹnmwa ta ẹe ọrọre wẹẹ, “Gie emwa mwẹ gha khian ne iran ya ga mwẹ.

Ẹksọdọs 8:27

Te ima gha khian okhian ikpẹdẹ eha la uwu ato ya zọ ese ghe Nọyaẹnmwa Osanobua mwa zẹ vbene ọ tama mwa.”

Ẹksọdọs 9:1

E Nọyaẹnmwa keghi khama e Mosis wẹẹ, “Bu ọba Igipt ne u ya tama rẹn wẹẹ, ‘Vbenian ọre Nọyaẹnmwa ne Osanobua avbe Hibru khare, “Gie emwa mwẹ gha khian ya ga mwẹ.

Ẹksọdọs 9:2

A deghẹ u ma ye gie iran gha khian, u na ye da iran yi,

Aizaia 25:6

Vbe emwamwa, vbe Oke Zaiọn, e Nọyaẹnmwa gha kpehe evbare nọkhua ne agbọn ẹvbo otọ agbọn hia, evbare nọkhua ọghe evbare ni maa sẹẹ ehia kevbe ayọn ni maa sẹe hia.

Ezikiẹl 2:6

“Sokpan wẹ ovbi ọmwa, ghẹ gie ohan iran mu ẹẹn, ra ẹmwẹ ne iran ta. Iran gha yagha a; iran ghi fa ruẹ ua, te ọ ra yevbe ne ọmwa rre uwu ẹbu ekpakpahuangan. Sevba, ghẹ gie ohan avbe etẹ nii mu ẹẹn ra emwi ne iran a rhirhi ta.

Matiu 10:18

A gha gu uwa gui ma enibuohiẹn kevbe avbe ọba rhunmwuda mwẹ, ne uwa miẹn ehe na kporhu Iyẹn Ne ọ maa ma iran kevbe iran ne ẹ i re Ju.

Matiu 10:28

Wa ghẹ mu ohan iran ni gbe ikinnegbe ne ẹ i sẹtin gbe orhiọn, sokpan wa mu ohan Osanobua ne ọ sẹtin fuẹn egbe kevbe orhiọn uan vbe ẹrinmwi nehianmwivin.

Iwinna 4:29

Wanwan na nian Nọyaẹnmwa, ghe vbene iran yan hẹẹ, rhie ẹtin ne ima ne eguọmwadia ruẹ, ne ima sẹtin gha kpe orhu ẹmwẹ ruẹn vbe ne a i na fian afianma.

I Kọrinti 5:8

Wa gie ima do ugie emwi ukpo mwa, sokpan ẹ i re ne a ya ebrẹd ne eyist nẹdẹ ni ye do, eyist orukhọ kevbe alama, sokpan ọghe ebrẹd ne ẹ i mwẹ eyist, ebrẹd uhuanmwẹ kevbe uhunmwu ẹmwẹ.