Ẹksọdọs 40:2 - Edo Bible (E Baibol Ẹdo) Version 1996

² “Vbe ikpẹdẹ nokaro ọghe uki nokaro, u ghi mu Owa Ukpọn nii mudia, ọghe ehe ne Nọyaẹnmwa ye.

Ẹksọdọs 40:2 Iomraidhean Croise

I Krọnikol 17:5

Ke ẹghẹ ne I ya fan Izrẹl vbe irri gha dee do sẹ ẹdẹnẹrẹ na, I ma he di Ọgua Osa ya, uwu owa ukpọn ọre I gha dia, I ghi vbe gha si ke ihe ọkpa la ọvbehe.

II Krọnikol 29:3

Vbe uki ne okaro ọghe ukpo ne Hẹzekaia rriọba, ọ keghi kie urho Ọgua Osa, ọ na dọlọ ẹe yi.

Ẹksọdọs 13:4

Vbe ẹdẹ ne uwa kpao vbe Igipt na, uki nokaro nọ, uki Abib ọre nọ.

Ẹksọdọs 19:1

Ivbi Izrẹl keghi kpao vbe Rẹfidim rre, vbe ikpẹdẹ ne okaro ọghe uki ne ogieha ne ivbi Izrẹl kpao vbe Igipt rre, iran keghi do sẹ ato ọghe Sainai. Iran na bu agọ ye ototọ oke Sainai.

Ẹksọdọs 26:1

“Wa ghi ya igbu igbe ọghe eto ovbiohuẹ ne a mẹ, bọ owa ukpọn ne imẹ dia, deba eto ohuan ne raghoragho, ne ọ vboro kian an kevbe ne ọ baa. A ghi munọ ona avbe emwi nii zẹ ifuẹn ye avbe igbu ukpọn na mose mose.

Ẹksọdọs 26:30

Ọnii nọ wẹ te u ra wa bọ owa ukpọn nii zẹ vbe ne a mu ma ruẹn vbe uhunmwu oke.

Ẹksọdọs 26:7

“U ghi ya eto ẹwe do ukpọn igbu owọrọ ne a ya bọ owa ukpọn yan ehe ne a dia nii.

Ẹksọdọs 27:21

Errọn kevbe ivbi ẹre ghi mu ukpa na ye uwu Owa Ukpọn ne Osanobua na do gha miẹn emwa rẹn aro, vbe iyeke ukpọn onurho ne ọ rre odaro avbe uhanhan ayere. Ọ ghi gha baa vbe odaro mwẹ vba ke ota ya sẹ owiẹ. Ẹmwẹ na, ivbi Izrẹl ghi da ẹe yi rhinrin ẹdẹdẹmwẹdẹ kevbe avbe emọ ne iran gha biẹlẹ.

Ẹksọdọs 30:36

U ghi dunmwu eso vbọ rẹnkhẹn u ghi gha lo eso vbọ vbe odaro Ẹkpẹti Osẹe vbe uwu Owa Ukpọn ne a ya rẹn ighẹ mẹ rre evba, ehe ne I gha na do gha vbe ruẹ. U ghi gha ya obọ mu eturari na zẹ vbe emwi ne ọ huanrẹn ẹsẹse.

Ẹksọdọs 35:11

Ehe ne a dia, owa ukpọn kevbe emwi ne a ya gue ẹre, adẹn ni rrọọ kevbe edọnmwẹ ọnrẹn, erhan ne a viọ gbe ẹre, ọkpọ nii rrọọ kevbe ẹzi ẹre.

Ẹksọdọs 36:18

Ọ keghi ru aban oze ekigbe siyeha ne ọ ya dee eveva kugbe ne ọ do gha re owa ukpọn ọkpa.

Ẹksọdọs 40:1

E Nọyaẹnmwa keghi tama e Mosis wẹẹ,

Ẹksọdọs 40:6

Mu aka ne a na giẹn emwi ne a ya zọ ese ye odaro Owa Ukpọn nii.

Ezikiẹl 40:1

Ikpẹdẹ ne ogigbe ọghe ukpo ọgbọn nọ, ọ keghi vbe re ukpo isẹn yan ugie ne ima kegha rre iwe, kevbe ukpo iwenẹ ne a ghi khọn mu e Jerusalẹm. Vbe ẹdẹ nẹdẹrriọ, I keghi kakabọ họn ẹmwẹ ẹtin ọghe Nọyaẹnmwa vbe ọ gu ọmwa mudia vbe egbe mwẹ, ọ keghi mu mwẹ kpao.

Ezikiẹl 45:18

E Nọyaẹnmwa ne Udazi khare wẹẹ, “Vbe ikpẹdẹ ne okaro, vbe uki ne okaro, wa ghi gbe ẹkhuia ẹmila ne ẹ i mwẹ okan ya zọ ese ne a ya họnmwẹ Ọgua Osa.

Nọmbas 1:1

Vbe ikpẹdẹ ne okaro ọghe uki ne ogieva vbe ivbi Izrẹl kpao vbe Igipt rre nẹ, e Nọyaẹnmwa keghi gu e Mosis guan vbe uwu Owa Ukpọn Ile vbe ato ọghe Sainai. Ọ wẹẹ,

Nọmbas 7:1

Vbe ẹdẹ ne Mosis wa mu Owa Ukpọn Ile gbọ fo zẹẹ, ọ tue ori ye owa ukpọn nii, ọ keghi vbe ya ẹe fi ohan keẹ kevbe emwi ne a lo vbọ hia.

Nọmbas 9:1

Vbe uki ne okaro ọghe ukpo ne ogieva ne ivbi Izrẹl kpao vbe Igipt rre, e Nọyaẹnmwa keghi gu e Mosis guan vbe Ato Sainai. Ọ wẹẹ,

Nọmbas 9:15

Vbe ẹdẹ ne a mu Owa Ukpọn Ile ni mudia, okuku ke ghi rre do degue ẹre. Vbe asọn, ọ ke yevbe erhẹn.