Ẹksọdọs 4:12 - Edo Bible (E Baibol Ẹdo) Version 1996

¹² Banbanna nian, gha khian, I gha ru iyobọ nuẹn ne u sẹtin gha guan, I gha vbe tama ruẹn ẹmwẹ ne u gha ta.”

Ẹksọdọs 4:12 Iomraidhean Croise

Psalm 105:26

Ẹre rẹn na gie eguọmwadia ẹre, ighe Mosis kevbe Errọn ne irẹn zẹe.

Psalm 143:10

Wẹ ọrọre Osanobua mwẹ, ma mwẹ ẹre ne I gha ru iho ruẹ. Gha ru mwẹ ẹse, ne u vbe gha dia mwẹ, la odẹ ne ẹbe i ye.

Psalm 32:9

Wẹ ghẹ zurọ ua zẹvbe ẹsin ra ẹmila, ne a rrọ ekagha ye ọre unu ya winna, ne ọ miẹn ehe na gha họn ẹmwẹ.”

Ẹksọdọs 3:12

Osanobua keghi wanniẹn wẹẹ, “I gha yaba ruẹ, ọ na u gha ya rẹn wẹ mẹ ọre ọ giọ. U gha ghi viọ emwa nii ke Igipt ladian nẹ, u gha do ga mwẹ vbe uhunmwu oke na.”

Ẹksọdọs 4:13

Sokpan e Mosis keghi kha wẹẹ, “Lahọ, ghẹ gui Nọyaẹnmwa, gie ọmwa ọvbehe ne ọ khọn ruẹn.”

Ẹksọdọs 4:15

U sẹtin guẹe guan ne u vbe gha tama rẹn ẹmwẹ ne ọ gha guan. I gha ya uwa eveva obọ ne u wa sẹtin guan. I gha vbe tama uwa eva emwi ne uwa gha ru.

Ẹksọdọs 4:16

Rẹn gha sẹtin gha gu avbe emwa nii guan nuẹn, rẹn ọre ọ khian gha re ne ọ guan nuẹn, wẹ ghi do yevbe Osanobua ne ọ gha tama rẹn ẹmwẹ ne ọ gha ta.

Aizaia 49:2

Ọ keghi ru ẹe ne ẹmwẹ mwẹ gha mu zẹ vbe umozo. Obọ ẹre tobọ ẹre ọ re ọ gha degue mwẹ. Ọ ru mwẹ zẹ vbe ifẹnmwẹ ne ọ wa mu ne ọ gha wa gie ẹe lo.

Aizaia 50:4

E Nọyaẹnmwa ne Udazi tama mwẹ ẹmwẹ ne I gha ta nẹ, ne I miẹn ehe na rhie ẹtin ne ne egbe wọre. Owiẹ owiẹ ọ re ọ ya gie ẹe gha bọbọmwẹ egbe ne I họn ẹmwẹ ne ọ gha ma mwẹ re.

Jerimaia 1:9

Ẹre Nọyaẹnmwa na niẹn obọ ladian ọ keghi ya ẹe kaan mwẹ akhuarhamwunu, ọ na tama mwẹ wẹẹ, “Danmwehọ, ẹmwẹ ne u ra ta ọ re I tama ruẹn na.

Nọmbas 16:28

E Mosis keghi tama emwa nii wẹẹ, “Vbenian ọre uwa gha ya rẹn wẹ Osanobua Ọ re ọ gie mwẹ ne I do ru avbe emwi na hia, kevbe wẹ, ẹ i re ekhọe obọ mwẹ ọ re I ya ru iran.

Iyẹn ne ọ Maan Ọghe Mak 13:11

Iran gha munọ uwa hẹ gha rrie iko, wa ghẹ si osi ye ẹmwẹ ne uwa gha ta. Ẹghẹ gha sẹ, ta ẹmwẹ ne a rhirhi rhie nuẹn ta vbe ẹghẹ nii. Rhunmwuda ẹ i re ẹmwẹ obọ ruẹ ọre u ra ta, ehe ne Orhiọn Nọhuanrẹn ye ọre ọ ra ke rre.

Iyẹn ne ọ Maan Ọghe Luk 11:1

Ẹghẹ ọkpa, Jesu kegha na erhunmwu vbe ihe ọkpa. Ọ ghi dobọyi nẹ, ọkpa vbe avbe erhuanegbe ẹre tama rẹn wẹẹ, “Nọyaẹnmwa, ma ima vbene a na erhunmwu hẹ, zẹ vbene Jọn vbe ma avbe erhuanegbe ẹre re.”

Iyẹn ne ọ Maan Ọghe Jọn 14:26

Nọyọmwaobọ nii, Orhiọn Ne Ọ Huanrẹn ne Evbavba ye eni mwẹ gie rre gha ma uwa emwi hia, ọ ghi ye uwa ẹmwẹ ne I he tama uwa hia rre.

Ẹfisọs 6:19

Vbe gha na erhunmwu ne imẹ, ne Osanobua gha rhie ẹmwẹ yọmwẹ unu, ya gie mwẹ uhunmwu, vbe i a khian guan, ne I miẹn ehe na gha guan vbe ne a i na mu ohan, ne i vbe rhie oro ne ọ rre iyẹn ne ọ maa ladian.

Diuteronomi 18:18

I gha gie akhasẹ vbe ruẹ ke uwu emwa iran gie iran; I gha tama rẹn ẹmwẹ ne ọ gha ta, irẹn ghi vbe rhie iyi ne I yi hia ma iran.