Ẹksọdọs 39:3 - Edo Bible (E Baibol Ẹdo) Version 1996

³ Iran keghi ya umọmọ dunmwu igoru ne ọ do vbẹ gbodoo, iran keghi do biẹnnọ ẹn wẹnrẹn wẹnrẹn, ne a ya ẹe do eto ohuan ne raghoragho, ne ọ vboro rhan-an, kevbe ne ọ baa giangiangian, kevbe eto ovbiohuẹ ne vbukhẹẹ.

Ẹksọdọs 39:3 Iomraidhean Croise

Psalm 45:13

Ovbi ọba nokhuo rre uwu ẹguae, u miẹn vbene ọ mose hẹ ẹde ne ọ yọe oru igoru ọre a ya do ẹe.

Ẹksọdọs 25:4

Eto aranmwẹ ne raghoragho, ne ọ baa kevbe ne ọ vboro yan an, eto ovbiohuẹ ne yẹnghẹẹn, ukpọn ne a ya eto ewe ru.

Ẹksọdọs 26:1

“Wa ghi ya igbu igbe ọghe eto ovbiohuẹ ne a mẹ, bọ owa ukpọn ne imẹ dia, deba eto ohuan ne raghoragho, ne ọ vboro kian an kevbe ne ọ baa. A ghi munọ ona avbe emwi nii zẹ ifuẹn ye avbe igbu ukpọn na mose mose.

Ẹksọdọs 36:8

Iran ni ghi fuẹro sẹ vbe uwu iran nii winna nene iwinna kegha bọ Owa Ukpọn nii. Igbu ukpọn igbe ne a ya eto ovbiohuẹ ne vbukhẹẹ ne a mẹ, ne raghoragho, ne ọ vboro rhan-an, kevbe eto ohuan ne a ye emwi ni zẹ ifuẹn do ona yi.

Ẹksọdọs 39:2

Ọ keghi ya ru ẹwu adaghọ iruemwi ne a ya igoru ru, kevbe eto ohuan ne raghoragho, ne ọ vboro rhan-an kevbe eto ovbiohuẹ ne amẹ.

Ẹksọdọs 39:4

Iran keghi vbe ru ọza izabọ lele ẹwu adaghọ nii, iran keghi sele ẹe ginna ẹn vbe obọ eveva vbe ne ọ gha na gie a gha rri kugbe.