Ẹksọdọs 32:9 - Edo Bible (E Baibol Ẹdo) Version 1996

⁹ E Nọyaẹnmwa keghi tama e Mosis wẹẹ, “Iran na yenhọ gbe.

Ẹksọdọs 32:9 Iomraidhean Croise

II Ọba 17:14

Sokpan, iran ma họn ẹmwẹ ne ọ tama iran, iran na vbe gha yin uyinmwẹ dan ne erha iran vbe yin ne iran ma na ya e Nọyaẹnmwa ne Osanobua iran yi.

II Krọnikol 30:8

Wa ghẹ ze vbe udu vbene iran ye, sokpan, wa họn ẹmwẹ ne Nọyaẹnmwa. Wa gha die Ọgua Osa ne ọ rre Jerusalẹm, ehe ne Nọyaẹnmwa ya khian ne ọ huanrẹn nẹ ẹdẹdẹmwẹdẹ, ne uwa do ga ẹe, ne ọ ghẹ ghi mu ohu ghe uwa.

Nehimaia 9:16

Sokpan avbe erhamwa odede ke gha hio iran na vbe ze vbe udu, iran ke ghi he ne iran họn ẹmwẹ ne uẹn.

Nehimaia 9:17

Iran ma họn ẹmwẹ ne uẹn, iran mianmian emwi hia ne u ru iran mianmian iwinna ọyunnuan, ne u he winna hia. Vbe uwu itengbemu, iran zẹ olotu ọvbehe, ne ọ viọ iran dọlegbe gha rrie Igipt; sokpan, Osanobua ne ọ yabọ ọmwa ọ re uwu khin wẹ vuọn ne ẹsọhẹ kevbe ahoẹmwọmwa itohan ruẹn kpolo, u ma he iran ye otọ.

Psalm 78:8

Iran i ra yevbe avbe erha iran odede emwa ni sọtẹ kevbe ni zẹ utun vbe ehọ ni ma mu ẹtin yan Osanobua ẹse, kevbe ni ma vbe guobọ ẹre.

Ẹksọdọs 33:3

Otọ igho kevbe ne ọ maa emwiokọ ọre uwa rrie. Sokpan mẹ i ra lele uwa gha khian rhunmwuda emwa ni zevbudu wa khin ne a ghẹ miẹn ghẹ I ya fuẹn uwa a vbe odẹ.”

Ẹksọdọs 33:5

E Nọyaẹnmwa keghi tama e Mosis wẹẹ, “Tama emwa nii wẹ emwa ni zevbudu wa khin, I gha wẹ ne 1 lele uwa khian la ovbi ẹghẹ kherhe, I gha fuẹn uwa a fẹẹrẹ. Banbanna nian, wa viọ ikpẹrọnmwọ itegbe uwa hin rre ne I miẹn ehe na rẹn emwi ne I gha ru.”

Ẹksọdọs 34:9

Ọ keghi kha wẹẹ, “Adeghẹ ẹko ruẹ gele rhiẹnrhiẹn ghe mwa, I wẹ ne u lele ima gha khian, E Nọyaẹnmwa, emwa na yinehọ, sokpan ya emwi dan mwa bọ mwa, kevbe orukhọ ima ne u rhan obọ miẹn ima zẹ vbe emwa obọ ruẹ.”

Itan 29:1

Adeghẹ te u wa dọlegbe zevbudu yọ ẹghẹikẹghẹ ne a ya guẹ gui ne a dia ruẹ ye odẹ, ẹdẹ ọkpa, emwi gha degbe uẹ, u i ra vbe miẹn uhunmwu vbọ.

Aizaia 48:4

I rẹnrẹn ighẹ wa gha rhie ma ighẹ wa zevbudu wa na ye gbain vbe ematọn, kevbe ne ẹ i vbe vbokho zẹ vbe ẹgere.

Jerimaia 13:27

Ọ miẹn Vbe uwa ru emwi ne ẹ i ye ọre nẹ. Ọ miẹn ọẹn vbe uwa lele avbe ẹbọ iran ni ma yayi vbe avbe uhunmwu oke kevbe oha, zẹ vbe ọmwa ne ọ fifi lele amwẹ ọsiọre ra ẹsin ọwẹe ne ọ kpe lele ẹsin amwẹ. Ivbi e Jerusalẹm, wa wiri, de ẹghẹ ne uwa gha ya huan?

Hozia 6:10

Aro mwẹ miẹn emwi ne ọ ye izegbe zẹ ọmwa vbe Izrẹl. Emwa mwẹ mu awua ye egbe iran vbe ne iran na gha ru ẹbọ.

Nọmbas 14:11

E Nọyaẹnmwa keghi tama e Mosis wẹẹ, “Vbe avbe emwa na gha he mwẹ kpẹe sẹ hẹ? Vbe iran gha he ne iran mu ẹtin yan mwẹ kpẹe sẹ hẹ, egbe ne I ya winna iwinna ọyunnuan ni bun vberriọ ye iran aro.

Iwinna 7:51

“Wa na ni zẹ udu gbee! Wẹ ne ekhọe ibisi, wa ni kan igban khiọ ehọ, ne ẹ i họn ẹmwẹ Osanobua. Vbene avbe erha uwa gha ye ọre uwa vbe ye. Orhiọn Ne Ọ Huanrẹn ọre uwa gu suan ẹdẹ.

Diuteronomi 10:16

Rhunmwuda onii nian, wa gha họn ẹmwẹ ne Nọyaẹnmwa, wa dobọ iyienhọ yi.

Diuteronomi 31:27

I rẹn vbene iran ze vbe udu sẹ hẹ kevbe ne iran na vbe sọtẹ. A deghẹ iran sọtẹ ghe Nọyaẹnmwa vbe imẹ rre agbọn, I gha wu nẹ, evba iran ra na sọtẹ sẹ.

Diuteronomi 9:13

“E Nọyaẹnmwa keghi vbe tama mwẹ wẹẹ, ‘I rẹn vbene iran na yin ehọ hẹ.

Diuteronomi 9:6

Wa gie ọna la uwa ekhọe nian wẹ ẹ i re rhunmwuda ighẹ ọ khẹke uwa ọre Nọyaẹnmwa na mu otọe esiesi na ne uwa. Hiehiere, emwa ni yin ehọ ọ re uwa khin.