Ẹksọdọs 32:4 - Edo Bible (E Baibol Ẹdo) Version 1996

⁴ Ọ keghi viọ emwi ehọ nii, ọ na ranran ẹn hihiẹ ye emwi ne a ya sa ẹrọnmwọ, ọ ke ya ẹe ru ẹkhuia ẹmila. Emwa nii keghi kha wẹẹ, “Izrẹl, Osanobua ima ne ọ viọ ima ke Igipt ladian ọre ọna khin!”

Ẹksọdọs 32:4 Iomraidhean Croise

I Ọba 12:28

Ọ ghi roro ẹe nẹ, ọ keghi do mannọ ẹmila ọwẹe igoru eva, ọ na tama emwa rẹn wẹẹ, “Ọ kpẹre ne uwa kegha yo e Jerusalẹm ya gha ga. Ivbi Izrẹl, wa ghe avbe ẹbọ uwa ne ọ viọ uwa ke otọe Igipt ladian!”

I Ọba 12:32

E Jeroboam keghi vbe mu emwiukpo ugamwẹ gbọọ ye ikpẹdẹ ekesugie ọghe uki ne ogierẹnrẹn vbe Bẹtẹl zẹ vbene ọ vbe ye vbe Juda, ọ keghi ya zọ ese vbe aka ni rre Bẹtẹl ghe avbe ẹmila igoru ne ọ ru. Ọ keghi viọ avbe ohẹn ne irẹn ma ẹẹn yọ vbe Bẹtẹl.

II Ọba 10:20

Ẹre Jehu na kha wẹẹ, “Wa bu ẹdẹ ugamwẹ ne a ya ya ọghọ ne Bal!” Iran keghi bu ẹdẹ ọre.

II Ọba 10:29

Sokpan, ọ keghi ye egbe ta orukhọ ne Jeroboam ru, ọmwa ne ọ si ivbi Izrẹl obọ fi ugamwẹ Ẹmila igoru ne ọ mannọẹn viọ gbọ ye Bẹtẹl kevbe Dan.

II Krọnikol 11:15

E Jeroboam keghi ma avbe ohẹn ọghe ọe ne iran ya gha winna vbe aro ẹbọ enigẹbọ, kevbe ne iran gha ga avbe orhiọn esu kevbe avbe ẹbọ ne ọ mannọ ẹn zẹ vbe ama ẹkhuia ẹmila.

II Krọnikol 13:8

Banbanna nian, wa wẹ wa ra gu asẹ ọghe ọba ne Nọyaẹnmwa mu ne ivbi e Devid khọn. Ivbiyokuo uwa bun ẹsẹse, avbe ẹkhuia ẹmila igoru ne Jeroboam ru mu ne uwa wẹ enii ọ re Osanobua uwa.

Nehimaia 9:18

Iran ma amazẹ ne ọ yevbe ẹkhuia ẹmila. Iran na wẹ ọnọna ọ re Osanobua, ne ọ viọ iran ke otọ Igipt ladian u miẹn vbene iran yagha uwẹ hẹ, Nọyaẹnmwa!

Ẹksọdọs 20:2

Mẹ ọrọre Nọyaẹnmwa Osanobua ruẹ ne ọ rhie ruẹ ladian hin otọe Igipt rre, lahin owa ọviọnmwa.

Ẹksọdọs 20:23

Wa ghẹ ma amazẹ ẹrọnmwọ ra igoru ne u wa gha vbe gha ga ẹe ba mwẹ.

Ẹksọdọs 20:4

“Ohan i gie uwẹ ka ukhurhẹ ne egbe ruẹ ra ama emwi ne a yi nii rre ẹrinmwi ra ne ọ rre uwu amẹ vbe otọ.

Ẹksọdọs 28:11

U ghi ye ifuẹro ọsivie kevbe owinna, ya gbẹnnẹ eni ivbi e Jekọb ne iweva ye okuta ẹrọnmwọ eveva nii. U ghi mama okuta ẹrọnmwọ nii mu uhanhan igoru.

Ẹksọdọs 28:9

U ghi viọ ikpẹrọnmwọ usie eva, u ghi gbẹnnẹ eni ivbi e Jekọb iweva vbene a ya biẹlẹ iran lele egbe yọ.

Ẹksọdọs 32:1

Ugbẹn vbe emwa nii ghi miẹn wẹ e Mosis wa kpẹe vbe uhunmwu oke ighẹ ọ ma tuorre, iran keghi do vba Errọn, iran tama rẹn wẹẹ, “Larre o, do ma Osanobua ne ima ne ọ gha viọ ima khian rhunmwuda ma ma ghi rẹn emwi ne ọ ghi ru oko na ighẹ Mosis ne ọ viọ ima ke Igipt ladian.”

Ẹksọdọs 32:24

I keghi nọ iran wẹẹ, ‘Gha ọ ghi mwẹ igoru vbọ, iran ni mwẹ emwi itegbe ọghe igoru vbọ keghi bannọ ẹn hẹ gun mwẹ.’ I keghi viọ ẹre ku erhẹn, ọre ẹkhuia ẹmila na na ladian vbọ!”

Ẹksọdọs 32:3

Ẹre emwa nii hia na koko emwi ehọ igoru iran, iran na hẹ ehia gie Errọn.

Ẹksọdọs 32:35

E Nọyaẹnmwa keghi gie emianmwẹ la uwu ẹbu iran rhunmwuda iran ya ẹtin mu Errọn ne ọ ru ẹkhuia ẹmila.

Ẹksọdọs 32:5

Ugbẹn vbe Errọn ghi miẹn emwi na, ọ keghi bọ aka ye odaro ẹkhuia ẹmila igoru nii, ọ na kha wẹẹ, “Akhuẹ a gha ru emwiukpo ya gọn ugie Nọyaẹnmwa.”

Ẹksọdọs 32:7

E Nọyaẹnmwa keghi tama e Mosis wẹẹ, “Zẹgiẹ tuorre, rhunmwuda avbe emwa ruẹn ne u viọ ke Igipt gha dee fa egbe ua nẹ, iran he mwẹ ye otọ.

Ẹksọdọs 32:8

Iran wa lahin odẹ ne I yi ẹre iyi ne iran gha lele. Iran ya igoru ne a ranran ẹn ma ẹkhuia ne egbe iran, iran gha ga ẹe, iran gha vbe zẹ ese ghe ẹre. Iran keghi kha wẹẹ, ‘Ọnii ọrọre Osanobua iran ne ọ viọ iran ke otọ Igipt ladian.’ ”

Aizaia 30:22

Wa gha viọ avbe amazẹ uwa ne a ya esiliva rhu, kevbe avbe amazẹ ne a ya igoru rhu, wa ghi viọ ehia kua zẹ vbe iku, wa ghi datu wẹẹ, “Wa kpahin odaro mwẹ rre!”

Aizaia 46:6

Emwa ghi rhan ẹsiso iran iran ghi viọ igoru ladian, iran ghi ya mwa esiliva vbe esike iran ghi tie ogun ẹrọnmwọ ne ọ do dunmwu ẹbọ ne iran, iran ghi ya uhunmwu rhanmwẹ otọ iran ghi gha ya uhunmwu rhanmwẹ otọ iran ghi gha gho ẹre.

Ezikiẹl 23:8

Iwinna ebabotu ne ọ suẹnrẹn vbe ọ rre Igipt, ehe ne ọghẹrẹ ọre na fian, ọ keghi ye gha ru ẹe khian. Ẹghẹ ne ọ he na rre ọvbokhan okhuo, ọre avbe ikpia kegha gu ẹe ru emwi, iran kegha ru ẹe vbene a ru ebabotu.

Hozia 10:5

Ohan gha mu emwa ni rre ore Sameria, iran ghi vbe gha khiẹ ye ẹmwẹ ẹkhuia ẹmila ne iran ya igoru ma mu ye Bẹtẹl, iran kevbe avbe ohẹn ni gho nene amazẹ gha viẹ ẹsẹse. Iran gha go ugomwẹ eve vbe ẹghẹ ne a gha na bannọ ẹre ose igoru ẹre hẹ kua.

Hozia 13:2

Te iran ra wa ye gha ru orukhọ khian, vbekpa ne iran gha na gha ye ematọn dunmwu emwi ne iran ra gha gho avbe amazẹ esiliva, ne emwa nagbọn ye ekhọe mwamwa, ne emwa nagbọn ye obọ ru, iran keghi vbe kha wẹẹ, “Wa ya gha zọ ese gie ẹe.” Vbe emwa gu ye unu soso avbe amazẹ vberriọ unu yi, avbe amazẹ ni ye vbe ẹkhuia ẹmila.

Iwinna 17:29

Vbene a ghi na miẹn nian wẹ ivbi ẹre ma khin, ọ ma kei ne ima gha ro ighẹ te ama Osanobua yevbe amazẹ ne a ya igoru ma, ra ẹrọnmwọ ra okuta ne ọmwa ne agbọn ye ifuẹro ke iguemwi obọ ẹre mwamwa.

Iwinna 7:41

Ẹghẹ nii ọre iran na ma ẹbọ ne ọ ye vbe ovbi ẹmila ọwẹe, iran na gha ruẹe, iran na gha le evbare ne iran ya ye ọghọ ne emwi ne iran tobọ iran ma.

I Kọrinti 10:7

Ra ne a avbe gha ga ẹbọ zẹ vbene eso vbe uwu iran ru. Zẹ vbene ebe kha re, “Emwa nii keghi tota gha re, gha da, iran keghi kpaegbe gha kuu.”

Diuteronomi 9:16

I keghi miẹn we wa wa zẹgiẹgiẹ mu uhi ne I rhie ne uwa fua, kevbe wẹ, wa vbe rukhọ ghe ẹre vbene uwa na ma amazẹ ẹrọnmwọ ne ọ yevbe ẹkhuia ẹmila ne egbe uwa.

Giọgis 8:24

Sokpan rẹn keghi rhie te ẹe wẹẹ, “Gunmwẹ nọ uwa emwi ọkpa. Dọmwadẹ ọghọe vbe uwu uwa, wa viọ emwiehọ ne uwa viọre mẹ.” (Te emwa Midian viọ emwiehọ igoru ye ehọ zẹ vbene avbe emwa ni rre ato hia vbe ru.)

Giọgis 8:27

E Gidiọn keghi ya nene igoru ma amazẹ, ọ na mu ẹẹn ye ẹvbo irẹn ne Ọfra. Ivbi Izrẹl hia keghi sẹ Osanobua rae, iran na ya gha ya uhunmwu rhanmwotọ ne amazẹ nii. Ọ ke ghi yevbe ifi ne Gidiọn kevbe ẹgbẹe ọre.