Ẹksọdọs 32:3 - Edo Bible (E Baibol Ẹdo) Version 1996

³ Ẹre emwa nii hia na koko emwi ehọ igoru iran, iran na hẹ ehia gie Errọn.

Ẹksọdọs 32:3 Iomraidhean Croise

Gẹnẹsis 24:22

Ugbẹn vbe ọ ghi sa amẹ ne avbe ekẹtẹkẹtẹ nii wọn fo nẹ, okpia nii keghi rhie oroka ihue ọghe igoru ighobioye ye ọre ihue, ọ keghi viọ emwiobọ eva ọghe igoru nekhua ye ọre obọ.

Gẹnẹsis 35:4

Ẹre iran na do viọ ẹbọ ẹrrẹe ne iran mwẹ hia ne Jekọb, deba emwiehọ ne iran te lo, ọ keghi tọnnọ iran ye ototọ erhan okan ne ọ rre Siẹkẹm.

Ẹksọdọs 32:2

Errọn keghi tama iran wẹẹ, “Wa viọ avbe emwi ehọ igoru ne avbe amwẹ uwa, ivbi uwa nikpia kevbe nikhuo viọ ye ehọ ne uwa viọ ehia gun mwẹ.”

Ẹksọdọs 32:4

Ọ keghi viọ emwi ehọ nii, ọ na ranran ẹn hihiẹ ye emwi ne a ya sa ẹrọnmwọ, ọ ke ya ẹe ru ẹkhuia ẹmila. Emwa nii keghi kha wẹẹ, “Izrẹl, Osanobua ima ne ọ viọ ima ke Igipt ladian ọre ọna khin!”

Ẹksọdọs 33:6

Rhunmwuda ọnii, ke uhunmwu oke Sainai kpao, ivbi Izrẹl ma ghi viọ ikpẹrọnmwọ itegbe iran ye egbe ọvbehe.

Aizaia 3:19

kevbe urhuabọ. Ọ gha miẹn iran ukpọn ugbaleto,

Aizaia 46:6

Emwa ghi rhan ẹsiso iran iran ghi viọ igoru ladian, iran ghi ya mwa esiliva vbe esike iran ghi tie ogun ẹrọnmwọ ne ọ do dunmwu ẹbọ ne iran, iran ghi ya uhunmwu rhanmwẹ otọ iran ghi gha ya uhunmwu rhanmwẹ otọ iran ghi gha gho ẹre.

Jerimaia 10:9

Esiliva ni ke Spen rre a ya rhu amazẹ iran. Kevbe igoru ni ke Ufaz rre, iwinna ne avbe iran ni gue ona ye obọ ru a ya ukpọn ododo kevbe umẹ guee iran egbe, avbe iran ni do ukpọn ni guẹe ọ re ọ do ẹe.