Ẹksọdọs 32:2 - Edo Bible (E Baibol Ẹdo) Version 1996

² Errọn keghi tama iran wẹẹ, “Wa viọ avbe emwi ehọ igoru ne avbe amwẹ uwa, ivbi uwa nikpia kevbe nikhuo viọ ye ehọ ne uwa viọ ehia gun mwẹ.”

Ẹksọdọs 32:2 Iomraidhean Croise

Gẹnẹsis 24:22

Ugbẹn vbe ọ ghi sa amẹ ne avbe ekẹtẹkẹtẹ nii wọn fo nẹ, okpia nii keghi rhie oroka ihue ọghe igoru ighobioye ye ọre ihue, ọ keghi viọ emwiobọ eva ọghe igoru nekhua ye ọre obọ.

Gẹnẹsis 24:47

I keghi nọ rẹn wẹẹ, ‘Gha ọ re erha a?’ Rẹn keghi wanniẹn wẹẹ, ‘Ovbi e Bẹtuẹl nokhuo ọre I khin, ovbi Milka kevbe Nahọ.’ Ọre I na rhie oroka nii ye ọre ihue, kevbe emwiobọ ye ọre obọ.

Ẹksọdọs 20:23

Wa ghẹ ma amazẹ ẹrọnmwọ ra igoru ne u wa gha vbe gha ga ẹe ba mwẹ.

Ẹksọdọs 32:3

Ẹre emwa nii hia na koko emwi ehọ igoru iran, iran na hẹ ehia gie Errọn.

Ẹksọdọs 35:22

Ikpia kevbe ikhuo kevbe dọmwadẹ emwa ni ho keghi viọ ukotin ne a ya te emwi egbe rre, emwiehọ, oroka, emwiurhu, kevbe ikpẹrọnmwọ igoru ne iran ya fi ohan, zẹ vbe emwi izọhẹ gie Nọyaẹnmwa.

Itan 25:12

Ude ne ọmwa ne ọ kpẹ agbọn rhie ne ọmwa ne ọ mu egbe ne ọ ya danmwehọ, ọ re ọ maa sẹẹ avbe oroka igoru emwitegbe ne a ye igoru ne ọ maa sẹẹ ru.

Aizaia 3:19

kevbe urhuabọ. Ọ gha miẹn iran ukpọn ugbaleto,

Aizaia 30:22

Wa gha viọ avbe amazẹ uwa ne a ya esiliva rhu, kevbe avbe amazẹ ne a ya igoru rhu, wa ghi viọ ehia kua zẹ vbe iku, wa ghi datu wẹẹ, “Wa kpahin odaro mwẹ rre!”

Ezikiẹl 16:17

emwi itegbe ọghe igoru kevbe esiliva ne I viọ ne uẹn, u keghi viọ iran ya gha mannọ amazẹ ikpia, u na gha gu iran ru oghẹ.

Hozia 2:8

Rẹn I ra miẹnkue ighe mẹ ọ re ọ rhie ọka kevbe ayọn kevbe ofigbọn oliv ne ẹẹn, deba esiliva kevbe igoru hia ne ọ ya gho e Baal.