Ẹksọdọs 3:8 - Edo Bible (E Baibol Ẹdo) Version 1996

⁸ “Te I rre na ne I do miẹn iran fan vbe obọ ivbi Igipt, ne I vbe viọ iran kpao vbe Igipt nii gha rrie otọ ne ọ maa emwiokọ kevbe ne ọ vbẹ aro. Otọ esiesi ne ọ maa emwiokọ nọ, emwa ni rre evba ẹghẹ na ọrọre emwa Kenan, Hiti, Amọri, Pẹriz, Hivi kevbe Jebus.

Ẹksọdọs 3:8 Iomraidhean Croise

Gẹnẹsis 11:5

E Nọyaẹnmwa keghi tuorre do ghe nene ẹvbo kevbe ogogoro ne emwa nii bọe,

Gẹnẹsis 11:7

Wa gie ima tuorre gha khian ne a ya gua ẹvbo ne iran zẹ ne iran ghẹ ghi gha họn ẹvbo egbe.”

Gẹnẹsis 15:13

Nọyaẹnmwa keghi tama rẹn wẹẹ, “Uniẹn ruẹn gha khian ọrriọvbe vbe ẹvbo ẹrrẹ, iran gha khian eviẹn vbe evba, a ghi vbe ye ukpo uri eva sẹ iran usẹ.

Gẹnẹsis 15:14

Sokpan mẹ gha rri ẹvbo ne ọ ru iran emwi na oya, iran ghi miẹn iran emwi ẹfe ne ọ kpọlọ vbe iran a khian kpao vbe ọfumwegbe.

Gẹnẹsis 18:21

I ra do ya ghe deghẹ ẹmwẹ ne iran ta yọ mwẹ ehọ vbe ekpa ẹre, deghẹ ẹmwata nọ. I ra ya gualọ otọ ẹre.”

Gẹnẹsis 43:11

Erha iran keghi tama iran wẹẹ, “A deghẹ a i miẹn odẹ ọvbehe la vbọ, wa viọ emwi ni maa sẹẹ ne a miẹn vbe otọ na ye ẹkpo zẹ vbe emwi ihaoko gie okpia nii. Ọmọ erhan rezin, owọn kherhe, oziza, ivin urua kevbe almọnd.

Gẹnẹsis 46:4

I gha leluẹ gha rrie Igipt, I gha vbe viọ ivbi uniẹn ruẹn dọlegbe gha die emwa. E Josẹf gha rre ehe ne u ye vbe ẹghẹ ne u gha ya wu.”

Gẹnẹsis 50:24

Rẹn keghi tama etiọnrẹn wẹẹ, “Te i ghi ra wu na, sokpan Osanobua gha gbearoghe uwa vbe ne a i na gbe awẹawẹ, ọ ghi viọ uwa ke otọe na ladian gha rrie otọe nii ne ọ ve iran ẹre ighẹ Ebraham, Aizik kevbe Jekọb.”

I Krọnikol 1:15

Hivi, Aki, Sini,

Nehimaia 9:8

U miẹn wẹ ọ zẹ obọ lele uẹ u yanrẹn ne u mu otọ emwa Kenan ne ẹẹn. Otọ emwa Hiti kevbe Amọri otọ emwa Pẹriz, Jebus, Gẹgas, ne ọ gha re Otọe ne ivbi uniẹn ọnrẹn gha yin. U ru ẹe vbene u tae rhunmwuda, ekhọe ruẹ maa.

Psalm 12:5

Sokpan, e Nọyaẹnmwa khare wẹẹ, “Eban nian, mẹ dee, rhunmwuda, a zẹ iran ne ẹi mwẹ kpokpo. Iran ne a zẹ kpokpo gha viẹ eve obalọ. I gha do ru ẹe ne ẹkun sẹ iran otọ, ne egbe rọkhọ iran zẹ vbe ne iran ho.”

Psalm 12:6

Ne ọ gia mu ẹtin yan, ọ re eyan e Nọyaẹnmwa khin. Emwi ọmwata ọ re iran khin zẹ vbe esiliva ne a ya erhẹn kpe igba ihinrọn

Psalm 34:8

Wẹ tobọ gualọ otọ ẹre miẹn vbene Nọyaẹnmwa maa hẹ. Afiangbe ọrọre ọghe iran ni lẹgbinna ẹẹn.

Psalm 91:15

Iran gha kpe tie mwẹ, I gha yaba iran vbe iran a gha rre uwu ibaro. I gha miẹn iran fan I gha vbe ye ọghọ ne iran.

Ẹksọdọs 12:41

Vbe ikpẹ ẹdẹ ne ọ wa gba vbe ọgban yan uri eva zẹ, ivbi ẹwae emwa e Nọyaẹnmwa hia keghi kpao vbe otọ Igipt rre.

Ẹksọdọs 12:51

Vbe ẹdẹ ne ẹdẹrriọ zẹ e Nọyaẹnmwa keghi viọ ẹwae ivbi Izrẹl ladian vbe otọe Igipt rre.

Ẹksọdọs 13:5

E Nọyaẹnmwa wa yan ma avbe erha uwa wẹ rẹn gha mu otọe Kenan, otọe Hiti kevbe Amọri kevbe Hivi kevbe Jebus ne uwa. Otọe ne rọkhọ ne ọ maa emwi okọ wa nọ. Ọ gha ghi viọ uwa sẹ otọe nii nẹ, wa ghi gha ru emwiukpo na vbe nene uki ne okaro ukpukpo.

Ẹksọdọs 3:17

Ọre I na kha nian wẹ te I gha viọ uwa ke otọ Igipt ladian, ehe ne iran na ru uwa khọ, ne uwa gha rrie otọ emwa Kenan, emwa Hiti, emwa Amọri, emwa Pẹriz, emwa Hivi kevbe emwa Jebus, otọ ne esiesi ne ọ vbe maa emwiokọ nọ.” ’

Ẹksọdọs 34:11

U ghi gha lele uhi ne I gha rhie nuẹn ẹrẹna. I gha khulo iran hin odaro ruẹ rre ighẹ ivbi Amọri, e Kenan, e Hiti, e Pẹriz, e Hivi kevbe Jebus, vbene u ya nana sikẹ odaro.

Ẹksọdọs 5:23

Ke ne I ya bu ọba Igipt gha dee do ta uhunmwu ne u gie ima rẹ, te ọ ghi ru iran khọ, u ma ru emwi rhọkpa ne iran!”

Aizaia 36:17

ọ te do sẹ ẹghẹ ne ọgbaisi gha ya gbe uwa ẹkun sotọ vbe ẹvbo ne ọ wa vbe ye vbe ọghe uwa, ehe ne uwa gha na gha miẹn ugbo azara ne a ya ru ayọn, kevbe ọka irhuarhua ne a ya ru ebrẹd.

Aizaia 64:1

Vbọzẹ ne u ma na va iso ne u tuorre yi? Avbe oke nekhua gha te bẹghe ruẹ, iran ghi gha guọ ne ohan.

Jerimaia 11:5

“Ẹghẹ nii, I gha do mu ẹẹn sẹ ighe eyan ne I yan ma avbe erha iran odede wẹ, I gha mu otọe esi nii ne ọ maa emwiokọ, ne iran ye na ne iran.” Mẹ keghi kha wẹẹ, “I họẹn, Nọyaẹnmwa.”

Jerimaia 2:7

I keghi viọ iran gha die otọ ne ọ maa emwiokọ. Ne iran do gha ya emwiokọ ni rrọ ru, deba emwi ni maa ni rrọọ hia. Sokpan, ne iran gha na te ru vberriọ, iran keghi mu otọe mwẹ rhia. Iran keghi ru ẹvbo ne I mu ne iran awua.

Jerimaia 32:22

U mu otọ esiesi ne ọ maa emwiokọ na ne iran zẹ vbene u ve avbe erha iran odede re.

Ezikiẹl 20:6

Ẹghẹ nii ọ re I na tama iran ighẹ I gha viọ iran hin Igipt rre, I ghi viọ iran gha rrie otọe ne I mu khẹ iran, otọe ne ẹfe ye ne ọ maa emwiokọ ẹsẹse, otọe ne ọ maa sẹ vbe uwu ehia.

Levitikọs 20:24

Sokpan mẹ ve uwa otọ esiesi ne ọ maa emwi okọ na nẹ, ne ọ gha re ọghe uwa, I gha rhie ẹre ne uwa. Mẹ ọ re Nọyaẹnmwa Osanobua uwa. Te I hannọ uwa ladian hin uwu avbe ẹvbo nekpa rre.

Emọs 2:10

I viọ uwa ke Igipt ladian, I na su uwa la ato gberra vbe ukpo iyeva, I na mu otọ ivbi Amọri ne uwa, ne ọ gha re ọwua.

Nọmbas 13:18

Wa ghe egbe ẹvbo ne ọ khin, inu emwa ni rre evba kevbe vbene iran wegbe sẹ hẹ.

Nọmbas 13:19

Wa ghe ẹre deghẹ nene ẹvbo maa ra ẹ i maa, kevbe wẹ deghẹ ẹvbo ne a ma gbe ekẹn gaa ra ne a gbe ekẹn ga ẹre iran ye.

Nọmbas 13:27

Iran keghi tama e Mosis wẹẹ, “Ma ya ghe ẹvbo ne u gie ima ẹre ghe nẹ, otọe ne ẹfe ye ke vbe ne ọ maa emwiokọ nọ, usun ọmọ erhan ni rrọ ọre ena khin.

Iyẹn ne ọ Maan Ọghe Jọn 3:13

Ọmwa ne ọ he hin odukhunmwu gha rrie ẹrinmwi ẹ i rrọọ gberra Ovbi Ọmwa ne ọ ke ẹrinmwi tuorre gha dee.”

Iyẹn ne ọ Maan Ọghe Jọn 6:38

Rhunmwuda, te imẹ ke ẹrinmwi gha dee do ru zẹ vbene ọmwa ne ọ gie mwẹ ho, ighe ẹ i re vbene imẹ ho.

Diuteronomi 1:25

Iran keghi miẹn ọmọ erhan eso vba, iran na kọlọ eso bu ima gha dee, iran na do kha wẹ otọe ne Nọyaẹnmwa ne Osanobua mwa mu ne ima, otọe ne ọ ma emwi okọ ẹsẹse nọ.

Diuteronomi 1:7

Wa kuọ agọ uwa sẹ otọ, ne uwa si okhian sikẹ odaro. Wa gha rrie ẹvbo ni rre uhunmwu oke ọghe Amọri kevbe avbe ehe ne avbe ẹdogbo iran hia ye vbe odẹ iya Jọdan, odẹ ẹvbo uhunmwu oke kevbe ẹvbo ni rre ugboghodo, ghe odẹ ẹvbo ni rre odẹ ekẹn kevbe eghute Meditẹrrenian. Wa gha rrie otọe Kenan kevbe gberra Oke Lebanọn, rhinrin yasẹ Ẹzẹ nọkhua ighẹ Yufretes.

Diuteronomi 27:3

Wa ghi vbe gbẹnnẹ avbe uhi na kevbe emwi ne a ma uwa ẹre lele ẹe. Wa ghẹ ghi la otọ esiesi ne ọ maa a emwiokọ ne Nọyaẹnmwa Osanobua avbe erha uwa odede ve uwa ẹre nẹ,

Diuteronomi 28:11

E Nọyaẹnmwa gha viọ emọ ni bun ne uwa, ẹmila nibun deba emwiokọ ọrhẹnrhẹn, vbe otọe ne irẹn ve avbe erha uwa odede re wẹ rẹn gha mu ne uwa.

Diuteronomi 6:3

Wa rhie ehọ yọ wa ne ivbi Izrẹl, ne uwa vbe gha ya iran ruemwi! Ẹghẹ nii, agbọn gha ma uwa, wa ghi do khian okpẹvbo nọkhua, wa ghi vbe gha yin otọe esiesi ne ọ ma emwi okọ, zẹ vbene Nọyaẹnmwa ne Osanobua avbe erha mwa odede yan rẹn.

Diuteronomi 7:1

“E Nọyaẹnmwa ne Osanobua uwa gha viọ uwa sẹ otọ ne uwa ra ya yin nii. Ọ gha vbe khulo avbe okpẹvbo nibun ladian vbọ. Wa gha khian ni, ọ ghi khulo okpẹvbo ihinrọn ni kọnkọn sẹ kevbe ni vbe mwẹ ẹtin sẹ uwa ladian vbe evba, avbe Hiti, Gigasi, Amọri, e Kenan, e Pẹriz, e Hivi kevbe Jebus.

Jọsua 5:6

Ukpo iyeva ọre ivbi Izrẹl ya gha fian ato rra. Vbe ẹghẹ na, avbe ikpia ni sẹe ni yo okuo, ni kpao vbe Igipt rre, wulo nẹ rhunmwuda, iran ma họn ẹmwẹ e Nọyaẹnmwa. Ọ keghi tama iran wẹ rẹn i gie iran sẹ otọe esiesi ne ọ maa emwiokọ nii ne irẹn ve avbe erha iran odede re wẹ rẹn gha mu ne ima.

Jọsua 9:1

Avbe ọba hia ni rre orrie Jọdan keghi họn ẹmwẹ na, iran ni rre oke, iran ni rre otọ ne ọ rriẹe kevbe iran hia ni yin lele ọkpẹn Okun Meditẹrrenian, rhinrin ya sẹ Lebanọn, iran na keghi re avbe ọba ivbi e Hiti, Amọri, e Kenan, e Pẹriz, e Hivi kevbe Jebus.

Jọsua 9:7

Sokpan ivbi Izrẹl keghi tama ivbi e Hivi wẹẹ, “Vbe ima a ghi guwa vẹn ihẹn ne egbe hẹ, ọ gha kẹe, ehe ne uwa ye ma khian rrei vbe emwana.”