Ẹksọdọs 3:7 - Edo Bible (E Baibol Ẹdo) Version 1996

⁷ Ẹre Nọyaẹnmwa na kha wẹẹ, “I miẹn obọ oya ne a ya mu emwa mwẹ vbe Igipt, I họn utumwẹ ne iran tu wẹ ne a miẹn iran fan vbe obọ avbe iran ni lo iran vbe eviẹn, I wa miẹn oya ne iran re.

Ẹksọdọs 3:7 Iomraidhean Croise

Gẹnẹsis 16:11

Ọmọ okpia u ra biẹ na, u gha he ẹnrẹn Ismẹl rhunmwuda Nọyaẹnmwa họn eve ọlọghọmwa ruẹn.

Gẹnẹsis 18:21

I ra do ya ghe deghẹ ẹmwẹ ne iran ta yọ mwẹ ehọ vbe ekpa ẹre, deghẹ ẹmwata nọ. I ra ya gualọ otọ ẹre.”

Gẹnẹsis 21:17

Osanobua keghi họn vbe ọmọ nii viẹ; odibo Osanobua keghi gu Hega guan ke ẹrinmwi rre, “De emwi nọ ruẹ yi Hega? Ghẹ gie ohan muẹn. Osanobua họn eve ọmọ nii nẹ.

Gẹnẹsis 29:32

E Lia keghi hanmwa, ọ na biẹ ọmọ okpia ọ keghi kha wẹẹ, “E Nọyaẹnmwa rẹn ọlọghọmwa ne I mwẹ, te ọdọ mwẹ ghẹ ghi ho ẹmwẹ mwẹ nian”; ọ keghi he ẹre Riubẹn.

Gẹnẹsis 31:12

Rẹn keghi kha wẹẹ, ‘Ghe, avbe ovbukhọ ni mu hia kegha re ni gbẹnnẹ, ni hannigho kevbe ni mwẹ egbe ughughan. Mẹ ọ ruẹe vberriọ rhunmwuda I miẹn emwi ne Leban ruẹ re.

Gẹnẹsis 31:42

Akpawẹ ẹ i re ne Osanobua avbe erhamwẹ, Osanobua Ebraham, Osanobua ne Aizik gae, na ya ba mwẹ, u gha we mwẹ fiabọ gha rrie nẹ. Sokpan Osanobua bẹghe ọlọghọmwa ne I ye kevbe ẹsọn ne I he miẹn, ọ re a na miẹn wẹẹ vbe nasọn ọ keghi bu ohiẹn.”

II Samuẹl 22:28

Wẹ miẹn iran ni mu egbe rriotọ fan, u keghi si iran ni tọn egbe mu kẹ otọ.

II Ọba 13:4

Ẹre Jehoahaz na na erhunmwu ghe Nọyaẹnmwa, ugbẹn vbe Nọyaẹnmwa ghi miẹn obọ dan ne ọba e Siria ya mu ivbi Izrẹl, ọ keghi họn erhunmwu ẹnrẹn.

II Ọba 20:5

wẹ ne ọ werriegbe bu e Hẹzekaia gha khian ya khama rẹn wẹẹ, “Mẹ ne Nọyaẹnmwa, Osanobua ọghe Devid ne erha a odede họn erhunmwu ruẹn, I vbe miẹn ameve ruẹ. I gha mu uẹn egbe rran, u gha yo Ọgua Osa irakhuẹ.

Nehimaia 9:9

“U miẹn oya ne avbe erhamwa odede re vbe Igipt. U keghi họn vbe iran tu nọ iyobọ ọkpẹn Okun Iranmwiran.

Psalm 106:44

Sokpan, ugbẹn vbe iran ghi vbe tu ladian, e Nọyaẹnmwa keghi vbe họn urhu eve iran, ọ keghi vbe mu ẹmwẹ usẹ ne iran ye roro.

Psalm 12:6

Ne ọ gia mu ẹtin yan, ọ re eyan e Nọyaẹnmwa khin. Emwi ọmwata ọ re iran khin zẹ vbe esiliva ne a ya erhẹn kpe igba ihinrọn

Psalm 142:3

Ọ gha kẹ ekherhe ne I wa fọrhiọn, rẹn rẹn emwi ne I gha ru. Avbe eghian mwẹ khuẹn ifi khẹ mwẹ, vbe odẹ ne I la khian.

Psalm 145:19

Ọ viọ emwi ne iran i mwẹ ne iran ni ya ọghọ ne ẹẹn, ọ họn utumwẹ iran, ọ keghi miẹn iran fan.

Psalm 22:24

Rẹn i mianmian ivbiogue, ra ne ọ fi aro a vbe iran rri oya, ẹi vbe fi iyeke gbe iran, sokpan, iran gha nọ iyobọ, ọ ghi khuẹnniẹn.”

Psalm 34:4

I na erhunmwu ghe Nọyaẹnmwa, ọ keghi zẹ ẹmwẹ wanniẹn mwẹ; ọ kevbe fan mwẹ ye otọ vbe obọ ohan, ne ọ te mu mwẹ hia.

Psalm 34:6

Iran ne ẹtin fo nẹ kpe tie ẹre, ọ keghi fannọ iran ye otọ vbe uwu ọlọghọmwa iran hia.

Psalm 35:22

Sokpan, wẹ miẹn ọna nẹ Nọyaẹnmwa, rhunmwuda ọnii, ghẹ hunwan Nọyaẹnmwa. Ghẹ vbe khian rrei ya gha rre urria.

Psalm 9:14

ne imẹ miẹn ehe na mudia vbe odaro ivbi e Jerusalẹm. Ne I tama iran, emwi ne I rho ruẹ ba. I gha ghọghọ rhunmwuda, wẹ miẹn mwẹ fan nẹ.

Ẹksọdọs 1:11

Ivbi Igipt keghi rhunmwuda ọnii zẹlẹ avbe emwa ni su oleghan ne iran, ne iran gha ya ẹtin ya iran miẹn ẹsọn ne a wiẹn iran an. Avbe ivbi Izrẹl ẹre ọ bọlọ ẹvbo ne a tie ẹre Pitọn kevbe Ramesis ne ọba, ne ọ gha re ehe ne a si evbare gboo yi.

Ẹksọdọs 1:8

Ọba ọgbọn ne ọ ma zẹdẹ rẹn emwikemwi vbe ekpa Josẹf kegha rre asẹ vbe Igipt.

Ẹksọdọs 22:23

Wa gha ru iran khọ, iran na tu ma mwẹ nọ iyobọ, I gha zẹmwẹ wanniẹn iran.

Ẹksọdọs 33:13

Banbanna nian, adeghẹ ẹko ruẹ gele rhiẹnrhiẹn ghe mwẹ, tama mwẹ vbene u mwamwa emwi hia hẹ, ne I miẹn ehe na rẹn kevbe ne I sẹtin gha ru vbene ọ ye ruẹ. U ghi vbe yerre wẹ, agbọn ẹvbo na, emwa ruẹn ọre u zẹ iran ẹre ya khian.”

Ẹksọdọs 5:10

Iran ni ye avbe eviẹn winna kevbe avbe ekaolotu iwinna avbe ivbi Izrẹl, keghi ladian ya khama iran wẹẹ, “Vbenian ọre ọba ọghe Igipt khare. I i ghi viọ irunmwu ne uwa ọvbehe.

Ẹksọdọs 5:6

Vbe ẹdẹ ne ẹdẹrriọ zẹẹ, ọba ọghe Igipt keghi yi iyi ma avbe iran ni ya avbe eviẹn winna ne ivbi Igipt, kevbe avbe ọkaolotu iwinna ne ivbi Izrẹl wẹẹ,

Aizaia 63:9

hin uwu usẹ iran hia rre. Ẹ i re odibosa ọ re ọ do miẹn iran fan, e Nọyaẹnmwa tobọ ẹre, ọ re ọ miẹn iran fan. Ahoẹmwọmwa kevbe itohan, ọ re ọ ya miẹn iran fan. Ọ ka wa gbearoghe iran dee ẹdẹ,

Nọmbas 20:16

Ma keghi datie Nọyaẹnmwa ne ọ yi ima obọ, ọ họn urhu mwa, ọ keghi gie odibosa ne ọ su ima ke Igipt ladian. Banbanna nian, e Kedẹs ne ẹvbo ne uwa gba miẹn uwu ọre ima ghi ye na.

Iwinna 7:34

I ghe ẹre, I kevbe miẹn usẹ oya ne emwa mwẹ sẹ vbe Igipt. I họn eve orriara ne iran viẹ, te imẹ ghi rre do miẹn iran fan na. U ghi larre nian, I ra giọ gha rrie Igipt.’

Hibru 4:15

Ogie Ohẹn ọghomwa, ẹ i re ne ẹnina ọmwa i sẹtin la ẹre ekhọe vbe ẹmwẹ evburriẹ mwa. Sokpan Ogie Ohẹn ọghomwa keghi re ne avbe la odẹ hia danmwẹ ghe zẹ vbene ima ye, sokpan ọ ma ru orukhọ.

I Samuẹl 9:16

“Vbe odẹ ẹghẹ na akhuẹ, I gha gie okpia ọkpa ke uniẹn e Bẹnjamin bu ruẹ rre, u ghi nọnọ ori ye ọre uhunmwu zẹ vbe ne ọkhaemwisẹ yan avbe emwa mwẹ, rẹn ọ ra sinmwi iran hin obọ emwa Filistin rre. I miẹn usẹ ne emwa mwẹ sẹ, I vbe họn eve ne iran viẹ ye ẹmwẹ iyobọ.”