Ẹksọdọs 3:5 - Edo Bible (E Baibol Ẹdo) Version 1996

⁵ Osanobua keghi kha wẹẹ, “Ghẹ ghi sikẹ edinran sẹ ọnii. Viọ ibata hin owẹ rre rhunmwuda otọ ne ọ huanrẹn ọre u mudia yan na.”

Ẹksọdọs 3:5 Iomraidhean Croise

Ẹksọdọs 19:12

U ghi yi uwu lẹga oke nii ne emwa na, u ghi tama iran wẹ ne iran mwẹ ẹwaẹn ne iran ghẹ hin oke nii ra ne iran ya obọ kan ẹzi ẹre. A deghẹ ọmwaikọmwa ya obọ kan rẹn, te a ra gbe ẹe rua.

Ẹksọdọs 19:21

E Nọyaẹnmwa tama e Mosis wẹẹ, “Tuorre, ya tama emwa nii ne iran ghẹ fian uwu gberra ghe edinran wẹ iran ra do ghe mwẹ, ne nibun vbe uwu iran ghẹ ya wulo.

Ẹksọdọs 4:28

E Mosis keghi tama Errọn emwi hia ne Osanobua tama rẹn vbe ẹghẹ ne ọ na gie ẹe, ne ọ werriegbe gha rrie Igipt kevbe avbe emwi ọyunnuan ne Nọyaẹnmwa wẹ ne ọ ru.

Asan-Ibo 5:1

Hẹko gha ya ẹwaẹn yo Ọgua Osa. Ọ kere ne a yo ya ruẹ emwi vbe evba sẹẹ ne a ya gha zọ ese zẹvbe avbe ọzuọ ni ma rẹn emwi ne ọ kere hin e ne ọ ma kei rre.

Jerimaia 30:21

Ẹvbo iran ọ re ogie iran gha ke rre ovbiọba iran ghi gha re okpa vbe uwu iran I gha tie ẹre, ọ ghi bu mwẹ gha dee rhunmwuda, de ọmwa ne ohan gha giee rre vbe a ma tie ẹre? Iran ghi gha re emwa mwẹ, mẹ ghi gha re Osanobua iran. Mẹ ne Nọyaẹnmwa tae nẹ.”

Levitikọs 10:3

Ẹre Mosis na tama Errọn wẹẹ, “Emwi ne Nọyaẹnmwa gha kha ẹghẹ nii ọre ọ na khin vbe ẹghẹ ne ọ na kha wẹẹ, ‘Iran hia nii ga mwẹ, ọ kere ne iran gha da ne uhuanmwẹ mwẹ, I gha rhie uyi mwẹ ma emwa mwẹ.’ ” Sokpan Errọn ma guan ẹmwẹ rhọkpa.

Iwinna 7:33

Nọyaẹnmwa keghi tama rẹn wẹẹ, ‘Viọ ibata hin owẹ ruẹ re ighe otọ ne ọ huanrẹn ọre u mudia yan na.

Diuteronomi 23:14

Wa gie agọ ọghe uwa gha re ne awua i ye rhunmwuda e Nọyaẹnmwa Osanobua uwa deba uwa rre agọ, ne ọ gha degue uwa kevbe ne ọ rhie akhọnmiotọ ne uwa vbe uhunmwu eghian uwa. Wa ghẹ ru emwi ohọhọ ne ọ gha ya e Nọyaẹnmwa fi iyeke gbe uwa.

Hibru 12:20

Rhunmwuda, egbe iran ma rrọ uhi ne a yi wẹ, “A gha rhe wẹ aranmwẹ ọre ọ ya obọ kan oke ni, te a gha filo okuta gbe ẹe ua.”

Jọsua 5:15

Ọ re ọkaokuo ivbiyokuo e Nọyaẹnmwa nii na tama rẹn wẹẹ, “Viọ ibata ruẹ hin owẹ rre ighẹ otọe ne ọ huanrẹn ọ re u mudia yan na.” E Jọsua keghi ru vbene a tama rẹn.

II Pita 1:18

Ma tobọ ima họẹn vbe urhu na gu ẹe guan, ẹghẹ ne ima na gu ẹe gha rre uhunmwu oke ne ọ huanrẹn nii.