Ẹksọdọs 3:4 - Edo Bible (E Baibol Ẹdo) Version 1996

⁴ E Nọyaẹnmwa ghi miẹn ighẹ e Mosis hẹko sikẹ ọre, Osanobua keghi datie ẹre ke uwu erhẹn nii rre, ọ wẹẹ, “Mosis! Mosis!” Rẹn na wanniẹn wẹẹ, “Ghe mwẹ vbe emwa na.”

Ẹksọdọs 3:4 Iomraidhean Croise

Gẹnẹsis 22:1

Ọ ghi kpẹe fua kherhe, Osanobua keghi danmwẹ Ebraham ghe; ọ tama rẹn wẹẹ, “Ebraham!” Ebraham keghi wanniẹn wẹẹ, “Ghe mwẹ, I danmwehọ!”

Gẹnẹsis 22:11

Sokpan, odibo Nọyaẹnmwa keghi datie ẹre ke ẹrinmwi rre, “Ebraham, Ebraham!” Rẹn keghi wanniẹn wẹẹ, “Ee, ghe mwẹ mwa.”

Gẹnẹsis 28:16

E Jekọb keghi rhiọrre ọ wẹẹ, “Vbe ne a i na gbe awẹawẹ, Nọyaẹnmwa rre emwana, mẹ ma te rẹn!”

Gẹnẹsis 46:2

Osanobua keghi tama rẹn vbe umian vbe asọn wẹẹ, “Jekọb, Jekọb!” Rẹn wanniẹn wẹẹ, “Ghe mwẹ, I rre emwa!” Ọ tama rẹn wẹẹ,

Psalm 62:11

Ọ gberra uhukpa ne I he họn ẹn vbe Osanobua khare wẹ rẹn ọ re ọ yan ẹtin.

Ẹksọdọs 19:3

E Mosis keghi hin uhunmwu oke nii ne ọ ya vba Osanobua. E Nọyaẹnmwa keghi datie ẹre ke uhunmwu oke rre, ọ na tama rẹn wẹ ne ọ tama ivbi Izrẹl ne ivbi uniẹn Jekọb wẹẹ:

Ẹksọdọs 3:2

Odibo e Nọyaẹnmwa keghi rhie egbe ma rẹn zẹ vbe erhẹn ne ọ baa vbe uwu oha. E Mosis keghi miẹn wẹ erhẹn mu vẹn vbe oha nii sokpan emwi rhọkpa ma giẹn.

Ẹksọdọs 33:12

E Mosis keghi tama e Nọyaẹnmwa wẹẹ, “Ẹmwata nọ wẹ ne I viọ emwa na gha rrie otọ nii, sokpan u ma tama mwẹ ọmwa ne u gha gie lele mwẹ. U keghi kha wẹẹ, ‘U rẹn mwẹ ẹsẹse ekhọe ruẹ vbe rhiẹnrhiẹn ghe mwẹ.’

Ẹksọdọs 4:5

E Nọyaẹnmwa keghi kha wẹẹ, “U ghi ru ọna ne ivbi Izrẹl miẹn ehe na yayi wẹ, e Nọyaẹnmwa Osanobua avbe erha iran odede, Osanobua Ebraham, Osanobua Aizik kevbe Osanobua ọghe Jekọb gele rhie egbe ma ruẹn.”

Levitikọs 1:1

E Nọyaẹnmwa keghi datie Mosis ke uwu Owa Ukpọn e Nọyaẹnmwa rre, ọ na viọ avbe uhi na ne ẹẹn wẹẹ,

Iwinna 10:13

Urhu ọkpa keghi tama rẹn wẹẹ, “Pita kpaegbe, gbe ne u gha re.”

Iwinna 10:3

Ẹdẹ ọkpa, vbe odẹ ihe ẹgogo eha vbe avan, rẹn keghi miẹn umian ne ọ na wa bẹghe odibo Osanobua ọkpa vbe ọ bu ẹre gha dee do tama rẹn wẹẹ, “Kọniliọs!”

Iwinna 9:4

Rẹn keghi de gbe otọ, ọ keghi họn vbe urhu ọkpa tama rẹn wẹẹ, “Sọl, Sọl, vbọzẹ ne u na zọ mwẹ owẹ?”

Diuteronomi 33:16

Te a gha ya emwi ni maa sẹẹ hia vuọn otọe iran, ne a ye umamwẹ e Nọyaẹnmwa fiangbe, ọmwa ne ọ guan ke uwu oha erhẹn rre, te afiangbe na hia gha sẹ vbe egbe ẹwae Josẹf rhunmwuda ọkaolotu rẹn gha khin vbe uwu ẹbu etiọnrẹn.

I Samuẹl 3:10

E Nọyaẹnmwa kegha dee, ọ keghi mudia vbe evba, ọ keghi dọlegbe tie zẹ vbene ọ ka tie yi, “Samuẹl! Samuẹl!” E Samuẹl keghi wanniẹn wẹẹ, “Gha guan; ọguọmwadia ruẹ danmwẹ ehọ.”

I Samuẹl 3:4

E Nọyaẹnmwa keghi tie Samuẹl, rẹn keghi khuẹnniẹn wẹẹ: “Ghe mwẹ evbavba!”

I Samuẹl 3:6

E Nọyaẹnmwa keghi vbe dọlegbe tie Samuẹl, ọmọ nii kevbe kpaegbe, ọ keghi bu Elai gha khian ya tama rẹn wẹ “Ẹ i re te u tie mwẹ, ghe mwẹ.” Sokpan Elai wanniẹn wẹẹ, “I ma tie ruẹ, ovbi mwẹ gha khian ya lovbiẹ.” (E Samuẹl ma he rẹn e Nọyaẹnmwa rhunmwuda e Nọyaẹnmwa ma he ka guẹe guan ẹdẹ.)

I Samuẹl 3:8

E Nọyaẹnmwa keghi dọlegbe tie Samuẹl ukpogieha, rẹn guakpao, ọ bu Elai, ọ tama tẹn wẹẹ, “Ẹ i re te u tie mwẹ, ghe mwẹ.” Ẹghẹ nii ọ re Elai na do rẹn wẹ, e Nọyaẹnmwa ọ re ọ tie ọmọ na.