Ẹksọdọs 3:16 - Edo Bible (E Baibol Ẹdo) Version 1996

¹⁶ Gha khian, ya si avbe ọkaolotu Izrẹl koko ne u tama iran wẹẹ, ‘Mẹ ne Nọyaẹnmwa, Osanobua avbe erha uwa odede, Osanobua ọghe Ebraham, Aizik kevbe Jekọb ọre ọ rhie egbe ma mwẹ, ọre ọ na wẹ ne I tama uwa wẹẹ, “Mẹ do rhuan uwa ghe, I keghi miẹn emwi hia ne ivbi Igipt ru uwa re.

Ẹksọdọs 3:16 Iomraidhean Croise

Gẹnẹsis 21:1

E Nọyaẹnmwa keghi fiangbe Sera zẹ vbene ọ khare.

Gẹnẹsis 28:13

Iyekọni, ọ keghi miẹn vbe Nọyaẹnmwa mudia ke irẹn, ọ wẹẹ, “Mẹ ọrọre Nọyaẹnmwa, Osanobua Ebraham kevbe Aizik. Otọ ne u lovbiẹ yi na, I gha yae nuẹn ke uwẹ kevbe uniẹn ruẹn,

Gẹnẹsis 48:15

Ọ keghi fiangbe iran. “Te Osanobua gha fiangbe emọ na! Osanobua ne Ebraham kevbe Aizik ne erhamwẹ gae! Te Osanobua ne ọ su mwẹ sẹ ẹdẹnẹrẹ na, gha fiangbe iran!

Gẹnẹsis 50:24

Rẹn keghi tama etiọnrẹn wẹẹ, “Te i ghi ra wu na, sokpan Osanobua gha gbearoghe uwa vbe ne a i na gbe awẹawẹ, ọ ghi viọ uwa ke otọe na ladian gha rrie otọe nii ne ọ ve iran ẹre ighẹ Ebraham, Aizik kevbe Jekọb.”

Psalm 102:21

Rhunmwuda ọnii, a gha go wan eni ẹnrẹn vbe Zaiọn, a gha vbe rho ẹre vbe Jerusalẹm.

Psalm 33:18

E Nọyaẹnmwa ọ re ọ gbearoghe iran ni ya ọghọ ne ẹẹn. Iran ni mu ẹtin yan ahoẹmwọmwa rẹn ne ẹi beghe.

Psalm 8:4

Vbe ọmwa khin, ne uwẹ mu ẹmwẹ ọnrẹn ro, kevbe ọmwa kẹkan, ne uwẹ na zẹ yọ ẹre re?

Ẹksọdọs 1:8

Ọba ọgbọn ne ọ ma zẹdẹ rẹn emwikemwi vbe ekpa Josẹf kegha rre asẹ vbe Igipt.

Ẹksọdọs 13:19

E Mosis keghi mu ikun ọghe Josẹf mwẹ zẹ vbe ne Josẹf ya ivbi Izrẹl vẹn ihẹn ọnrẹn wẹ iran gha ru. E Josẹf ta ẹe wẹẹ, “Ẹ i mwẹ Osanobua ma miẹn uwa fan, wa ghi mu ikun mwẹ ba egbe lahin evba nii rre.”

Ẹksọdọs 15:14

Avbe okpẹvbo họn ẹn, iran keghi guọ zẹzẹzẹ ne ohan; ohan keghi mu avbe emwa Filistia.

Ẹksọdọs 17:5

E Nọyaẹnmwa keghi tama e Mosis wẹẹ, “Viọ eso vbe uwu avbe ekaolotu ivbi Izrẹl ba egbe ne u fian ke odaro ne iran. Rhie ọkpọ ne u rhie gbe ẹzẹ mwẹ obọ ne u gha khian.

Ẹksọdọs 18:12

Ẹre Jẹtro na ya viọ ese gie Osanobua, kevbe emwi imuohan ne a gha giẹn; Errọn kevbe avbe ekaolotu ivbi Izrẹl hia keghi lele orruan e Mosis ne okpia gha dee do rri evbare iruemwi nii zẹ vbe emwi ne a ya ga.

Ẹksọdọs 2:25

Ọ keghi miẹn ihe ọviẹn ne ivbi Izrẹl ye, ọ na ya egbe ne iran miẹn.

Ẹksọdọs 24:11

Osanobua ma ru avbe ọkaolotu Izrẹl emwi ikuangbe. Iran dẹghe Osanobua iran keghi koko re, iran na vbe koko da.

Ẹksọdọs 3:2

Odibo e Nọyaẹnmwa keghi rhie egbe ma rẹn zẹ vbe erhẹn ne ọ baa vbe uwu oha. E Mosis keghi miẹn wẹ erhẹn mu vẹn vbe oha nii sokpan emwi rhọkpa ma giẹn.

Ẹksọdọs 3:6

Ọ keghi tama rẹn, “Mẹ ọrọre Osanobua erha a, Osanobua ọghe Ebraham, Osanobua ọghe Aizik, kevbe Osanobua ọghe Jekọb.” E Mosis keghi mu emwi rhu aro rhunmwuda ohan ma gi ẹe ẹre ghe Osanobua.

Ẹksọdọs 4:1

E Mosis keghi wanniẹn tama e Nọyaẹnmwa wẹẹ, “Sokpan a deghẹ ivbi Izrẹl ma ya mwẹ yi vbo, ighẹ iran ma rhie ehọ mẹ ta yi, iran na wẹẹ, ‘E Nọyaẹnmwa ma rhie egbe ma ruẹn.’ Vbe I a gha ghi ru?”

Ẹksọdọs 4:29

E Mosis kevbe Errọn keghi ya si avbe ekaolotu ivbi Izrẹl koko.

Ẹksọdọs 4:31

Iran keghi yayi, ugbẹn vbe iran ghi họn wẹ Nọyaẹnmwa bu iran gha dee, ighẹ ọ vbe miẹn vbe iran sẹ iran usẹ hẹ, iran keghi ya uhunmwu rhanmwẹ otọ, iran na ga Osanobua.

Ẹksọdọs 4:5

E Nọyaẹnmwa keghi kha wẹẹ, “U ghi ru ọna ne ivbi Izrẹl miẹn ehe na yayi wẹ, e Nọyaẹnmwa Osanobua avbe erha iran odede, Osanobua Ebraham, Osanobua Aizik kevbe Osanobua ọghe Jekọb gele rhie egbe ma ruẹn.”

Matiu 26:3

Ẹghẹ ni ọre avbe igiohẹn kevbe avbe ediọn avbe Ju na ya do iko vbe ẹguae Kaiafas ne Ogie Ohẹn.

Iyẹn ne ọ Maan Ọghe Luk 1:68

“Wa gie a rho Nọyaẹnmwa Osanobua ọghe Izrẹl. Rhunmwuda ọ do ye emwa rẹn obọ, ọ keghi fan iran vbe irri.

Iyẹn ne ọ Maan Ọghe Luk 19:44

Iran gha gbe uẹ ogbefo, ke uwẹ kevbe emwa ni rre uwu odin ruẹn, okuta ọkpa ne a gha sẹ rae ye ihe ẹre ẹ i rrọọ. Rhunmwuda, u ma tie ẹre emwi ẹmwata vbe Osanobua do miẹn ruẹn fan.”

Iwinna 11:30

Iran keghi gele ru vberriọ, iran keghi rhie igho na ne Banabas kevbe Sọl ne iran rhie gie avbe eniwanrẹn esọsi.

Iwinna 15:14

Saimọn ta ẹe wan vbe ne Osanobua ka ya rhie maa hẹ ighẹ rẹn vbe zẹ ye iran ne ẹ i re Ju re vbe ekpa ne ọ na viọ emwa eso vbe uwu iran ya ru ọghe irẹn.

Iwinna 20:17

Pọl keghi gie uhunmwu ke Mailitọs gha rrie Ẹfisọs, ọ na wẹ ne avbe ediọn esọsi do miẹn irẹn vbe evba.

I Pita 2:12

Wa gie uyinmwẹ ne uwa yin maa sẹ rriọ vbe uwu ẹbu avbe eni ma yayi wẹ, iran gha ba uwa ifi ẹzọ wẹ emwi dan ọre uwa ru, iran ghi vbe tobọ iran kha wẹ, wa vbe ru emwi esi, rhunmwuda ọnii, iran ghi rho Osanobua vbe Ẹdẹ ne ọ ra rre.

I Pita 5:1

I mu egbe rri otọ rinmwian avbe ediọn esọsi ni rre uwu uwa, mẹ tobọ mwẹ ne ọ vbe re ediọn, aro mwẹ sẹ oya ne Kristi re, ọ gha vbe sẹ mwẹ obọ vbe uwu uyi ne a gha rhie maa, I mu egbe rri otọ rinmwian uwa.

Ebe Rut 1:6

E Naomi keghi họn wẹ e Nọyaẹnmwa ye emwa rẹn obọ, vbene ọ na gie emwiokọ maa ne iran ẹsẹse. Rẹn keghi do mu egbe ne ọ kpao vbe Moab rre ke irẹn kevbe avbe amwẹ ivbi ẹre.