Ẹksọdọs 3:1 - Edo Bible (E Baibol Ẹdo) Version 1996

¹ Ẹdẹ ikẹtin e Mosis kegha su ohuan Jẹtro ne erha amwẹ ọnrẹn ne ọ vbe re ohẹn Midian. Ọ keghi viọ ohuan nii fian ato gberra, ọ na do sẹ Sainai oke ne ọ huanrẹn.

Ẹksọdọs 3:1 Iomraidhean Croise

I Ọba 19:19

Elaija ghi ladian, ọ keghi vba Elaisia gha ya oghẹn ẹmila gua, oghẹn owọrọ keghi kodaro ne irẹn, ne ọ ke odieke vbọ ọre ọ ghi ya gua. Elaija keghi ban agbada ẹwu ẹre, ọ na mu ẹẹn yọ Elaisia.

I Ọba 19:8

Elaija keghi kpaegbe, ọ rri evbare, ọ keghi wọn amẹ, evbare ni keghi rhie ẹtin ne ẹẹn ne ọ ya khian okhian ikpẹdẹ iyeva gha rrie Sainai ne oke ne ọ huanrẹn.

Psalm 106:19

Iran na ma ẹmila igoru vbe Sainai iran na gha gho amazẹ ni.

Ẹksọdọs 17:6

I gha mudia ye odaro ruẹ vbe uhunmwu okuta vbe oke Sainai. Ya ọkpọ nii kpe okuta, amẹ gha vẹ ke uwu ẹre ladian ne emwa nii wọn.” E Mosis keghi sirra avbe ekaolotu Izrẹl nii ru vberriọ.

Ẹksọdọs 18:12

Ẹre Jẹtro na ya viọ ese gie Osanobua, kevbe emwi imuohan ne a gha giẹn; Errọn kevbe avbe ekaolotu ivbi Izrẹl hia keghi lele orruan e Mosis ne okpia gha dee do rri evbare iruemwi nii zẹ vbe emwi ne a ya ga.

Ẹksọdọs 19:11

vbe ẹdẹ ne irakhuẹ, vbe ẹdẹ ne ẹdẹrriọ, mẹ ne Nọyaẹnmwa gha tuorre vbe uhunmwu oke Sainai ehe ne avbe emwa nii hia gha na bẹghe mwẹ.

Ẹksọdọs 19:3

E Mosis keghi hin uhunmwu oke nii ne ọ ya vba Osanobua. E Nọyaẹnmwa keghi datie ẹre ke uhunmwu oke rre, ọ na tama rẹn wẹ ne ọ tama ivbi Izrẹl ne ivbi uniẹn Jekọb wẹẹ:

Ẹksọdọs 2:18

Ugbẹn vbe iran ghi bu erha iran gha die owa, ọ keghi nọ iran wẹẹ, “Vbe uwa na rherhe rre sẹrriọ hẹ ere na yi?”

Ẹksọdọs 2:21

E Mosis na ghi wa tota vba, ọre Jẹtro na rhie ovbi ẹre ne a tie ẹre Zipora nẹẹn ne ọ rhie rọnmwẹ.

Ẹksọdọs 24:13

E Mosis keghi rhie Jọsua ne ọguọmwadia ẹre ba egbe, iran ke hin uhunmwu oke Osanobua.

Ẹksọdọs 3:12

Osanobua keghi wanniẹn wẹẹ, “I gha yaba ruẹ, ọ na u gha ya rẹn wẹ mẹ ọre ọ giọ. U gha ghi viọ emwa nii ke Igipt ladian nẹ, u gha do ga mwẹ vbe uhunmwu oke na.”

Ẹksọdọs 3:5

Osanobua keghi kha wẹẹ, “Ghẹ ghi sikẹ edinran sẹ ọnii. Viọ ibata hin owẹ rre rhunmwuda otọ ne ọ huanrẹn ọre u mudia yan na.”

Ẹksọdọs 33:6

Rhunmwuda ọnii, ke uhunmwu oke Sainai kpao, ivbi Izrẹl ma ghi viọ ikpẹrọnmwọ itegbe iran ye egbe ọvbehe.

Ẹksọdọs 4:18

E Mosis keghi dọlegbe bu Jẹtro ne orruan rẹn gha khian, ọ keghi tama rẹn wẹẹ, “Lahọ, gunmwe kpao, I ra bu etẹn mwẹ ni rre Igipt ne I ya ghe a deghẹ iran ye rre agbọn.” E Jẹtro keghi gbe ọ khian ẹdẹ hia nẹẹn.

Ẹksọdọs 4:27

E Nọyaẹnmwa keghi khama Errọn wẹẹ, “Gha rrie uwu ato ne u ya vba Mosis.” Rẹn keghi ya vba ẹre vbe oke ne ọ huanrẹn, ugbẹn vbe ọ ghi miẹn ọẹn, ọ keghi ya unu soso ẹre unu.

Emọs 1:1

Ẹmwẹ Emọs ne Ọsuohuan ne ovbi ẹvbo ne a tie ẹre Tẹkoa ọ re ena khin. A ghi tie ẹre ukpo eva ne igbohiotọ ra sunu, vbe ẹghẹ ne Uzaia na gha re ọba e Juda, e Jeroboam na vbe gha re ọba Izrẹl, Osanobua keghi rhie emwi na hia vbe ekpa Izrẹl ma Emọs.

Malakai 4:4

Wa ye emwi ne Mosis ne ọguọmwadia mwẹ ma uwa ẹre rre. Avbe uhi kevbe ilele ne I viọ ne ẹẹn vbe Oke Sainai, ne ivbi Izrẹl hia gha ya ẹe ru emwi.

Nọmbas 10:29

E Mosis keghi tama Hobab ne ovbi Jetro ne orruan rẹn ne ovbi Midian wẹẹ, “Te ima ghi ra kpao gha rrie ehe ne Nọyaẹnmwa khare ighẹ rẹn gha mu ne ima. Ọ yan mẹ wẹ rẹn gha ya Izrẹl khian ne ọ fee, lele ima gha dee, ma gha ghae ne uẹn vbe ẹfe ima.”

Nọmbas 10:33

Ugbẹn vbe emwa nii ghi sii kpao vbe Sainai ne oke ne ọ huanrẹn, iran keghi khian okhian ikpẹdẹ eha, Ẹkpẹti Ile ọghe Nọyaẹnmwa keghi kodaro ne iran ne ọ gualọ ehe ne iran gha bu agọ yi ne iran.

Iyẹn ne ọ Maan Ọghe Luk 2:8

Avbe Ọsuohuan eso keghi rre otọe ẹvbo nii, iran kegha gbe aro ghe ohuan iran vbe oha vbe asọn.

Iwinna 7:30

“Vbe iyeke ukpo iyeva, odibosa keghi rhie egbe, ma Mosis vbe uwu oha ne erhẹn na baa, vbe ato ne ọ rre ọkpẹn Sainai.

Diuteronomi 1:2

(A gha la odẹ ẹvbo ne ọ rre uhunmwu oke ọghe Idọm, ikpẹdẹ owọrọ ọre a ya khian ke oke Sainai yasẹ Kedẹs Bania.)

Diuteronomi 1:6

Ọ keghi kha wẹẹ, “Ẹghẹ ne ima na gha rre Oke Sainai, e Nọyaẹnmwa Osanobua ima keghi tama ima wẹẹ, ‘Wa kpẹe sẹ nẹ vbe uhunmwu oke na.

Diuteronomi 4:10

Vbene uwa mudia vbe odaro Nọyaẹnmwa hẹ vbe Oke Sainai, ẹkpo ne ọ na khama mwẹ wẹẹ, ‘Si avbe emwa ni koko. I ho ne iran họn ẹmwẹ ne I ra ta, ne iran miẹn ehe na gha mu ohan mwẹ iran te ya wu, ne iran vbe miẹn ehe na ma ivbi iran re ne iran gha mu ohan mwẹ.’

Giọgis 4:11

Banbanna nian, e Hebẹ ne ọmwa Ken keghi tan owa ukpọn rẹn sikẹ Kedẹs ye ọkpẹn okan ne ọ rre Zananim. Ọ si kpao hin ehe ne emwa Ken nekpa ye ighẹ ivbi Hobab ne erha amwẹ Mosis.

I Samuẹl 16:11

Ọ keghi nọ rẹn wẹẹ, “U ye mwẹ emọ ikpia ọvbehe ra?” E Jese keghi wanniẹn wẹẹ, “Ne ọvbokhan ne ọ rrọọ, ọre ọ ghi ke ẹe sokpan, ọ rre ehe ne ọ na su ohuan.” E Samuẹl keghi kha wẹẹ, “Ya tie ẹre rre, ọ ma rre nẹ ma i zọ ese na.”