Ẹksọdọs 27:9 - Edo Bible (E Baibol Ẹdo) Version 1996

⁹ “Wa ghi gba ogba ga Owa Ukpọn nii. Vbe odẹ ekẹn vbọ, a ghi ya eto ovbiohuẹ ne mose e ne a do sẹ ukpọn onurho yọ, utanmwẹ ọnrẹn vbe obọkpa ghi gha re ọkpọ ekigbesiyeha.

Ẹksọdọs 27:9 Iomraidhean Croise

I Ọba 6:36

A keghi vbe bọ ọgua ne ọ ke uwu ẹre ye odaro Ọgua Osa, a na gbe ekẹn lẹga ẹre, ekẹn na, a gha viọ okuta eha yan egbe nẹ, a ghi vbe mu ekpatako isida yan rẹn.

I Ọba 8:64

Vbe ẹdẹ ọkpa nii, ọ keghi vbe ya ikun ne adesẹ ne ọ rre odaro Ọgua Osa fiohan, ehe ne a na giẹn vbe aka avbe aranmwẹ ne a ya zọ ese, ne a ma va, izọ ese avbe ọka, kevbe ẹvbi aranmwẹ ne a ya si isara. Aka ọghe oze ne ọ rre Ọgua Osa, ma ghi gua emwi izọese na hia.

II Krọnikol 33:5

Ọ keghi bọlọ ehe ne a na gho avbe orhọnmwẹ lele ọgua ore eva na ọ rre Ọgua Osa.

II Krọnikol 4:9

Iran keghi ru ẹghodo uwowa ne avbe ohẹn, kevbe ẹghodo ore, a keghi ya oze rhu avbe ẹkhu ni rre ẹkpo avbe ẹghodo ni.

Psalm 100:4

Wa ye ekpọnmwẹ la onurho Ọgua Osa, wa vbe ya urhomwẹ gha rriẹ ẹguae ẹre, wa gha kpọnmwẹ ọẹn, ne uwa vbe gha rho ẹre.

Psalm 84:10

Ẹdẹ okpa ne a yae vbe Ọgua Osa ruẹ maa sẹẹ arriaisẹn ne a yae vbe ehe ọvbehe, I mudia ye onurho owa Osanobua mwẹ, ọ re ọ maa sẹẹ ne I gha rre uwu owa emwa dan.

Psalm 92:13

Te iran ye vbe erhan ne a kọ ye owa e Nọyaẹnmwa.

Ẹksọdọs 27:10

A ghi ya ọkpọ oze ugie ne a ya oze ru odẹ owẹ ọre ke ẹe, kevbe aban kevbe irri ọghe esiliva ni rre avbe ọkpọ ni da ẹe yi.

Ẹksọdọs 35:17

Ukpọn onurho ọghe ọlẹga ẹre, ọkpọ ni rrọọ, oze iran, ukpọn onurho ne ọ rre ehe ne a la la ọlẹga ẹre.

Ẹksọdọs 36:17

Ọ keghi do uvun ekigbe siyeha ya ehọ igbu ne okiekie vbe enokaro kevbe uvun ekigbe siyeha vbe enọkpa.

Ẹksọdọs 39:40

Ukpọn onurho ni rre ogba ọlẹga ẹre, ọkpọ ni rrọọ, ẹzi ẹre. Ukpọn onurho ni rre onurho ẹre, okun ẹnrẹn, ukeke Owa Ukpọn, kevbe emwi ne a ya ru emwi vbe uwu ugamwẹ vbe Owa Ukpọn nii.

Ẹksọdọs 40:33

Ọ keghi mu ogba ọlẹga nii mudia lẹga Owa Ukpọn nii kevbe aka, ọ kevbe de ukpọn onurho ye onurho ọlẹga nii. Ẹre Mosis na winna iwinna nii hia fo.

Ẹksọdọs 40:8

U ghi mu ogba ọlẹga nii mudia ne u vbe de ukpọn onurho ye ehe ne a la la ogba ọlẹga nii.

Ezikiẹl 40:14

A keghi gha la ughugha ne ọ wa ke odọ sẹẹ vbe ehia fi ẹghodo. Ọ keghi mwa ughugha nii, ọ keghi miẹn wẹ ibata enẹ yan ọgban ọ re nọ.

Ezikiẹl 40:17

Ọmwa nii keghi rhie mwẹ la onurho gha rrie Ọgua ore. A keghi bọlọ ughugha ọgban lele ekẹn ne ọ ke ore, vbe odaro iran, ihe ọkpa ne ọ vbee ne a ya okuta ma otọ ẹre kegha rrọ.

Ezikiẹl 40:20

Ọmwa nii keghi vbe mwa onurho ne ọ rre odẹ okuọ vbe ehe ne a lala ẹghodo ne ọ ke ore.

Ezikiẹl 40:23

Onurho ọvbehe ọkpa kevbe gha rre ehe ne ọ mu aro da ẹghodo na vbe odẹ okuọ, zẹ vbene ọ vbe ye vbe obọ nọkpa, ọna ọ re a la sẹ ẹghodo ne ọ ke uwu ẹre. Ọmwa na keghi mwa vbene onurho eva na rrei ne egbe sẹ hẹ, ọ kegha re ibata erẹnrẹn yan iyerẹnrẹn (168).

Ezikiẹl 40:28

Okpia nii keghi rhie mwẹ la onurho ne ọ rre odẹ ekẹn ne ọ rrọ gha rrie ẹghodo ne ọ ke uwu ẹre. Ọ keghi mwa onurho ne ọ rrọ, ọ keghi vbe gha re vbene avbe ẹghodo ne ọ ke ekẹn ore vbe ye.

Ezikiẹl 40:32

Ọmwa nii keghi rhie mwẹ la onurho odẹ ekẹn gha rrie ẹghodo ne ọ ke uwu ẹre. Ọ keghi mwa onurho ne ọ rrọ, ọ keghi vbe gha ye vbene avbe nekpa ye vbe ukpọlọmwẹ.

Ezikiẹl 40:44

Vbe iyeke ọnii, ọ keghi rhie mwẹ gha die ẹghodo ne ọ ke uwu ẹre. Ughugha eva ọ re ọ viọ aro da ẹghodo ne ọ ke uwu ẹre nii, ọkpa mu aro da odẹ ekẹn vbe ọkpẹn onurho odẹ ahọ, nọkpa keghi mu aro da odẹ ahọ vbe onurho ne ọ rre odẹ ekẹn.

Ezikiẹl 42:3

Vbe obọkpa vbọ, ọ keghi mu aro da ẹkpotọ ne ọ re ibata enẹyan ọgban ne ọ lele ọkpẹn Ọgua Osa, vbe obọ nọkpa, ọ keghi mu aro da odẹ ne a so ẹre ukpo lele ẹkpotọ ne ọ ke ore. Ọgbagba eha ọ re a bọọ ẹre re, ne ọ ke odọ ghi vbe sikẹ uwu ẹre sẹẹ ne a ka sẹ.

Nọmbas 3:26

Ukpọn ne a ya gue ibare ni lẹga Owa Ukpọn nii kevbe aka, deba ukpọn onurho ne a la la ibare. Iran ọ re a mu iwinna ni kevbe avbe emwi na hia ye ọre obọ.

Nọmbas 4:26

Ukpọn onurho kevbe okun ni rre ọlẹga Owa Ukpọn kevbe aka, ukpọn onurho ne ọ rre ehe ne a la la ọlẹga, kevbe emwi hia ne a ya tan avbe emwi na hia. Iran ọ khian gha winna iwinna hia ni dekan avbe emwi na.

Nọmbas 4:32

deba ọkpọ, ẹzi ogba kevbe okun ọghe ọlẹga Owa Ukpọn nii, kevbe emwi hia ne a ghi ya mu ẹẹn mudia, a ghi ya eni dọmwadẹ ọghe ọe gha emwi ne ọ gha mu nẹ.