Ẹksọdọs 27:2 - Edo Bible (E Baibol Ẹdo) Version 1996

² U ghi ru ẹe ne ọ niẹn ukpẹ ladian vbe igẹngẹn ọnrẹn enenẹ. Nene avbe aka ghi wa gha re ọkpa, a ghi ya oze rhu ehia fẹẹrẹ.

Ẹksọdọs 27:2 Iomraidhean Croise

I Ọba 1:50

Ohan dan ọghe Solomọn keghi mu Adonaija ọ na rhulẹ la uwu Owa Ukpọn e Nọyaẹnmwa, ọ keghi ya sobọ mu ukpẹ erhan Ogiukpo.

I Ọba 2:28

E Joab ghi họn emwi ne ọ sunu (Adonaija ọ re irẹn yegbe ba, ọ ma deba Solomọn) ọ keghi lẹ gha rrie Owa Ukpọn e Nọyaẹnmwa ne ọ huanrẹn, ọ keghi ya sobọ mu ukpẹ Ogiukpo.

I Ọba 8:64

Vbe ẹdẹ ọkpa nii, ọ keghi vbe ya ikun ne adesẹ ne ọ rre odaro Ọgua Osa fiohan, ehe ne a na giẹn vbe aka avbe aranmwẹ ne a ya zọ ese, ne a ma va, izọ ese avbe ọka, kevbe ẹvbi aranmwẹ ne a ya si isara. Aka ọghe oze ne ọ rre Ọgua Osa, ma ghi gua emwi izọese na hia.

II Ọba 16:14

Ogiukpo oze ne a ya fi ohan ne Nọyaẹnmwa kegha rre ẹkpo Ogiukpo ọgbọn nii kevbe Ọgua Osa, ọ re Ehaz na silo ẹe sikẹ odẹ okuọ ọghe Ogiukpo ẹre ne ọgbọn.

II Krọnikol 4:1

E Solomọn ne Ọba keghi ru Ogiukpo oze, ọ kegha re ibata ọgban vbe igienẹnẹ, uyomwẹ ọnrẹn kegha re ibata ekesugie.

Psalm 118:27

E Nọyaẹnmwa ọrọre Osanobua ọ wa vbe ru ima ẹse dee ẹdẹ wa viọ abọ erhan mwẹ obọ ne uwa suẹn emwi ukpo nii ne uwa gbe ukpukpẹ lẹga ogiukpo.

Ẹksọdọs 27:3

U ghi vbe ru ọkpan ọghe emuẹn ne lọkọ nọ rre aka, u ghi vbe ru ovbẹvbẹ, ọkpan nekhua, aban kevbe emwi ne a ya wan erhẹn. Emwi hia ne a ghi lo vbe aka nii, oze ọre a gha ya ru ẹe.

Ẹksọdọs 29:12

U ghi rhie vbe esagiẹn ẹkhuia ẹmila nii, u ghi ya ikpinhianbọ ruẹ ya ẹe rhanmwẹ avbe ukpẹ aka nii.

Ẹksọdọs 38:30

Enii ọre ọ ya ru ẹzi ye onurho owa ukpọn ehe ne Nọyaẹnmwa ye, aka ọghe oze kevbe ọkiakia oze ne ọ rrọọ kevbe emwi hia ne a lo vbe aka.

Ezikiẹl 43:15

Ne ọ ke okhunmwu na, ne ọ vbe re ehe ne a na gien emwi izọese keghi vbe re emita eva vbe uyomwẹ, ehe ne ọ na si ukpẹ ladian vbe obọ enenẹ keghi vbe yo sẹ ehe ne ọ ke odukhunmwu vbọ nii.

Levitikọs 16:18

ọ ghi vbe gha rrie aka ese na giẹn uan ne ọ vbe ya họnmwẹ ọẹn ruan, ọ ghi rhie vbe esagiẹn ẹkhuia ẹmila nii kevbe esagiẹn ẹwe nii, ọ ghi ya ẹe woo ehe ne aka na sukpẹ ladian vbe igienenẹ.

Levitikọs 4:18

Ọ ghi rhie vbe esagiẹn ọnrẹn ye ehe ne aka eturari ye vbe uwu Owa Ukpọn, ọ ghi hihiẹ ni dekẹe ye ẹzi aka ne a na giẹn ese, ne ọ rre onurho owa ukpọn.

Levitikọs 4:25

Ohẹn ghi fi ikpinhianbọ ẹre ye uwu esagiẹn aranmwẹ na, ọ ghi rhie ẹre ye ukpẹ ni rre okhiẹ aka nii, ọ ghi hihiẹ ni dekẹe ye ẹzi aka nii.

Levitikọs 4:7

Iyeke ọnii ọ ghi rhie eso vbe esagiẹn ye ehe ne ọ zẹ ukpẹ ladian vbe aka ne a na giẹn eturari vbe uwu Owa Ukpọn e Nọyaẹnmwa. Ọ ghi hihiẹ esagiẹn ne ọ dekẹe ye ẹzi aka ne a na giẹn emwi izọ ese vbe onurho Owa Ukpọn nii.

Levitikọs 8:15

E Mosis keghi gbe ẹe, ọ keghi rhie vbe esagiẹn ọnrẹn, ọna ya ikpinhianbọ ẹre rhie ẹre ye ukpẹ aka ni rre okhiẹ ọre, ne a miẹn ehe na ya ẹe fi ohan, ọ na hihiẹ esagiẹn ni dekẹe ye ẹzi aka. Odẹ vberriọ ọ keghi ya ẹe fi ohan, ọ na ya ẹe khian ne ọ huansẹ.

Zẹkaraia 9:15

E Nọyaẹnmwa ne Oghodua gha degue emwa rẹn. Iran gha fuẹn eghian iran hia a. Iran gha davan vbe okuo zẹ vbe emwa ni wọn ohinrre. Iran gha gbe esagiẹn eghian iran ye otọ ọ ghi gha lẹ okpokpo zẹ vbe esagiẹn izọese ne a ke ọkpan rhurhẹ yan Ogiukpo.

Nọmbas 3:31

Iran ọre a mu iwinna ne ọ dekan Ẹkpẹti Ile na, kevbe eteburu, erhan ọmukpa, aka, kevbe avbe ọkpan ne avbe ohẹn ya ru emwi vbe Ehe Ne ọ huanrẹn, deba iwinna ni ghi rre avbe emwi na hia.

Hibru 6:18

Rhunmwuda ọnii khekherriọ, emwi eva na ọre ọ rrọọ ne ẹ i sẹtin fiwerriẹ, kevbe vbe ekpa ne Osanobua i na sẹtin ta ohoghe. Rhunmwuda ọnii, te ọna rhie igiẹdu ne ima ni lẹ fe ye ehe ne ọ ye nẹ, ne ima da ẹe yi gbain ighẹ idaehọ ne a rhie ima aro yi.