Ẹksọdọs 27:1 - Edo Bible (E Baibol Ẹdo) Version 1996

¹ “U ghi ya erhan akesia gba aka. Ọ ghi gha re umwọmwẹ vbe obọ enenẹ, ibata ihinrọn vbe ukhiọnmwẹ vbe utanmwẹ, ibata ihinrọn vbe ukhiọnmwẹ vbe uvbẹmwẹ kevbe uyomwẹ.

Ẹksọdọs 27:1 Iomraidhean Croise

II Samuẹl 24:18

Vbe ẹdẹ ne ẹdẹrriọ zẹẹ, e Gad keghi bu e Devid gha khian, ọ tama rẹn wẹẹ. “Gha rrie isi okọ Arauna ne u ya gba aka ye evba ne Nọyaẹnmwa.”

II Ọba 16:14

Ogiukpo oze ne a ya fi ohan ne Nọyaẹnmwa kegha rre ẹkpo Ogiukpo ọgbọn nii kevbe Ọgua Osa, ọ re Ehaz na silo ẹe sikẹ odẹ okuọ ọghe Ogiukpo ẹre ne ọgbọn.

I Krọnikol 6:49

Errọn kevbe ivbi uniẹn ọnrẹn ọ re ọ viọ avbe eturari ye imuohan, iran ọ vbe ya emwi ne a ya zọ ese ne a giẹn uan zọ ese vbe Ogiukpo. Obọ iran ọre ọ ye ighẹ ugamwẹ ne a ga vbe uwu Ehe Ne Ọ Huansẹ Ehia kevbe ese na a zọ ne Osanobua ya ye orukhọ bọ ivbi Izrẹl vbene Mosis ne Ọguọmwadia e Nọyaẹnmwa gie odẹ ọ re, ọ re iran ru ẹe.

II Krọnikol 4:1

E Solomọn ne Ọba keghi ru Ogiukpo oze, ọ kegha re ibata ọgban vbe igienẹnẹ, uyomwẹ ọnrẹn kegha re ibata ekesugie.

Ẹzra 3:2

Ẹre Jọsua ne ovbi e Jehozadak, avbe ohẹn ne ihua ẹre kevbe Zerubabẹl ne ovbi e Sitiẹl, deba avbe etiọnrẹn hia, keghi koko dọlọ Ogiukpo ọghe Osanobua Izrẹl bọ ne iran miẹn ehe na gha giẹn emwi ne a ya zọ ese zẹ vbene a mwamwa ẹẹn ye ebe Uhi e Mosis ne ọmwa Osanobua.

Ẹksọdọs 17:15

E Mosis keghi bọ aka, ọ ke gha tie ẹre “Nọyaẹnmwa ọrọre Afiala mwẹ.”

Ẹksọdọs 24:4

E Mosis keghi gbẹnnẹ iyi ọghe Nọyaẹnmwa hia ye otọ. Owiẹ vbe ẹdẹ ne ọ lele ẹe, ọ keghi gba aka ye ototọ oke nii, ọ keghi vbe viọ okuta iyama iweva ye evba ne ẹwae iweva nii rre Izrẹl.

Ẹksọdọs 31:9

Aka ne a na giẹn izọhẹ ne a ye erhẹn giẹn kevbe emwi ni lele ẹe khian, uwawa kevbe emwi ne a muẹn yan.

Ẹksọdọs 35:16

Aka ne a na zọhẹ ne a giẹn uan, kevbe oze ne a ya wiẹn emwi ne a so ginna ẹn, ọkpọ ni rrọọ kevbe emwi ni lele ẹe khian, uwawa akhuẹ kevbe uhe ẹre.

Ẹksọdọs 39:39

Aka ọghe oze kevbe ọkiakia ọghe oze, avbe ọkpọ ni rrọọ, kevbe avbe emwi ne a ya ru emwi vbọ, uwawa akhuẹ ke emwi ne a muẹn yan.

Ẹksọdọs 40:10

U ghi nọnọ ori ye aka ne a na giẹn emwi izọese kevbe avbe emwi ne a lo vbọ ehia. Vbe rriọ ọre u gha ya ya ẹe fi ohan, ọ ghi do gha re ne ọ kakabọ huan.

Ẹksọdọs 40:29

Ọ keghi mu aka ne a na giẹn emwi izọese ye onurho Owa Ukpọn nii. Ọ keghi ya emwi izọese ne a wa giẹn uan zọ ese vbe uhunmwu ẹnrẹn, kevbe evbare ne a ya zẹ ọhẹ zẹ vbene Nọyaẹnmwa tama rẹn.

Ẹksọdọs 40:6

Mu aka ne a na giẹn emwi ne a ya zọ ese ye odaro Owa Ukpọn nii.

Nọmbas 3:31

Iran ọre a mu iwinna ne ọ dekan Ẹkpẹti Ile na, kevbe eteburu, erhan ọmukpa, aka, kevbe avbe ọkpan ne avbe ohẹn ya ru emwi vbe Ehe Ne ọ huanrẹn, deba iwinna ni ghi rre avbe emwi na hia.

Nọmbas 4:13

“Iran ghi kpolo emuẹn ne lọkọlọkọ nii hin aka rre, a ghi mu ukpọn ododo rhu ẹe.

Nọmbas 4:14

A ghi do viọ emwi hia ne a ya ru ugamwẹ vbe aka yọ: ọkpan iwaẹnrhẹn, adẹn, ovbẹvbẹ kevbe avbe ọkpan, iran ghi do mu ohian ne mose rhu ẹe iran ghi baba ọkpọ ne a ya muẹn yọ.

Hibru 13:10

Avbe ohẹn ni ga vbe uwu Ọgua ukpọn ọghe avbe Ju, i mwẹ asẹ ne iran gha ya re vbe emwi ne a ya zọ ese vbe aka ọghomwa.