Ẹksọdọs 26:1 - Edo Bible (E Baibol Ẹdo) Version 1996

¹ “Wa ghi ya igbu igbe ọghe eto ovbiohuẹ ne a mẹ, bọ owa ukpọn ne imẹ dia, deba eto ohuan ne raghoragho, ne ọ vboro kian an kevbe ne ọ baa. A ghi munọ ona avbe emwi nii zẹ ifuẹn ye avbe igbu ukpọn na mose mose.

Ẹksọdọs 26:1 Iomraidhean Croise

II Samuẹl 7:2

Ẹre ọba na tama e Natan ne akhasẹ wẹẹ, “Ghe, mẹ rre owa ne a ya sida bọ, sokpan, Ẹkpẹti Ile ọghe Osanobua rre uwu owa ukpọn.”

I Ọba 6:29

Egbekẹn ọghe ọgua nọkhua kevbe ughugha ne ọ ke uwu ẹre, emwi ne a ya te ẹre kegha re emwi ni zẹlẹ ifuẹn ne a kare, udin ne a ka re kevbe obobo.

I Krọnikol 17:1

Ẹguae ẹre ọ re Devid gha ye vbe ẹghẹ na. Ọ ghi sẹ ẹdẹ ọkpa, o keghi gie ne a tama e Natan wẹẹ, “Ghe nian, owa sida mẹ ye vbe emwa na, sokpan Ẹkpẹti Ile Nọyaẹnmwa rre Owa Ukpọn.”

I Krọnikol 21:29

Ẹghẹ ne a kha na, Owa Ukpọn ne a ya rẹn wẹ e Nọyaẹnmwa rre evba ne Mosis ru vbe otọe ẹgbo, kevbe aka ne a na giẹn ese, owa ugamwẹ ne a na ga vbe Gibiọn, ọ re iran he ye ye.

Ẹksọdọs 25:18

Ya igoru ne a ya umọmọ dunmwu ru emwi nii zẹ ifuẹn eva.

Ẹksọdọs 25:4

Eto aranmwẹ ne raghoragho, ne ọ baa kevbe ne ọ vboro yan an, eto ovbiohuẹ ne yẹnghẹẹn, ukpọn ne a ya eto ewe ru.

Ẹksọdọs 25:8

Iran ghi bọ ọgua Osa mẹ ne I mẹ miẹn ehe na gha rre ehe ne iran ye.

Ẹksọdọs 26:2

Ọkpọkpa vbe igbu ukpọn ghi gha re ọkpọ iwenẹ vbe utanmwẹ kevbe ọkpọ eva vbe uvbẹmwẹ, ẹ i vbe kpọlọ sẹ egbe.

Ẹksọdọs 26:31

“U ghi ru ukpọn onurho ne a ya eto aranmwẹ ne raghoragho ne ọ vboro kian an, kevbe ne ọ baa, kevbe eto ovbiohuẹ ne a do sẹ. U ghi do ama avbe emwi nii zẹ ifuẹn mose mose lele ẹe.

Ẹksọdọs 26:36

“U ghi ya eto aranmwẹ ne raghoragho, ne ọ vboro kian-an. kevbe ne ọ baa ne a do kevbe ne a munọ emwi ona ne a do ya zẹ ose yi sẹ ukpọn onurho ye ehe ne a la la uwu owa ukpọn nii.

Ẹksọdọs 31:7

ibọkpọ ọghe odaro mwẹ, Ẹkpẹti Ile, ugue ne a ya gue ẹre kevbe emwi ne a ya te Owa Ukpọn nii hia.

Ẹksọdọs 35:11

Ehe ne a dia, owa ukpọn kevbe emwi ne a ya gue ẹre, adẹn ni rrọọ kevbe edọnmwẹ ọnrẹn, erhan ne a viọ gbe ẹre, ọkpọ nii rrọọ kevbe ẹzi ẹre.

Ẹksọdọs 35:35

Ọ vbe rhie ifuẹro ne iran ya gha ru emwi hia ne owinna ru, emwa ni ya eto ohuan do ukpọn ne raghoragho, ne ọ vboro rhan an, kevbe ne ọ baa kevbe eto ovbi ohuẹ ne vbukhẹẹ kevbe ọghe emwa ni do ido kẹkan. Iran sẹtin winna iwinna ifuẹro hia, emwa ne ẹwaẹn emwi ne a mwa gba na iran khin.

Ẹksọdọs 35:6

Eto ohuan ne raghoragho, ne ọ vboro rhan-an, kevbe ne ọ baa, eto ovbiohuẹ ne vbukhẹẹ, ukpọn ne a ya eto ewe do.

Ẹksọdọs 36:35

Ọ keghi ya eto ohuan ne raghoragho, ne ọ vboro rhan-an kevbe ne ọ baa, ru ukpọn onurho ẹre deba eto ovbiohuẹ ne vbukhẹẹ ne a mẹ, ne a vbe ye ama avbe emwi ni zẹlẹ ifuẹn mu ona lele.

Ẹksọdọs 39:3

Iran keghi ya umọmọ dunmwu igoru ne ọ do vbẹ gbodoo, iran keghi do biẹnnọ ẹn wẹnrẹn wẹnrẹn, ne a ya ẹe do eto ohuan ne raghoragho, ne ọ vboro rhan-an, kevbe ne ọ baa giangiangian, kevbe eto ovbiohuẹ ne vbukhẹẹ.

Ẹksọdọs 40:2

“Vbe ikpẹdẹ nokaro ọghe uki nokaro, u ghi mu Owa Ukpọn nii mudia, ọghe ehe ne Nọyaẹnmwa ye.

Nọmbas 3:25

Iran na ọ re a mu ẹmwẹ Owa Ukpọn Ile ye ọre obọ, emwi ne a ya gue ẹre vbe uwu ẹre, kevbe ne a ya gue ẹre vbe ore, ukpọn ne ọ rre onurho ẹre.

Nọmbas 4:25

Owa Ukpọn Ile, emwi ne a ya gue ẹre vbe uwu ẹre, emwi ne a ya gue ẹre vbe odieke, ohian ne a ya gue ẹre odukhunmwu, ukpọn onurho ne ọ rre ehe ne a la larọ.

Iyẹn ne ọ Maan Ọghe Jọn 1:14

Nene Ẹmwẹ ne a guan keghi khian ọmwa ne agbọn, ọ keghi do gu ima gha rrọọ. Ma miẹn uyi ẹre, ọ vuọn ne ẹsọhẹ kevbe ẹmwata. Ọ na kegha re uyi ne a rhie nẹẹn zẹ vbe ukpọmọkpa kẹkan ne Evbavba mwẹ.

Iyẹn ne ọ Maan Ọghe Jọn 2:21

Sokpan Ọgua Osa ọghe ikinegbe irẹn tobọ irẹn Jesu gha kha.

Hibru 8:2

Rẹn mudia ye ukpo ogie ohẹn vbe Ehe Ne Ọ Huan Sẹẹ Ehia, ọnii nọ wẹ, vbe uwu Ọgua nọ gua nii, ne Nọyaẹnmwa tobọ ẹre bọe ighẹ ẹ i re ne ọmwa ne agbọn họe.

Hibru 9:2

Iran keghi gbe Ọgua ukpọn, ne ọ ke ore vbọ, a kegha tie ẹre Ehe Ne ọ Huanrẹn. Emwi ne ọ rre emwa kegha re, ukpa, eteburu kevbe ebrẹd ne a ya fi ohan ne Osanobua.

Hibru 9:9

Ọna keghi re ama emwi ne ya gie ẹghẹ na ye na. Ọ rhie maa wẹ, emwi imuohan kevbe avbe aranmwẹ ne a ya zọ ese ghe Osanobua, ẹ i sẹtin ye ekhọe emwa ni ga khian ne ọ gbae.

Arhie Maan 19:8

A fan obọ ẹre nẹẹn nẹ, ne ọ ya ukpọn eto ovbiohuẹ ne ọ huanrẹn kevbe ne ọ fi wainwain haan.” (Ukpọn eto ovbiohuẹ ọrọre uyinmwẹ ẹmwata ọghe emwa Osanobua.)

Arhie Maan 21:3

I keghi họn vbe urhu ọkpa wa datu ke uwu ẹkete rre wẹẹ, “Banbanna nian, owa Osanobua rre ehe ne emwa ne agbọn ye. Rẹn gha gu iran yin, iran ghi vbe gha re emwa rẹn. Osanobua tobọ ẹre gha gu iran yin, rẹn ghi vbe gha re Osanobua iran.