Ẹksọdọs 24:4 - Edo Bible (E Baibol Ẹdo) Version 1996

⁴ E Mosis keghi gbẹnnẹ iyi ọghe Nọyaẹnmwa hia ye otọ. Owiẹ vbe ẹdẹ ne ọ lele ẹe, ọ keghi gba aka ye ototọ oke nii, ọ keghi vbe viọ okuta iyama iweva ye evba ne ẹwae iweva nii rre Izrẹl.

Ẹksọdọs 24:4 Iomraidhean Croise

Gẹnẹsis 12:7

E Nọyaẹnmwa keghi rhie egbe ma Ebram, ọ na tama rẹn wẹẹ, “Ẹvbo ne I khian mu ne uniẹn ruẹn ọre ọna khin.” Ebram keghi bọ aka ye evba ne Nọyaẹnmwa ne ọ rhie egbe ma rẹn.

Gẹnẹsis 28:18

E Jekọb keghi guakpaọ vbe owiẹ vbirrivbirri ne ọ lelẹe, ọ keghi mu okuta ne ọ ya ke uhunmwu, ọ na muẹn mudia zẹ vbe okuta iyama. Ọ keghi tue ofigbọn oliv yan rẹn ne ọ yae fiohan ne Osanobua.

Gẹnẹsis 28:22

Okuta ne I yi ẹre ama na ọre ọ khian gha re ehe ne a na gaa. I ghi vbe wa emwi ne u viọ mẹ hia ye ihigbe mu obọkpa nuẹn vbọ.”

Gẹnẹsis 31:45

E Jekọb keghi mu okuta ayere ye evba.

I Ọba 11:30

Ẹwu ọgbọn ọre Ahija yọe. Ọ keghi kie ẹre, ọ na sọ ẹre ye ihe iweva,

I Ọba 18:31

Ọ keghi munọ okuta iweva, ọkpọkpa ọghe ivbi e Jekọb, ọmwa ne Nọyaẹnmwa he ẹre Izrẹl.

Ẹzra 6:17

Emwi ne iran ya do ugie a ya fi ohan kegha re ẹkhuia ẹmila iyisẹn, ohuan uri kevbe oteghe ohuan arria eva, ne iran ya zọ ese, deba ẹwe iweva ne iran ya zọ ese ye orukhọ, ẹwe ọkpọkpa ọghe ẹwae ọkpọkpa vbe Izrẹl.

Nehimaia 10:1

Ọmwa nokaro ne ọ rhie obọ ye ehe ni kegha re ne ọ khaemwisẹ ighẹ Nehimaia ne ovbi e Hakalaia, vbe iyeke ọnii, e Zedekaia keghi vbe rhie obọ yọ. Iran na vbe rhie obọ yọ:

Ẹksọdọs 17:14

Ẹre Nọyaẹnmwa na tama e Mosis wẹẹ, “Gbẹn emwi na ye ebe ne a miẹn ehe na gha ye ẹre rre. Tama Jọsua wẹẹ I gha wa fuẹn Amalẹk fo fẹẹrẹ.”

Ẹksọdọs 17:15

E Mosis keghi bọ aka, ọ ke gha tie ẹre “Nọyaẹnmwa ọrọre Afiala mwẹ.”

Ẹksọdọs 21:1

“Uhi na u ra gbe ma ivbi Izrẹl:

Ẹksọdọs 24:7

Ẹre ọna mu ebe ile, ọ na tie ẹre ladian ye emwa nii hia ehọ, iran na kha wẹẹ, “Ma gha ru zẹ vbe iyi hia ne Nọyaẹnmwa yi, ma gha họn ẹmwẹ nẹẹn,”

Ẹksọdọs 28:21

Eni ivbi e Jekọb iweva ghi gha rre ọkpọkpa vbe avbe okuta na. Ọna ghi do mudia ye ihe ẹwae ivbi Izrẹl.

Ẹksọdọs 34:27

E Nọyaẹnmwa keghi tama e Mosis wẹẹ, “Gbẹnnẹ avbe ẹmwẹ na, rhunmwuda te imẹ ye avbe ẹmwẹ na gu uwẹ ta ile kevbe ivbi Izrẹl.”

Aizaia 19:19

Ọ gha sẹ ẹghẹ ne a kha na, a gha bọ Ogiukpo ne Nọyaẹnmwa vbe otọe Igipt, a ghi vbe ya orre okuta fi ohan ne ẹẹn vbe ehe ne uwu Igipt lae.

Levitikọs 24:5

U ghi mwa irhuarhua uwan enẹ yan ugie ne u ya ru ududu ebrẹd iweva.

Nọmbas 17:2

“Tama ivbi Izrẹl ne iran viọ ọkpọ utuaotọ iweva ne uẹn, ọkpọkpa ghi gha re ọghe ọkpọkpa vbe uwu avbe ọkaolotu dọmwadẹ ẹwae, u ghi gbẹnnẹ eni dọmwadẹ ọghe ọe ye ọkpọ ẹre.

Iyẹn ne ọ Maan Ọghe Luk 22:30

Wa gha gun mwẹ re, wa ghi vbe gun mwẹ da vbe uhunmwu eteburu mwẹ vbe Arriọba mwẹ, wa gha vbe tota ye ẹkete gha bu ohiẹn ẹwae iweva ne ọ re Izrẹl.

Galatia 2:9

Jems Pita vbe Jọn, ni ye vbe avbe ọkaolotu, wa miẹn wẹ, te Osanobua rhie iwinna kpataki na mẹ, iran keghi so imẹ vbe Banabas obọ, zẹ vbe ogieva egbe, ma keghi tae wẹ ma gha winna vbe uwu avbe iran ne ẹ i re Ju, ne iran gha winna vbe uwu avbe Ju.

Diuteronomi 31:9

Ẹre Mosis na gbẹnnẹ avbe uhi Osanobua ye otọ, ọ na mu ne avbe ohẹn Livai ni siẹn ro Ẹkpẹti Ile ọghe Nọyaẹnmwa kevbe avbe ọkaolotu Izrẹl.

Jọsua 4:20

Evba nii ọ re Jọsua mwamwa okuta iweva ne iran viọ vbe Jọdan yi.

Jọsua 4:5

Ọ keghi tama iran wẹẹ, “Wa la uwu Jọdan, ke odaro ne Ẹkpẹti Ile ọghe Nọyaẹnmwa Osanobua rua, ọkpọkpa vbe uwu uwa ghi mu okuta yan izabọ ọkpọkpa ọghe ẹwae iweva ni rre Izrẹl.

Arhie Maan 21:14

A keghi vbe gbe ẹyotọ ekẹn ẹvbo ni yan okuta iweva ne avbe gbẹnnẹ eni avbe ukọ iweva ọghe nene Oteghe Ohuan yi.