Ẹksọdọs 24:3 - Edo Bible (E Baibol Ẹdo) Version 1996

³ E Mosis keghi ya gu emwa nii guan vbene Nọyaẹnmwa kha hẹ kevbe iyi ne ọ vbe yi. Emwa nii hia keghi koko wanniẹn wẹẹ, “Ma gha ru emwikemwi ne Nọyaẹnmwa kha re.”

Ẹksọdọs 24:3 Iomraidhean Croise

II Krọnikol 15:14

Iran keghi datu ya eni e Nọyaẹnmwa vẹn ihẹn wẹ iran gha mu eyan ni sẹ, iran keghi wee iran na kpe okpe.

II Krọnikol 15:15

Ọyẹnmwẹ kegha sẹ ivbi e Juda hia rhunmwuda ekhọe iran hia iran ya yan ile na. Ugamwẹ e Nọyaẹnmwa kegha rhiẹnrhiẹn iran, rẹn kevbe rhan obọ miẹn iran, ọ na rhie ọfumwegbe ne iran vbe odẹ hia.

Psalm 50:5

Rẹn keghi kha wẹẹ, “Wa si avbe emwa ni guobọ mwẹ koko ye ehe ne I ye, iran ni zọ ese ya gun mwẹ ta ile.”

Ẹksọdọs 19:8

Emwa nii hia keghi ya urhu ọkpa kha wẹẹ, “Ma gha ru emwi hia ne Nọyaẹnmwa tae.” E Mosis na vbe ya khama e Nọyaẹnmwa vbene emwa nii kha hẹ.

Ẹksọdọs 24:2

Wẹ ne Mosis ọkpa ọre ọ gha sikẹ mwẹ; wẹ ne iran nekpa ghẹ sikẹ mwẹ, emwa nii ghẹ vbe lele ẹe hin uhunmwu oke.”

Ẹksọdọs 24:7

Ẹre ọna mu ebe ile, ọ na tie ẹre ladian ye emwa nii hia ehọ, iran na kha wẹẹ, “Ma gha ru zẹ vbe iyi hia ne Nọyaẹnmwa yi, ma gha họn ẹmwẹ nẹẹn,”

Jerimaia 11:4

Ile ne I gu avbe erha iran odede taa nọ, vbe ẹghẹ ne I na viọ iran ke Igipt ladian, otọe nii ne ọ yevbe ogidi erhẹn ne iran. I tama iran wẹ ne iran gha họn ẹmwẹ mẹ, kevbe ne iran gha ru emwi hia ne I tama iran. I keghi tama iran wẹ, iran gha họọn ẹmwẹ mẹ, iran ghi gha re emwa mwẹ, mẹ ghi vbe gha re Osanobua iran.

Jerimaia 34:13

ne Osanobua Izrẹl na tama mwẹ, wẹ ne I ya khama avbe emwa nii wẹẹ, “Ẹghẹ ne I na viọ avbe erha uwa odede ke Igipt ladian, I gu iran taa ile, I keghi fannọ iran ke ọviẹn ladian. I keghi tama iran wẹ,

Hagai 2:5

Ẹghẹ ne uwa na ke Igipt ladian, I yanrẹn wẹ I gha gu uwa gha rrọ ẹghẹ hia. I ye gu uwa rrọ, rhunmwuda ọnii wa ghẹ fian afianma.

Malakai 2:10

Ẹire erha ọkpa ọ re ima hia mwẹ? Ẹire Osanobua ọkpa ọ re ọ yii ima hia? Vbe ọ ghi zẹ khekherriọ ne ima i na mu eyan ne a yan ma egbe sẹ, vbọzẹ ne ima na zan ile ne Osanobua guu avbe erha ima odede taa? Ivbi e Juda ma mu eyan ne iran yaan ma Osanobua sẹ, iran keghi vbe ru emwi ne ọ khọrhiọn vbe Jerusalẹm kevbe vbe ẹvbo nii hia.

Diuteronomi 11:1

“Wa ho ẹmwẹ Nọyaẹnmwa Osanobua rua, ne uwa vbe gha ya uhi ẹre hia ru emwi.

Diuteronomi 4:1

Ẹre Mosis na tama emwa nii wẹẹ, “Wa gha mu uhi hia ne I rhie ne uwa sẹ, wa gha rre agbọn, wa ghi vbe yin otọe nii ne Nọyaẹnmwa ne Osanobua avbe erha uwa odede ra mu ne uwa.

Diuteronomi 4:45

Ọ keghi viọ avbe uhi na ma ima vbe iran lahin Igipt rre nẹ vbe iran rre odẹ ahọ Ẹzẹ Jọdan vbe iya ne ọ mu aro da ẹvbo Betpeọ, otọe Saihọn ne ọba ivbi Amọri ọ re ọna ye, Hesbọn ọ re ọ ke gha khaemwisẹ rre. E Mosis kevbe ivbi Izrẹl keghi khọn miẹn ẹre otọ vbe iran ke Igipt ladian nẹ.

Diuteronomi 4:5

“I ma uwa uhi nii hia nẹ, zẹ vbene Nọyaẹnmwa Osanobua mwẹ ma mwẹ re. Wa ghi gha ya iran ru emwi vbe otọe nii ne uwa ra ya khọn na ne uwa yin ẹnrẹn.

Diuteronomi 5:1

E Mosis keghi tie ivbi Izrẹl hia si koko, ọ tama iran wẹẹ, “Wa ne ivbi Izrẹl, wa danmwẹ ehọ uhi hia ne I ra viọ ne uwa ẹrẹna. Wa ruẹ iran ne uwa vbe miẹn wẹ wa ya iran gha ru emwi.

Diuteronomi 5:31

Sokpan e Mosis, wẹ mudia ke mwẹ vbe emwa, I gha viọ avbe uhi ke iyi mwẹ hia ma ruẹn. Ma avbe emwa ni re, ne iran miẹn ehe na gha ya iran ru emwi vbe otọ ne I ra mu ne iran.’

Diuteronomi 6:1

“Ena ọrọre avbe uhi ne Nọyaẹnmwa Osanobua tama mwẹ ne I ma uwa ẹre. Wa ghi gha ya iran ru emwi vbe otọe ne uwa ra lao ne uwa ya yin na.

Jọsua 24:21

Emwa nii keghi tama e Jọsua wẹẹ, “Ẹn o, e Nọyaẹnmwa ọ re ima gha ga.”

Jọsua 24:22

E Jọsua keghi tama iran wẹẹ, “Wa tobọ uwa ọrọre osẹe egbe uwa wẹ wa tobọ uwa khare ighẹ e Nọyaẹnmwa ọ re uwa gha ga.”

Jọsua 24:24

Emwa nii keghi khama e Jọsua wẹẹ, “Ma gha ga e Nọyaẹnmwa Osanobua mwa, ma gha vbe ya uhi ẹre gha ru emwi.”