Ẹksọdọs 23:3 - Edo Bible (E Baibol Ẹdo) Version 1996

³ Ghẹ vbe zẹ ovbiogue ẹkpe vbe a gha bu ohiẹn ọnrẹn.

Ẹksọdọs 23:3 Iomraidhean Croise

Ẹksọdọs 23:6

“A gha gui ẹzọ ivbiogue vbe uwu uwa wa ghẹ khiẹn ohiẹn bu gbe ẹe.

Itan 18:5

Emwi ne ọ ma gba nọ ne a ya ma ọmwa ne ọ rriabe vbe ne a ma na rhie ase ne ne ọ rria ase.

Itan 22:22

Ghẹ balaro mu ovbiogue rhunmwuda ighe obọ ruẹ gba ẹre, ghẹ balaro mu e ne ẹ i miẹn emwi ru vbe iko.

Aizaia 10:1

Ọghe uwa fo nẹ! Wa ni yi uhi dan ne a ya gha wọ avbe emwa mwẹ uhunmwu.

Levitikọs 19:15

Gha re ne ọ ta ẹmwata kevbe uhunmwu ẹmwẹ; u gha ra bu ohiẹn, ghẹ yaba ovbiogue ra ne u mu ohan enọfe.

Emọs 5:12

I rẹn vbene orukhọ uwa khọrhiọn sẹ hẹ, kevbe vbene a i ghẹru ne uwa ru vbe bun hẹ. Wa ọ re ọ zẹ emwa ẹmwata owẹ, wa ọ re ọ rhie igho odieke, wa i gia bu ohiẹn ẹmwata ne ivbiogue vbe iko.

Diuteronomi 1:17

Wa ghẹ gbe ghe obọ ọkpa vbe uwa a bu ohiẹn hiehiere. Abọkpa nii wa ya gha bu ohiẹn hia, ọmwa ne ọ khọnrẹn wẹ ne ọ gha khin. Wa ghẹ mu ohan ọmwarhọkpa, rhunmwuda obọ Osanobua ọ re ohiẹn ne uwa bu ke rre. A deghẹ wa miẹn ohiẹn ne ọ wegbe sẹ uwa, wa ghi mu ẹẹn bu mwẹ gha dee ne I bu ẹre.’

Diuteronomi 16:19

Wẹ ne iran ghẹ bu ohiẹn ne ẹ i re ẹmwata ra ne iran ghe ikpanro, iran ghẹ vbe miẹn ọmwa oko odieke rhunmwuda te oko odieke rhu emwa aro, uhin ke ọghe umẹwaẹn kevbe emwa ẹmwata, ọ ghi ya iran gha khiẹn ohiẹn bu.

Jems 3:17

Sokpan ẹwaẹn ne ọ ke odukhunmwu rre, keghi re vbe okaro, ne ọ huanrẹn, ọ keghi vbe re ne ọ fu ọmwa egbe rre, ne rọkhọ kevbe ọghe ọse, ọ vuọn ne itohan, ọ keghi vbe viọ emwiorhọ iwinna esi ladian, ẹ i mwẹ ẹko ne ọkhọ ọmwa ra ẹkẹ vbe iwẹnwẹn.