Ẹksọdọs 2:8 - Edo Bible (E Baibol Ẹdo) Version 1996

⁸ Ọ keghi tama rẹn wẹẹ, “Gha khian.” Ọvbokhan okhuo nii keghi ya tie iye ọmọ nii rre.

Ẹksọdọs 2:8 Iomraidhean Croise

Psalm 27:10

Erha mwẹ vbe iye mwẹ sẹtin he mwẹ yotọ, sokpan, e Nọyaẹnmwa gha gbe aro ghe mwẹ.

Ẹksọdọs 2:7

Ọtiọnrẹn ne okhuo keghi nọ rẹn wẹẹ, “Ne I ya tie okhuo ọkokọmọ vbe uwu emwa Hibru guẹ ra ne ọ koko ọmọ na nuẹn?”

Ẹksọdọs 2:9

Ovbi ọba ne okhuo keghi tama rẹn wẹẹ, “Mu ọmọ na ne u ya koko ẹe mẹ, I gha ha ruẹ osa ẹre.” Ẹre okhuo nii na mu ọmọ nii, ọ na ya kokẹe.

Ẹksọdọs 6:20

Amram keghi rhie Jokebẹd ne ovbiye erhae rọnmwẹ. Rẹn ọre ọ biẹlẹ Mosis kevbe Errọn nẹẹn. Ukpo eha irrọvbe ikiọkhọe (137) ọre Amram yae vbe agbọn.

Ezikiẹl 16:8

“I ghi vbe dọlegbe gberra, I keghi miẹn wẹ ẹghẹ sẹ nẹ ne ẹmwẹ okpia gha ya gha rre uẹ aro. I keghi ya ẹwu mwẹ gue egbe ruẹ ne u bannọ yotọ, I keghi yan ma ruẹn ighe I gha ho ẹmwẹ ruẹn. Vbe ẹmwata, I keghi guẹ rhie obọ ye ebe wẹ I gha rhie ruẹ rọnmwẹ, wẹ na ghi do gha re ọghomwẹ.” Erriọ ọre Osanobua ne Udazi khare.