Ẹksọdọs 2:5 - Edo Bible (E Baibol Ẹdo) Version 1996

⁵ Ovbi ọba ne okhuo ke gha die ẹzẹ do khuẹ, avbe ọkpọmwa rẹn kegha lele ọkpẹn ẹzẹ khian. Rẹn keghi bẹghe okhuae nii vbe ọkpẹn ẹzẹ, ọ na gie ọviẹn ọnrẹn ne okhuo ne ọ ya muẹn rre.

Ẹksọdọs 2:5 Iomraidhean Croise

I Ọba 17:6

Ọ kegha sa amẹ ẹzẹ ni wọn, avbe ahianmwẹ kegha la ebrẹd kevbe emiowo gie ẹe ota vbe owiẹ.

Psalm 12:5

Sokpan, e Nọyaẹnmwa khare wẹẹ, “Eban nian, mẹ dee, rhunmwuda, a zẹ iran ne ẹi mwẹ kpokpo. Iran ne a zẹ kpokpo gha viẹ eve obalọ. I gha do ru ẹe ne ẹkun sẹ iran otọ, ne egbe rọkhọ iran zẹ vbe ne iran ho.”

Psalm 46:1

Osanobua ọrọre ugue kevbe ẹtin mwa, ọ mu egbe vbe ẹghẹ hia ne ọ ya ru iyobọ vbe ẹghẹ ukpokpo.

Psalm 76:10

Te ohu ne emwa nagbọn mu, dọlegbe rhie urhomwẹ ne uẹn sayọ, iran ni miẹn uhunmwu vbe okuo nii gha ru emwi ukpo ruẹ.

Psalm 9:9

E Nọyaẹnmwa ọrọre ehe ne iran na khu khian lẹ fi ehe ne ẹbe i ye vbe ẹghẹ ọlọghọmwa.

Ẹksọdọs 2:6

Ovbi ọba ghi wẹ ẹre, ọ keghi miẹn ọmọ okpia ọkpa vbọ, ọ gha viẹ, ohan rẹn keghi to ẹe, ọ na wẹẹ, “Usun ivbi e Hibru ọre ọ na khin.”

Ẹksọdọs 7:15

Bu ẹre gha khian vbe owiẹ vbe ọ gha rrie ẹzẹ Nail. U ghi diakhẹ ọre vbe ọkpẹn ẹzẹ. U ghi rhie ọkpọ ne ọ khian ẹyẹn nii mwẹ obọ.

Ẹksọdọs 8:20

E Nọyaẹnmwa keghi tama e Mosis wẹẹ, “Vbe owiẹ vbirrivbirri akhuẹ, u ghi ya vba ọba vbe ọ gha rrie ẹzẹ, ne u khama rẹn wẹẹ, ‘Ẹmwẹ ne Nọyaẹnmwa ta ẹe ọrọre wẹẹ, “Gie emwa mwẹ gha khian ne iran ya ga mwẹ.

Itan 21:1

Vbene ẹ i lọghọ e Nọyaẹnmwa vbe ọ gha ta ehe ne ẹzẹ gha lẹ la, erriọ ẹre ẹ i vbe lọghọ vbe ọ a gha dia ekhọe ọba ye odẹ.

Jona 1:17

E Nọyaẹnmwa keghi gie ehẹn nọkhua, ọ na mi e Jona re, ọ keghi gha rre uwu ehẹn ni vbe avan eha kevbe asọn eha.

Jona 2:10

Ẹre Nọyaẹnmwa na tama ehẹn ne ọ ya kpa e Jona ye otọ vbe oke ọ keghi gele ru vberriọ.

Iwinna 7:21

Ugbẹn vbe a ghi vbe ya mu ẹn fua, ovbi e Fero ne okhuo keghi ya ẹe ye ọmọ, ọ keghi koko ẹe wan zẹ vbe ovbi ẹre ne okpia.