Ẹksọdọs 2:3 - Edo Bible (E Baibol Ẹdo) Version 1996

³ Ugbẹn vbe ọ ma ghi gie ẹe rhie lẹre, ọ keghi mu okhuae ne a ya irunmwu do, ọ na ya ọdan vbe ibi rhu ẹe ne amẹ ghe larọ, ọ keghi mu ọmọ nii ye uwu ere, ọ keghi ya muẹn ye uwu irunmwu ne ọ wan ẹsẹse vbe ọkpẹn ẹzẹ.

Ẹksọdọs 2:3 Iomraidhean Croise

Gẹnẹsis 11:3

Ẹghẹ nii ọre iran na tama egbe wẹẹ, “Wa larre! wa gie ima do mannọ ibiriki ne a ye erhẹn kaa ẹre.” Iran keghi mannọ ibiriki ne iran gha ya bọ owa, kevbe ọdan ne iran gha ya sikan ẹn mu egbe.

Gẹnẹsis 14:10

Uvun ọdan ọre ọ vuọn iya ọghe Sidim, ugbẹn vbe avbe ọba Sọdom kevbe Gomorra ghi te ra lẹ kua vbe okuo, iran na kharha ye uwu uvun nii, iran nekpa ke lẹ la uhunmwu oke.

Gẹnẹsis 6:14

Ye erhan ne ọ wegbe ka okọ obọ ruẹ, u ghi giagia ughugha yọ, u ghi ya ọdan nekhui siẹn ẹre aro kevbe iyeke gbua.

Ẹksọdọs 1:22

Ẹghẹ nii ọre ọba ghi na yi iyi ne emwa irẹn hia wẹẹ, “Emọ ikpia ne emwa Hibru a rhirhi biẹ, wa gha filo iran ku ẹzẹ Nail, sokpan wa sẹ avbe emọ ikhuo ni rrọọ rae ye agbọn.”

Aizaia 18:2

Avbe ukọ ẹvbo ghi gha ke ẹvbo nii ya okọ ne a ya irunmwu do lele e Naẹl rre. Iran ghi gha werriegbe yo owa iran. Avbe ukọ ne okhian kẹe! Wa ya ta uhunmwu ne a gie uwa re gie ẹvbo uwa ne ẹzẹ ghae ye inu ihe ne ọ khin, ẹvbo uwa nii ne ọ wegbe ne ọ vbe mwẹ ẹtin, gie avbe emwa ruẹn ni taẹn, ni vbe mwẹ egbe nọ rriẹe, ne emwa hia mu ohan rẹn vbe otọ agbọn na.

Aizaia 19:6

Avbe ẹzẹ ne a ya obọ fian ghi do gha wia, vbene iran ya hẹko ka, irunmwu ni rre ọkpẹn ẹzẹ kevbe ni rhu yan ẹzẹ hia ghi luẹluẹ.

Aizaia 35:7

Ekhae ne ọ tọn gha khian odighi amẹ, ẹzẹ gha vbe vuọn otọe ne ọ kae. Ehe ne avbe edi te ka ye yi, avbe ẹrrierrie kevbe igiawẹigbotọ gha vuọn rẹn.

Matiu 2:13

Ugbẹn vbe iran ghi kpao vbe evba nẹ, odibo e Nọyaẹnmwa keghi rhiegbe ma e Josẹf vbe imina, ọ tama rẹn wẹẹ, “Kpaegbe, mu ọmọ ni kevbe iye ẹe lẹ gha rrie Igipt, di evba ya I te do tama ruẹn ne ukpa vba. Hẹrọd gha gualọ ọmọ na ne irẹn gbe ẹe rua.”

Matiu 2:16

Ugbẹn vbe Hẹrọd ghi miẹn wẹ avbe emwa ni ke odẹ ahọ rre na rẹrẹ irẹn, okuosu keghi rriọe, ọ keghi yi iyi ọwarọkpa nii wẹ ne a gbele emọ ikpia hia ni rre ukpo eva gha di otọ vbe Bẹtlẹhẹm.

Iwinna 7:19

Ọ kegha hiẹ emwa ima muru, Ọ keghi rri avbe erha mwa odede oya, Ọ keghi ye obọ yẹn iran ẹho wẹ ne iran gha hẹ emọ kua vbe owa, ne a gie iran gha wulo.