Ẹksọdọs 18:4 - Edo Bible (E Baibol Ẹdo) Version 1996

⁴ Ọ kevbe kha wẹẹ, “Osanobua avbe erha mwẹ ọre ọ yọmwẹ obọ, ọ na miẹn mwẹ fan vba obọ umozo ọba Igipt”; ọre ọ na he ovbi ẹre ne okpia nọkpa Eliezẹ.)

Ẹksọdọs 18:4 Iomraidhean Croise

Gẹnẹsis 49:25

Osanobua erhaa ọrọre ọmwa ne ọ yuẹ obọ, Osanobua Noghodua, ọrọre ọmwa ne ọ fiangbuẹ. Afiangbe ọghe amẹ ke odukhunmwu rre kevbe ọghe avbe odin amẹ kevbe uwu otọ gha dee, afiangbe ọghe ẹmila nibun kevbe emọ.

I Krọnikol 23:15

E Mosis kegha mwẹ emọ ikpia eva, ena ọ re Gẹsiọn kevbe Eliezẹ.

I Krọnikol 23:17

Ọmọ okpia ọkpa kẹkan ọ re Eliezẹ gha mwẹ, ọnii ọ re Rehabaia, sokpan Rehabaia wa biẹlẹ emọ ni bun.

Psalm 18:1

A miẹn vbene I ho ẹmwẹ ruẹn hẹ Nọyaẹnmwa, wẹ ọrọre ọmwa ne ọ gbinna mẹ.

Psalm 18:48

Ọ keghi miẹn mwẹ fan vbe obọ avbe eghian mwẹ. Nọyaẹnmwa, u gunmwẹ khọn eghian mwẹ muotọ u keghi miẹn mwẹ fan vbe obọ emwa dan.

Psalm 34:4

I na erhunmwu ghe Nọyaẹnmwa, ọ keghi zẹ ẹmwẹ wanniẹn mwẹ; ọ kevbe fan mwẹ ye otọ vbe obọ ohan, ne ọ te mu mwẹ hia.

Psalm 46:1

Osanobua ọrọre ugue kevbe ẹtin mwa, ọ mu egbe vbe ẹghẹ hia ne ọ ya ru iyobọ vbe ẹghẹ ukpokpo.

Ẹksọdọs 10:28

Ọ keghi tama e Mosis wẹẹ, “wa kpao vbe ehe ne I ye rre. Wa mwẹ ẹwaẹn ne uwa ghẹ dọlegbe bu mwẹ rre, rhunmwuda, ẹdẹ ne uwa gha ye rre, a gha gbele uwa a.”

Ẹksọdọs 2:15

Ọba ghi do họn emwi ne ọ sunu, ọ keghi te ra gbe Mosis ua, sokpan rẹn keghi lẹ fe, ọ na gha rrie otọe Midian ya diẹe ya. Ọ ghi sẹ ẹdẹ ọkpa, ugbẹn vbe Mosis ghi tota ye ọkpẹn uhae, ohẹn ne ọ rre Midian kegha mwẹ emọ ikhuo ihinrọn. Iran keghi rre, iran na do sa amẹ, iran na vbe sa amẹ vuọn uroroamẹ ne ohuan kevbe ẹwe erha iran na wọn amẹ.

Ẹksọdọs 2:22

Okhuo nii keghi biẹ ọmọ okpia ọkpa. E Mosis ke kha wẹẹ, “Ọrriọvbe ẹre I khin vbe ẹvbo ẹrrẹe, ọre I na he ere Gẹsiọm.”

Ẹksọdọs 4:20

E Mosis keghi viọ amwẹ ọnrẹn kevbe avbe ivbi ẹre nikpia, ọ ke viọ iran yan ekẹtẹkẹtẹ, ọ na dọlegbe gha rrie Igipt. Ọ keghi vbe rhie ọkpọ nii ne Osanobua rhie nẹẹn.

Daniẹl 6:22

Osanobua giee odibo ẹre rre do ya obọ guee avbe oduma unu ne iran ghẹ sẹtin ru mwẹ emwi rhọkpa. Ọ ru ẹe vberriọ rhunmwuda ọ rẹnrẹn wẹ, I ma rẹn ọkpa, I ma rẹn eva, kevbe wẹ, I ma fidọn ghe ruẹ Umogun.”

Iwinna 12:11

Ẹghẹ nii Pita na do rẹn emwi ne ọ sunu vbe egbe irẹn, ọ na wẹẹ, “Banbanna nian, I rẹnrẹn ighẹ ẹmwata gele nọ, Nọyaẹnmwa gie odibo ẹre ne ọ do miẹn mwẹ fan vbe obọ Hẹrọd kevbe hin obọ emwi ne avbe emwa e Ju te rhie aro yi ne iran ru.”

Iwinna 7:29

Mosis ghi họn ẹmwẹ na, ọ keghi wa lẹ hin otọe Igipt rre, ọ keghi ya di otọ Midian ya. Ọ keghi biẹlẹ emọ ikpia eva vbe evba.

II Timoti 4:17

Sokpan, Nọyaẹnmwa keghi mudia ke mwẹ, ọ na rhie ẹtin yọ mwẹ iwu, sẹrriọ wẹ I keghi sẹtin kpe orhu ẹmwẹ nii ma avbe iran ne ẹ i re Ju hia họn, a keghi vbe wọlọ mwẹ hin uwu unu oduma nii rre.

Hibru 11:34

Iran dọ ogidi erhẹn yọ, iran lẹ fe vbe obọ umozo ne ọ tera gbele iran uan. Te iran te vburriẹ, sokpan iran keghi do wo vbe egbe. Iran zẹ uza vbe okuo, iran keghi khọn ivbiyokuo etẹ muotọ.

Hibru 13:6

Rhunmwuda ọnii, wa gie ima din ne a kha wẹẹ, “Nọyaẹnmwa ọrọre ne ọ yọ mwẹ obọ, ohan ighi mu mwẹ. De emwi ne ọmwa gha sẹtin ru mwẹ re?”