Ẹksọdọs 16:4 - Edo Bible (E Baibol Ẹdo) Version 1996

⁴ E Nọyaẹnmwa keghi tama e Mosis wẹẹ, “Mẹ ra ru ẹe ne ebrẹd gha dele ke odukhunmwu rre ne uwa hia, dọmwadẹ ọghọe vbe uwu avbe emwa nii ghi gha ladian ya gha rhọ ne ọ gha sẹ vbe ọghe ẹdẹ ọkpa. Vbe nian ọre I gha ya danmwẹ iran ghe, a deghẹ iran gha ya uhi mwẹ ru emwi.

Ẹksọdọs 16:4 Iomraidhean Croise

Nehimaia 11:23

Emwamwa ọghe ọba kegha rrọ vbene a gha ya gha ghae avbe ẹwae ni ye ẹdẹ ne ihuan ne a so sẹ iran egbe vbe ẹdẹ vbe ẹdẹ.

Nehimaia 9:15

“Ẹghẹ ne ohanmwẹ na gha gbe iran, u ke ẹrinmwi koko iran. U tue amẹ ke uwu okuta gie iran, vbe ovbamẹ gbe iran, u tama iran ne iran gha kha yan otọ nii, ne u yan yi wẹ u mu ne iran.

Nehimaia 9:20

Vbe uwu umamwẹ ruẹn wẹ tama iran emwi ne iran gha ru. U ya e mana koko iran, u na vbe sa amẹ ne iran wọn.

Psalm 105:40

Iran nọ rẹn ọ keghi viọ ukobozo gie iran, ọ rhie evbare gie iran ke ẹrinmwi rre ne ọ gie ẹko vuọn iran.

Psalm 78:23

Sokpan, rẹn keghi gu iso guan vbe odukhunmwu, ọ na wẹ ne urho ẹre kie rua,

Ẹksọdọs 15:25

E Mosis keghi kakabọ na erhunmwu ghe Nọyaẹnmwa; e Nọyaẹnmwa keghi ma ẹre ike erhan ọkpa, e Mosis muẹn fi uwu amẹ nii, amẹ nii na do khian nọ gie a gha wọn. Evba nii i ọre Nọyaẹnmwa ghi na gbe uhi ne iran, ọ kevbe danmwẹ iran ghe.

Ẹksọdọs 16:15

Ugbẹn vbe ivbi Izrẹl ghi miẹn ọẹn, iran ma rẹn emwi ne ọ khin, iran na gha nọ egbe ọta wẹẹ, vbe ọna khin yi? E Mosis keghi tama iran wẹẹ, “Ebrẹd ne Nọyaẹnmwa viọ gie uwa re ọre ena khin.

Itan 30:8

Ghẹ gun mwẹ gha ta ohoghe, ghẹ gun mwẹ gha mwẹ ẹfe, ghẹ gunmwẹ khian ovbiogue. Rhunmwuda ọnii, ye evbare ne ọ gha vuọn mwẹ ẹko, koko mwẹ.

Matiu 6:11

Rhie evbare ne ọ sẹe ne ima ẹre na.

Iyẹn ne ọ Maan Ọghe Luk 11:3

Rhie evbare ne ọ sẹe ne ima ẹdẹgbegbe,

I Kọrinti 10:3

Iran rri evbare orhiọn ọkpa nii.

Diuteronomi 8:16

Ọ rhie mana ne uwa re vbe uwu ato, egbe evbare ne avbe erha uwa odede ma re ẹdẹ. Ọ keghi gie ọlọghọmwa gie uwa ne ọ miẹn ehe na danmwẹ uwa ghe, ne ọ miẹn ehe na ya emwi ne ọma fiangbe uwa vbe okiekie.

Diuteronomi 8:2

Wa ghi yerre vbene Nọyaẹnmwa Osanobua uwa su uwa vbe okhian ne ọ taẹn la uwu ato nii vbe ukpo iyeva ni gberra na, ọ na vbe gie ọlọghọmwa gie uwa ne ọ ya danmwẹ uwa ghe, ne ọ miẹn ehe na rẹn emwi ni rre uwa ekhọe, nẹ ọ miẹn ehe na vbe rẹn adeghẹ wa gha ya uhi ẹre ru emwi.

Jọsua 24:15

A deghẹ wa i ho ne uwa ga e Nọyaẹnmwa, wa tae ẹrẹna nian ọmwa ne uwa gha ga, adeghẹ avbe ẹbọ ne avbe erha uwa gha ghoo vbe Mẹsopotamia nọ ra avbe ẹbọ ivbi Amọri ne uwa rre otọ ẹre. Sokpan, zẹ vbe ọghomwẹ kevbe ẹgbẹe mwẹ, e Nọyaẹnmwa ma gha ga.”