Ẹksọdọs 15:9 - Edo Bible (E Baibol Ẹdo) Version 1996

⁹ Eghian keghi kha wẹẹ, ‘I gha khu iran, I gha vbe mu iran; I gha ghae ẹfe iran, I gha miẹn iran emwi ne I ho hia; I gha yuo umozo mwẹ ladian, I gha ya ẹtin mwẹ viọ emwi hia ne iran mwẹ.’

Ẹksọdọs 15:9 Iomraidhean Croise

Gẹnẹsis 49:27

Oduma ne ọ gbe emwi ọre Bẹnjamin khin, ota vbe owiẹ ọ re ọ ya gbe emwi re.”

II Samuẹl 22:38

I zẹ avbe eghian mwẹ khu, i keghi fuẹn iran an. I ma dobọyi I te do khọn miẹn iran otọ.

I Ọba 19:2

Okhuo ni keghi gie ne a tama Elaija wẹẹ: “Te avbe ẹbọ gha kinmwi mwẹ gbe ua a deghẹ ọ te sẹ ẹghẹ na akhuẹ mẹ ma ru uwẹ zẹ vbene u ru avbe akhasẹ nii.”

I Ọba 20:10

ọvbehe rre wẹẹ, “I gha viọ emwa ni bun rre ne iran do dunmwu ẹvbo ruẹ na an. Iran gha bun sẹrriọ wẹ te iran khian kpolo ebubẹ ọre mwẹ obọ gha rrie. Te avbe ẹbọ gha kinmwi mwẹ gbe ua a deghẹ I ma ru ẹe vberriọ!”

Ẹksọdọs 14:5

Ugbẹn vbe a ghi khama ọba Igipt wẹ emwa nii lẹ kua, ke irẹn kevbe avbe ekhaẹmwẹ ọnrẹn keghi fi ekhọe werriẹ vbe ekpa iran, iran keghi kha wẹẹ, “Vbe ọna khun emwi ne ima ru na yi? Ma gie ivbi Izrẹl lẹ kua hin ehe ọviẹn ne iran ye ne ima rre!”

Itan 16:19

Ọ maa ne a gha re ọmẹhẹ ne a tọ, sẹẹ ne a gha rre usun iran ni tọn egbe mu ne avbe ghae vbe emwi ne a furu ọghe iran.

Aizaia 36:20

A he miẹn ẹghẹ ne ọkpa vbe uwu emwi ne avbe uhunmwu ẹvbo na gho he ya miẹn iran fan vbe obọ ọgbaisi ima ra? De emwi ne ọ ghi ya uwa gha ro ighẹ e Nọyaẹnmwa gha miẹn e Jerusalẹm fan?”

Aizaia 53:12

Rhunmwuda ọnii, mẹ gha rhie ẹre ye ukpo uyi ọ ghi gha mwẹ ihe vbe uwu ẹbu iran ni kọnkọn ni mwẹ ẹtin. Ekhọe obọ ẹre ọ re ọ ya rhie ẹdagbọn rẹn yotọ ọ keghi ya egbe miẹn vbe emwi ne ọ rruan emwa dan. Ọ rhie ihe emwa orukhọ nibun. Ọ na na erhunmwu wẹ ne a yabọ iran.”

Jerimaia 46:17

“Wa he ọba Igipt eni ọgbọn, ‘Nọfianyanegbe ne olunu ne ọ hoho au.’

Habakọk 3:14

Ifẹnmwẹ ruẹn saa arowa nọkhua ivbiyokuo ẹre, vbe ẹghẹ ne iran na rre zẹ vbe okpẹhoho ne iran do zagha ima an, ne iran na vbe giẹ ogie ọkhọ, zẹ vbe ọmwa ne ọ hẹko wọ ovbiogue uhunmwu.

Iyẹn ne ọ Maan Ọghe Luk 11:22

Sokpan ọmwa ne ọ wo vbe egbe sẹ ọre gha dekun ẹnrẹn, ọ na so ẹe gọọ, ọ ghi miẹn re emwi igbinna ne ọ te ya khẹ egbe, ọ ghi ya ghae emwi ne ọ do hẹẹ.

Giọgis 5:30

‘Ọvbokhunvbi ọkpa ra eva ne ovbiyokuo ọkpọkpa. Ukpon ighobioye ọghe Siseria, emwi ne a do mose mose ne urhu ọbokhuo.’

I Samuẹl 30:8

E Devid keghi nọ e Nọyaẹnmwa wẹẹ, “Nẹ I khu emwa ni do khọn na ra? Obọ mwẹ gha vba iran ra?” Ọ keghi wanniẹn wẹẹ, “Khu iran, u gha mu iran, u ghi miẹn avbe oghunmwu ni hia fan.”