Ẹksọdọs 13:9 - Edo Bible (E Baibol Ẹdo) Version 1996

⁹ Iruemwi na ghi yevbe ama ne u vin ye obọ ra emwi ayere vbe uharo ruẹ ne ọ gha ye ruẹ rre ne u miẹn ehe na gha ta ẹmwẹ uhi e Nọyaẹnmwa rhunmwuda ẹtin nọkhua ọre Nọyaẹnmwa ya rhie ruẹ hin otọ Igipt rre.

Ẹksọdọs 13:9 Iomraidhean Croise

Nehimaia 1:10

“E Nọyaẹnmwa, eguọmwadia ruẹ ena khin, emwa ruẹn iran khin. Ẹtin kevbe iwegbe ruẹ nọkhua ọ re u ya miẹn iran fan.

Psalm 136:11

Ọ hẹ ivbi Izrẹl ladian hin Igipt rre, etẹbitẹ ọ re ahoẹmwọmwa rẹn khin.

Psalm 136:12

Obọ ọre ne ọ wegbe kevbe ekuabọ ẹtin ẹnrẹn, etẹbitẹ ọ re ahoẹmwọmwa rẹn khin.

Psalm 89:13

A miẹn vbene u mwẹ ẹtin hẹ! A miẹn vbene ẹtin ruẹn kpọlọ hẹ!

Ẹksọdọs 12:14

Ẹdẹ na ghi gha re ẹdẹ ne a gha yerre ne uwa. Wa ghi gha ru emwi ukpo ẹre ne I ya ye emwi ne imẹ ne Nọyaẹnmwa ru rre. Wa ghi gha ru ẹe ke orre ya sẹ orre zẹ vbe emwiukpo ẹdẹdẹmwẹdẹ.

Ẹksọdọs 12:41

Vbe ikpẹ ẹdẹ ne ọ wa gba vbe ọgban yan uri eva zẹ, ivbi ẹwae emwa e Nọyaẹnmwa hia keghi kpao vbe otọ Igipt rre.

Ẹksọdọs 13:14

Ọ gha ghi sẹ ẹghẹ nii, a deghẹ ivbi uẹ ghi nọọn wẹẹ, ‘Vbe a ya ena kha yi?’ U ghi wanniẹn tama rẹn wẹẹ, ‘Ẹtin nọkhua ọre Nọyaẹnmwa ya viọ ima ke otọe Igipt ne ima na gha re eviẹn ladian.

Ẹksọdọs 13:16

Iruẹmwi na ghi gha re ayere zẹ vbe ama vbe obọ ruẹ ra orhiema vbe uharo ruẹ rhunmwuda iwinna ẹtin nọkhua ọre Nọyaẹnmwa ya viọ ima ke otọ Igipt ladian.’ ”

Ẹksọdọs 13:3

E Mosis keghi khama emwa nii wẹẹ, “Wa ghi ya ẹdẹnẹrẹ na ne uwa kpao vbe otọ Igipt ẹro, ehe ne uwa na gha re eviẹn, rhunmwuda ẹrẹna ọrọre ẹdẹ ne Nọyaẹnmwa ya ẹtin nọkhua ẹre viọ uwa ladian. Wa gha rri ebrẹd ne ọ ma hue.

Ẹksọdọs 3:20

Sokpan I gha lo ẹtin mwẹ. I ghi ya emwi ọyunnuan ne I gha ru vba rri ivbi Igipt oya, iyeke ọnii, ọ ghi gie uwa gha khian.

Ẹksọdọs 7:4

Ọba Igipt i ra rhie ehọ ne uwa ta yi, ẹghẹ nii 1 gha fi otọ nii emwi, I ghi rri ivbi Igipt oya ẹsẹse, mẹ ghi viọ ivbiyokuo mwẹ, ivbi Izrẹl ne emwa mwẹ ladian hin otọe Igipt rre.

Itan 1:9

Emwi ne iran ma ruẹn re gha dọlọ uyinmwẹ ruẹn yi zẹ vbene ọza uhunmwu ra ọghe ẹyaẹn ne ọ mose, dọlọ egbe ne u mu yi.

Itan 3:21

Ovbi mwẹ, da ẹwaẹn ruẹn yi, deba a ghe umian emwi. Ghẹ gie iran wi ruẹ.

Itan 7:23

ehe ne ifẹnmwẹ gha na ha ẹre ẹkoko udu gberra. Ọ keghi yevbe ahianmwẹ ne ọ ra tin la ifi, ọ ma rẹn wẹ te irẹn rhie uhunmwu mwẹ atataobọ.

Ihuan Ne Ọ Sọọ Ihuan Hia 8:6

Ghẹ gie ẹmwẹ ọmwa la ruẹ aro gberra ogho mwẹ ghẹ sikan mu obọ ọmwa ọvbehe gberra ọghọ mwẹ, ahoẹmwọmwa wa mwẹ ẹtin zẹvbe uwu, orriarria wa vbe mwẹ ẹtin zẹ vbe uwu tobọ ọre, te ọ mu erhẹn, ọ ghi vbe gha giẹn emwi khian zẹvbe okperhẹn.

Aizaia 27:1

Ọ gha sẹ ẹdẹ ne ẹdẹrriọ, ẹ Nọyaẹnmwa gha ya umozo ẹre ne ọ mwẹ ẹtin ke ne ọ gbe emwi ya rri e Leviatan oya, nene Ugbogiorinmwi ne ọ gbe a kinnọ khiẹn yo khiẹn rre nii, ọ ghi vbe gbe Ugbogiorinmwi ne ọ rre uwu ẹzẹ okun.

Aizaia 40:10

E Nọyaẹnmwa ne Udazi dee ra do ya ẹtin khaemwisẹ. Ọ ghi viọ avbe emwa ne irẹn miẹnfan mwẹ obọ gha dee.

Aizaia 44:5

“Ọkpọkpa ọ re emwa ra ya gha kha wẹẹ, ‘ọghe Nọyaẹnmwa ọ re imẹ khin.’ Iran gha do ya egbe ba ivbi Izrẹl. Dọmwadẹ ọghọe gha yi ama e Nọyaẹnmwa ye obọ ẹre, ọ ghi vbe tie egbe ẹre okpa vbe uwu emwa Osanobua.”

Aizaia 49:16

Jerusalẹm mẹ i sẹtin mianmian uwẹ ẹdẹ! I gbẹn eni ruẹn ye atataobọ mwẹ nẹ.

Aizaia 51:9

Rhiọrre Nọyaẹnmwa ne u yima obọ. Lo ẹtin ruẹn ne u ya miẹn ima fan, lo ẹre vbene u lo ẹre ẹkpo nẹdẹ. Wẹ ọ re ọ giagia Rehab ne Ugbogiorinmwi okun giẹghẹgiẹghẹ.

Aizaia 59:21

I rhie ẹtinmwẹ kevbe iruẹemwi mwẹ ne uwa, ne ọ gha re ọghe uwa ẹdẹdẹmwẹdẹ, ke ẹghẹ na gha rae te uwa ra gha họn ẹmwẹ mẹ, wa ghi ma ivbi uwa, kevbe ivbi uniẹn uwa ẹre ne iran gha họn ẹmwẹ mẹ ẹdẹdẹmwẹdẹ.”

Jerimaia 22:24

E Nọyaẹnmwa keghi tama e Jehoiakin, ọha ne ovbi e Jehoiakim ne Ọba e Juda wẹẹ, “Omwa vbene a miẹn wẹ mẹ ọ re ọ gele re Osanobua ne ọ rrọọ, ọ gha khọnrẹn ne a miẹn wẹ wẹ ọrọre oroka asẹ ne ọ rrọ mwẹ obọ erha ọmwa, te I yuo ruẹ fua.

Daniẹl 9:15

“E Nọyaẹnmwa Osanobua mwa, wẹ rhie ẹtin ruẹn ma vbekpa ne u na viọ emwa ruẹn ke otọ Igipt ladian, deba ẹre te a ye ye ẹtin ruẹn rre. Ma ru orukhọ nẹ, ma ba emwi ku ru nẹ.

Joẹl 2:11

E Nọyaẹnmwa ghi davan gie ivbiyokuo ẹre uhunmwu, otu iyokuo ni ru vbene ọ khare, wa bun ẹsẹse, iran vbe wegbe. U miẹn vbe ẹdẹ e Nọyaẹnmwa mu ohan hẹ. De ọmwa ne ọ gha miẹn uhunmwu vbọ?

Nọmbas 15:39

Adaghọ na ghi gha re ọghe ayere, ẹghẹikẹghẹ ne uwa a rhirhi ya dẹghe iran, wa ghi ye uhi mwẹ hia rre nu uwa vbe gha ru iran; ẹghẹ nii, wa i ghi ra fi iyeke gbe mwẹ ne uwa ya gha ru ọghe enegbe uwa ne uwa ho.

Matiu 23:5

Iran ghi gha ru emwi hia ọghe ne emwa ba bẹghe mwẹ. Wa ma miẹn vbene ẹkpo ne a viọ uviẹn ebe na gbẹnnẹ kevbe Ebe ni re na a mu gba ye obọ kevbe uharo ọghe iran kọnkọn hẹẹ! Wa ma miẹn vbene ẹwu iran wa hiọrọ otọ hẹẹ!

Ebe ne Pọl gbẹẹn gie emwa Rom 10:8

Vbene ọ khare ọre ọna khin: “Uhunmwu ne Osanobua gie sikẹ ruẹ, ọ rre aranmwẹ kevbe ekhọe ruẹ” ọnii ọrọre ẹmwẹ iyayi ne ima kpe orhu ẹre.

Diuteronomi 30:14

ọ rre ehe ne uwa ye vbe emwa na, wa rẹn ọnrẹn, wa gha sẹtin tae ye uhunmwu banbanna nian, wa gha ya ẹe ru emwi.

Diuteronomi 5:15

Yerre we eviẹn wa te vbe gha khin vbe otọ Igipt, kevbe wẹ mẹ ne Nọyaẹnmwa Osanobua ruẹ ọ re ọ ye ẹtin kevbe iwegbe mwẹ nọkhua fan uwa vbe irri. Ọnii ọ zẹe ne I na wẹ ne uwa gha zẹ nene ẹdẹ kọ ya hẹwẹ.

Diuteronomi 6:21

Ẹghẹ nii, wa ghi tama iran wẹẹ, ‘Eviẹn ọba Igipt ma te gha khin, e Nọyaẹnmwa keghi ya ẹtin ẹnrẹn nọkhua miẹn ima fan.

Diuteronomi 6:6

Ghẹ mianmian avbe uhi ne I viọ ne uwa na ẹdẹnẹrẹ na ẹdẹ.

Diuteronomi 6:8

Gbalọ ẹe ginna obọ, u ghi vbe dele ẹe ye uharo ruẹ ne u ya gha ye ẹre rre,

Arhie Maan 18:8

Rhunmwuda ọnọna, okpe emianmwẹ ọnrẹn gha kinmwi ẹn ẹdẹ ọkpa, emianmwẹ irhia ẹko kevbe ukhunmwu. A gha ya erhẹn giẹn ọnrẹn uan rhunmwuda, Nọyaẹnmwa Osanobua ne ọ bu ohiẹn ọnrẹn, ne ọ mwẹ ẹtin nọ.”

Giọgis 2:12

Iran keghi fi iyeke gbe ugamwẹ e Nọyaẹnmwa ne Osanobua avbe erha iran odede, Osanobua ne ọ viọ iran ke otọe Igipt ladian. Iran keghi suẹn gha gho avbe ẹbọ ọvbehe, ẹbọ avbe emwa ni lẹga iran. Iran kegha ya uhunmwu rhanmwẹ otọ ne avbe ẹbọ na, iran na ya ohu mu e Nọyaẹnmwa.