Ẹksọdọs 13:3 - Edo Bible (E Baibol Ẹdo) Version 1996

³ E Mosis keghi khama emwa nii wẹẹ, “Wa ghi ya ẹdẹnẹrẹ na ne uwa kpao vbe otọ Igipt ẹro, ehe ne uwa na gha re eviẹn, rhunmwuda ẹrẹna ọrọre ẹdẹ ne Nọyaẹnmwa ya ẹtin nọkhua ẹre viọ uwa ladian. Wa gha rri ebrẹd ne ọ ma hue.

Ẹksọdọs 13:3 Iomraidhean Croise

Gẹnẹsis 15:16

Ọ gha sẹ orre enẹ, uniẹn ruẹn ke dọlegbe gha die emwa; rhunmwuda mẹ I ra khulo emwa Amọri ladian, a te do miẹn wẹẹ, iran ru emwi dan ne ọ na kei ne a rri iran oya.”

I Krọnikol 16:12

Wa ne ivbi uniẹn Jekọb, ọguọmwadia Osanobua, ivbi uniẹn Izrẹl ne Nọyaẹnmwa hannọ zẹ wa ye iwinna ọyunnuan ne Osanobua winnaẹn rre kevbe ohiẹn ne ọ buru.

Nehimaia 1:10

“E Nọyaẹnmwa, eguọmwadia ruẹ ena khin, emwa ruẹn iran khin. Ẹtin kevbe iwegbe ruẹ nọkhua ọ re u ya miẹn iran fan.

Nehimaia 9:10

U winna ọyunnuan ne ọkpaodin yan ọba, iran ni rre asẹ kevbe emwa otọe ni. Rhunmwuda, u rẹn vbene iran zẹ emwa ruẹn kpokpo hẹ, u keghi gbe miẹn ọghọ; ne ọ ye lele uẹ khian ẹrẹna.

Psalm 105:5

Wa ne ivbi uniẹn Ebraham, ọguọmwadia ẹre; wa ne ivbi uniẹn Jekọb, ọmwa ne irẹn hannọ zẹ; wa ye iwinna ọyunnuan ne Osanobua winna ẹn rre, kevbe avbe ohiẹn ne ọ buru.

Psalm 114:1

Ẹkpo ne ivbi Izrẹl na kpao vbe Igipt rre, ẹkpo ne ivbi uniẹn Jekọb na kpao vbe otọe ẹvbo ẹrrẹe ni rre,

Psalm 136:11

Ọ hẹ ivbi Izrẹl ladian hin Igipt rre, etẹbitẹ ọ re ahoẹmwọmwa rẹn khin.

Psalm 136:12

Obọ ọre ne ọ wegbe kevbe ekuabọ ẹtin ẹnrẹn, etẹbitẹ ọ re ahoẹmwọmwa rẹn khin.

Psalm 89:14

Ẹmwata kevbe uhunmwu ẹmwẹ, ọ re a gbe ẹyotọ arriọba ruẹ yan, aho ẹmwẹ ọmwa kevbe aguobọmwa, rhie egbe ma vbe emwi ne u ru hia.

Ẹksọdọs 12:15

“Wa ghi ya ẹdẹ ihinrọn rri ebrẹd ne ọ ma hue. Vbe ikpẹdẹ ne okaro, wa ghi viọ ebrẹd ne ọ huere hin owa rua rre, rhunmwuda ọmwaikọmwa ne ọ rri ebrẹd ne ọ huere ke ikpẹdẹ nokaro ya sẹ ikpẹdẹ ne okiekie, a gha kan ẹn fua hin ọbuohiẹn emwa mwẹ rre.

Ẹksọdọs 12:17

Wa ghi ru emwiukpo ọghe ebrẹd ne ọ ma hue na rhunmwuda ẹdẹ na ọrọre ẹdẹ ne I viọ ivbiyokuo rua lahin otọ Igipt rre. Ke orre ya sẹ orre, wa ghi zẹ ẹdẹ nẹrẹ kọ zẹ vbe emwiukpo.

Ẹksọdọs 12:19

Wa ghẹ ghi miẹn ebrẹd ne ọ huere vbe owa uwa, rhunmwuda, a deghẹ a miẹn ọmwa ne ebrẹd ne ọ huere gue, a gha kan ẹn fua hin uwu ọbuohiẹn emwa mwẹ rre, ọre ọrriọvbe nọ ra ọmọ otọ nọ. Wa ghẹ rri ebrẹd ne ọ huere hiehiere vbe owa uwa.”

Ẹksọdọs 12:2

“Uki na ọre ọ khian gha re uki nokaro vbe ukpo ne uwa.

Ẹksọdọs 12:41

Vbe ikpẹ ẹdẹ ne ọ wa gba vbe ọgban yan uri eva zẹ, ivbi ẹwae emwa e Nọyaẹnmwa hia keghi kpao vbe otọ Igipt rre.

Ẹksọdọs 12:42

Asọn ne Nọyaẹnmwa ya khẹ odẹ nọ ne ọ ya viọ iran ladian vbe otọe Igipt, nene asọn na keghi ra ne a ya fiohan ne Nọyaẹnmwa ke orre ya sẹ orre zẹ vbe asọn ne ivbi Izrẹl gha na vbe gha khẹ odẹ.

Ẹksọdọs 12:8

Vbe asọn nii, te a gha tọn ẹn vbe erhẹn, a ghi ye ebrẹd ne ọ ma huẹ kevbe oriwo rriọe.

Ẹksọdọs 13:14

Ọ gha ghi sẹ ẹghẹ nii, a deghẹ ivbi uẹ ghi nọọn wẹẹ, ‘Vbe a ya ena kha yi?’ U ghi wanniẹn tama rẹn wẹẹ, ‘Ẹtin nọkhua ọre Nọyaẹnmwa ya viọ ima ke otọe Igipt ne ima na gha re eviẹn ladian.

Ẹksọdọs 13:9

Iruemwi na ghi yevbe ama ne u vin ye obọ ra emwi ayere vbe uharo ruẹ ne ọ gha ye ruẹ rre ne u miẹn ehe na gha ta ẹmwẹ uhi e Nọyaẹnmwa rhunmwuda ẹtin nọkhua ọre Nọyaẹnmwa ya rhie ruẹ hin otọ Igipt rre.

Ẹksọdọs 20:2

Mẹ ọrọre Nọyaẹnmwa Osanobua ruẹ ne ọ rhie ruẹ ladian hin otọe Igipt rre, lahin owa ọviọnmwa.

Ẹksọdọs 20:8

“Ye Ẹdẹ Ikẹtin rre ne u ya ẹe ru emwi ne ọ huanrẹn ne Nọyaẹnmwa.

Ẹksọdọs 23:15

Vbe uki Abib, uki ne uwa na kpao hin Igipt rre, wa ghi ru emwiukpo Ebrẹd nọmahue; zẹ vbene iyi ẹre nii yi ma uwa, wa ghẹ rri ebrẹd ne ọ huere la ikpẹdẹ ihinrọn vbe ẹghẹ emwiukpo na. Omwa ikọmwa ghẹ fiabọ emwi imuohan bu mwẹ gha dee.

Ẹksọdọs 3:20

Sokpan I gha lo ẹtin mwẹ. I ghi ya emwi ọyunnuan ne I gha ru vba rri ivbi Igipt oya, iyeke ọnii, ọ ghi gie uwa gha khian.

Ẹksọdọs 34:18

“Wa ghi gha ru emwiukpo ebrẹd ne ọ ma hue, zẹ vbene I tama uwa, wa ghi ya ikpẹdẹ ihinrọn rri ebrẹd ne ọ ma hue vbe uki Abib, rhunmwuda, uki nii ọre uwa na kpa vbe Igipt.

Ẹksọdọs 6:1

Ẹre Nọyaẹnmwa na tama e Mosis wẹẹ, “U gha miẹn emwi ne I gha ru ọba re ban. I gha ya obọ ne ọ tọn muẹn ne ọ miẹn ehe na gie iran gha khian. Vbe ẹmwata I gha ru ẹe ne ọ ya obọ ẹre khulo uwa ladian hin ẹvbo ẹre rre.”

Ẹksọdọs 6:6

Rhunmwuda ọnii, wẹ ghi ya tama ivbi Izrẹl wẹẹ, ‘Mẹ ọrọre Nọyaẹnmwa, I gha fannọ uwa ye otọ vbe obọ iwinna ekuẹnkuẹn ne ivbi Igipt ya ẹtin munọ uwa ya winna. I gha miẹn uwa fan hin uwu eviẹn ne uwa ye ne iran. I gha fannọ uwa ye otọ vbe ekpa ne I gha na tọn obọ mwẹ ne wegbe mu ne I ya rri iran oya nọ mu ohan.

Ẹksọdọs 6:7

I gha ya uwa ru emwa mwẹ, mẹ ghi gha re Osanobua uwa. Wa gha vbe rẹn ighẹ mẹ ọre Nọyaẹnmwa ne Osanobua rua vbe I gha fannọ uwa ye otọ hin ọviẹn ọmwa rre vbe Igipt.

Ẹksọdọs 7:4

Ọba Igipt i ra rhie ehọ ne uwa ta yi, ẹghẹ nii 1 gha fi otọ nii emwi, I ghi rri ivbi Igipt oya ẹsẹse, mẹ ghi viọ ivbiyokuo mwẹ, ivbi Izrẹl ne emwa mwẹ ladian hin otọe Igipt rre.

Jerimaia 34:13

ne Osanobua Izrẹl na tama mwẹ, wẹ ne I ya khama avbe emwa nii wẹẹ, “Ẹghẹ ne I na viọ avbe erha uwa odede ke Igipt ladian, I gu iran taa ile, I keghi fannọ iran ke ọviẹn ladian. I keghi tama iran wẹ,

Daniẹl 9:15

“E Nọyaẹnmwa Osanobua mwa, wẹ rhie ẹtin ruẹn ma vbekpa ne u na viọ emwa ruẹn ke otọ Igipt ladian, deba ẹre te a ye ye ẹtin ruẹn rre. Ma ru orukhọ nẹ, ma ba emwi ku ru nẹ.

Matiu 10:12

Wa gha la uwu owa, wa ghi kha wẹẹ, ‘Ọfumwegbe guwa rrọọ.’

Iyẹn ne ọ Maan Ọghe Luk 22:19

Iyeke ọnii, ọ keghi vbe mu ebrẹd, ọ kpọnmwẹ Osanobua, ọ giagia ẹe, ọ keghi viọ ne iran wẹẹ, “Ọnọna ọrọre egbe mwẹ ne a rhie ne uwa. [Wa gha ru ọna ya ye mwẹ rre.”

I Kọrinti 11:24

Ọ kpọnmwẹ Osanobua, ọ fiaẹn, ọ keghi kha wẹẹ, “Ọnọna ọrọre egbe mwẹ ne uwa. Wa gha ru ọna ya ye mwẹ rre.”

I Kọrinti 5:8

Wa gie ima do ugie emwi ukpo mwa, sokpan ẹ i re ne a ya ebrẹd ne eyist nẹdẹ ni ye do, eyist orukhọ kevbe alama, sokpan ọghe ebrẹd ne ẹ i mwẹ eyist, ebrẹd uhuanmwẹ kevbe uhunmwu ẹmwẹ.

Ẹfisọs 1:19

Kevbe vbene ẹtin ẹnrẹn ne ọ winna vbe uwu ima ni yayi kpọlọ sẹ hẹ. Ne ne ẹtin nọ rre uwu ima na, ọre ọ vbe re ẹtin nọkhua ni.

Diuteronomi 13:10

Filo okuta gbe ẹe rua, te ọ te ho ne ọ bibi ruẹ odẹ hin ehe ne Nọyaẹnmwa Osanobua ruẹ ye rre, ọmwa ne ọfan-an vbe irri vbe Igipt ne uwẹ na te re ọviẹn.

Diuteronomi 13:11

Ẹghẹ nii, emwa Izrẹl hia ghi họn emwi ne ọ sunu, iran ghi ya ọ nii wan, a i ghi vbe miẹn ọmwa ne ọ gha dọlegbe ru egbe emwi dan vberriọ.

Diuteronomi 13:5

Sokpan deghẹ akhasẹ ra ne ọ rhan otọ imina bu ruẹ rre wẹ, u sọtẹ ghe Nọyaẹnmwa, ọmwa ne ọ fan uwa vbe irri ke otọe Igipt ne uwa na te re ọviẹn ọmwa rre, wa ghi gbe ẹe rua. Ọmwa dan ọ re egbe ọmwa vberriọ khin, ọ ho ne ọ gban uwa hin vbene Nọyaẹnmwa wẹ ne u gha ru rre, rhunmwuda ọnii, te ọ kere ne a gbe ẹe rua. Odẹ vberriọ, wa gha sẹtin gbe ukhu ọkhọ vberriọ ua.

Diuteronomi 13:6

“Uhin a sẹtin miẹn ọtuẹn ne okpia ra ovbi uẹ ne okpia ra ne okhuo ra amwẹ ọn ne u ho ẹmwẹ ọnrẹn ra ọtuẹn ne ọ sikẹ ruẹ sẹ sẹtin do gha kọe ye uwẹ ekhọe ne u ya gha gho ẹbọ ọvbehe, avbe ẹbọ ne uwẹ vbe avbe erha ẹe odede ma gho ẹdẹ.

Diuteronomi 15:15

Wa ghi yerre wẹ, eviẹn wa gha a khin vbe Igipt, e Nọyaẹnmwa ne Osanobua uwa keghi fannọ uwa kua, ọna ọ si ẹe ne I na rhie uhi na ne uwa.

Diuteronomi 16:1

“Ye ọghọ ne Nọyaẹnmwa Osanobua rua vbe ekpa ne uwa gha na gha ru emwiukpo Alagberra vbe uki Abib; rhunmwuda asọn ọkpa vbe uwa uki ni ọre a na fan uwa vbe irri ke Igipt ladian.

Diuteronomi 16:12

Yerre ighẹ eviẹn wa te gha khin vbe Igipt, rhunmwuda ọnii, wa ghẹ gia miẹn ighẹ wa ma ya avbe uhi na ru emwi.

Diuteronomi 16:3

Wa gha ra rri evbare na, wa ghẹ rri ebrẹd ne a ye eyist le. Wa ghi rri ebrẹd ne a ma ye eyist le la ikpẹdẹ ihinrọn, rhunmwuda ulẹ vbe okhian ọ re uwa ya lahin Igipt rre. Wa ghi rri ebrẹd na ne a gha tie ẹre evbare ọlọghọmwa, vbe ne a gha na miẹn wẹ vbe ẹdẹ agbọn uwa hia, te uwa gha ye rre, ẹdẹ ne uwa kpao vbe Igipt rre.

Diuteronomi 24:18

Yerre wẹ eviẹn wa gha khin vbe Igipt, ẹre Nọyaẹnmwa Osanobua rua na do fannọ uwa vbe irri. Ọnii ọ zẹe ne I na gba uhi na ne uwa.

Diuteronomi 24:22

Wa ghẹ mianmian wẹ eviẹn wa te khin vbe Igipt. Ọnii ọ si ẹe ne I na yi iyi na ne uwa.”

Diuteronomi 26:8

Ọ keghi ye ẹtin iwegbe ẹre nọkhua miẹn mwa fan hin obọ ivbi Igipt rre. Ọ winna iwinna ama kevbe ọyunnuan. Ọ na gie emwi ni mu ohan ni bun sunu.

Diuteronomi 4:34

A he miẹn ẹbọ ọkpa ne ohan gie ẹe la uwu okpẹvbo ọvbehe ya viọ emwa ladian ya khian ọghe ọe zẹ vbene Osanobua Nọyaẹnmwa uwa ru ne uwa vbe Igipt? Sirra uwa ọ re, ọ na lo ẹtin kevbe iwegbe ẹre nọkhua, ọ keghi si egboghogbogho kevbe okuo ye otọ, ọ keghi winna iwinna ọyunnuan kevbe ọghe ama, ọ na gie emwi ohan gha sunu.

Diuteronomi 5:15

Yerre we eviẹn wa te vbe gha khin vbe otọ Igipt, kevbe wẹ mẹ ne Nọyaẹnmwa Osanobua ruẹ ọ re ọ ye ẹtin kevbe iwegbe mwẹ nọkhua fan uwa vbe irri. Ọnii ọ zẹe ne I na wẹ ne uwa gha zẹ nene ẹdẹ kọ ya hẹwẹ.

Diuteronomi 5:6

‘Mẹ ọrọre Nọyaẹnmwa Osanobua ruẹ, ne ọ fan uwa vbe irri lahin otọ Igipt ne uwa na te re eviẹn rre.

Diuteronomi 6:12

Wa ghi gie aro uwa da ẹe we wa ma mianmian e Nọyaẹnmwa ne ọ viọ uwa ke Igipt ladian vbe ehe ne uwa na te re eviẹn.

Diuteronomi 6:21

Ẹghẹ nii, wa ghi tama iran wẹẹ, ‘Eviẹn ọba Igipt ma te gha khin, e Nọyaẹnmwa keghi ya ẹtin ẹnrẹn nọkhua miẹn ima fan.

Diuteronomi 7:8

Sokpan e Nọyaẹnmwa ho ẹmwẹ uwa, ọ na wẹ rẹn gha vbe mu eyan ne ọ yan ma avbe erha uwa odede sẹ. Ọna ọ si ẹe ne ọ na ya ẹtin ẹnrẹn nọkhua miẹn uwa fan, ọ na fannọ uwa kua hin eviẹn ne uwa khin ne ọba Igipt rre.

Diuteronomi 8:14

Wa ghẹ gie a miẹn wẹ te uwa ghi tọn egbe mu ne uwa ya mianmian e Nọyaẹnmwa Osanobua rua ne ọ viọ uwa ke Igipt ladian rre vbe ehe ne uwa na te re eviẹn.

Diuteronomi 9:12

“Ẹre Nọyaẹnmwa na tama mwẹ wẹẹ, ‘Tuorre vbe uhunmwu oke ẹgiẹgiẹ rhunmwuda emwa ruẹn ne u viọ ke Igipt gha dee rhia egbe ua, iran vbe ru emwi dan. Iran zẹgiẹgiẹ fi iyeke gbe emwi ne I we ne iran ru, iran keghi vbe ya ma amazẹ ne egbe iran.’

Jọsua 24:17

E Nọyaẹnmwa Osanobua mwa ọ re ọ viọ avbe erha mwa kevbe ima ke uwu ọviẹn ladian vbe otọ Igipt, aro ima vbe sẹ iwinna nekhua ne ọ winnaẹn. Ọ keghi viọ ima lẹre hin ẹbe rre vbe ehe ne ima a rhirhi la vbe uwu ẹbu emwa ne ima la ẹvbo ẹre gberra.

Giọgis 2:12

Iran keghi fi iyeke gbe ugamwẹ e Nọyaẹnmwa ne Osanobua avbe erha iran odede, Osanobua ne ọ viọ iran ke otọe Igipt ladian. Iran keghi suẹn gha gho avbe ẹbọ ọvbehe, ẹbọ avbe emwa ni lẹga iran. Iran kegha ya uhunmwu rhanmwẹ otọ ne avbe ẹbọ na, iran na ya ohu mu e Nọyaẹnmwa.

Giọgis 6:8

e Nọyaẹnmwa keghi gie akhasẹ ọkpa gie iran, ne ọ do ta uhunmwu ne Nọyaẹnmwa ne Osanobua Izrẹl gie wẹẹ: “I viọ uwa ke uwu ọviẹn ladian vbe Igipt.