Ẹksọdọs 13:2 - Edo Bible (E Baibol Ẹdo) Version 1996

² “Ye avbe emọdiọn ni re ikpia vbe Izrẹl fi ohan mẹ, ọ re ọghe ọmwa nọ ra emwirri, ọghomwẹ nọ.”

Ẹksọdọs 13:2 Iomraidhean Croise

Nehimaia 10:36

Emọ ikpia hia ne ima ka gha biẹlẹ, ma gha viọ iran bu ohẹn vbe Ọgua Osa ne a ya iran fi ohan ne Osanobua vbe evba zẹ vbene Uhi kha re. Erriọ ma gha vbe ye ọwẹe ne ẹmila mwa, ke ẹwe mwa kevbe ohuan mwa ka gha biẹlẹ fi ohan.

Nehimaia 10:37

Ma gha mu Igharhuarhua ne a ye amẹ gbe, ne ima ye ọka ne a ka gha fian vbe ugbo mwa rre gie avbe ohẹn, erriọ vbe nọ ne emwi imuohan nekpa, ayọn ofigbọn oliv kevbe avbe ọmọ erhan ne a rhọ re ughughan. Ma gha viọ a ghae ye ihẹ igbe ọghe emwiokọ mwa gie avbe Livai ne ọ koko aghaeyihigbe vbe agọ ne ima na gbe ugbo.

Ẹksọdọs 13:1

E Nọyaẹnmwa keghi tama e Mosis wẹẹ,

Ẹksọdọs 22:28

“Ghẹ fi unu gie Osanobua, ghẹ kpa unu ghe ọkaolotu emwa ruẹn.

Ẹksọdọs 23:19

Wa ghi viọ avbe ne ọ maa sẹ vbe emwiokọ ne okaro ne uwa ka gha rhọ vbe ugbo uwa gha die owa Nọyaẹnmwa Osanobua rua. Wa ghẹ ye ewẹn ohuan le ovbi ẹre.

Ẹksọdọs 4:22

Ẹghẹ nii, u ghi tama rẹn wẹẹ, vbenian ọre Nọyaẹnmwa khare ‘Izrẹl ọrọre ovbi mwẹ ne ọdiọn.

Ezikiẹl 16:20

“Iyeke ọnii, u keghi viọ emọ ikpia kevbe emọ ikhuo ne u biẹlẹ mẹ, u na ya iran zọ ese ne ẹbọ. Adeghẹ te u ma ga mwẹ,

Ezikiẹl 16:21

ighẹ u ma viọ mwẹ emọ ya zọ ese ne ẹbọ, ọnii ma he ye rhia sẹ ra?

Levitikọs 27:26

Ọmwa rhọkpa ghẹ ya ọmọ ọdiọn ọghe aranmwẹ zẹ ọhẹ akekhọerre ne Nọyaẹnmwa rhunmwuda, ọghe Nọyaẹnmwa ọre ka nọ yi. ovbi ẹmila ra ovbi ohuan ra ovbi ẹwe, ọghe Nọyaẹnmwa nọ.

Nọmbas 18:15

“Emọ ọdiọn hia ra aranmwẹ ne ivbi Izrẹl viọ gun mwẹ, ọwuẹ nọ. Sokpan, u ghi gha miẹn iran igho ne a ya dẹ ọmọ ọdiọn werriegbe, erriọ u ghi vbe gha miẹn iran igho ne a ya dẹlẹ avbe emọ ọdiọn werriegbe.

Nọmbas 3:12

“Avbe Livai ọre I gha viọ ye ihe emọ ọdiọn hia ọghe avbe ivbi Izrẹl, iran ghi gha re ọghomwẹ, rhunmwuda, emọ ọdiọn nikpia hia, ọghomwẹ iran khin. Ẹghẹ ne I na gbele emọdiọn nikpia vbe Igipt, I keghi vbe ya emọ ọdiọn ikpia ni rre ivbi Izrẹl fi ohan ne egbe mwẹ, deba emọ ọdiọn ọghe emwirri. Mẹ ọrọre Nọyaẹnmwa.”

Iyẹn ne ọ Maan Ọghe Luk 2:23

Vbenian ọre agbẹn ọẹn ye uhi Nọyaẹnmwa, “Te a gha ye emọdiọn hia fiohan ne Nọyaẹnmwa.”

Diuteronomi 15:19

“U ghi viọ emọ ọdiọn ọghe avbe ẹmila kevbe ohuan ruẹ ye efẹn ọkpa ne Nọyaẹnmwa Osanobua ruẹ. Ghẹ ye avbe ẹmila ni rrọọ winna, ghẹ gbe eto avbe ohuan ni rrọọ.

Hibru 12:23

Wa kegha die uwu ẹbu oghọghọ ivbi Osanobua nii, ke aro emwa ne a gbẹnnẹ eni iran ye otọ vbe ẹrinmwi. Wa keghi hu Osanobua ne ọre ne ọ bu ohiẹn emwa hia gha dee ke ẹe kevbe orhiọn avbe emwa ẹmwata ne a ya khian ne ọ fo na.