Ẹksọdọs 12:3 - Edo Bible (E Baibol Ẹdo) Version 1996

³ Tama ivbi Izrẹl hia wẹẹ: Vbe ikpẹdẹ ne ogigbe ọghe uki na, edọmwadẹ ọghọe ghi hannọ oteghe ohuan ọkpa ra ovbi ẹwe ọkpa ye otọ ne ẹgbẹe ọre, oteghe ohuan ọkpọkpa ne igiowa ọkpọkpa.

Ẹksọdọs 12:3 Iomraidhean Croise

Gẹnẹsis 22:8

Ebraham wanniẹn wẹẹ, “Osanobua tobọ ẹre gha kpehe, ovbi mwẹ.” Iran eveva na gba gha khian.

Gẹnẹsis 4:4

Iyekọnii, Ebẹl ke mu oteghe ohuan aranmwẹ ne emwi irri ẹre ka gha biẹ rre, ọ ke gbẹe, ọ ke ya ehe ne ọ maa sẹ vbọ zọ ese. Ẹko ke rhiẹnrhiẹn Nọyaẹnmwa ghe Ebẹl ke ese ne ọ zọ re.

II Krọnikol 35:7

E Josaia keghi viọ aranmwẹ ke uwu emwi irri ẹre ne emwa nii miẹn ya ru emwiukpo Alagberra, emwi ne ọ viọ rre kegha re ohuan arriaisẹn ọgban (30,000) kevbe avbe oteghe ohuan kevbe ivbi ẹwe, deba ẹkhuia ẹmila arriaisẹn eha (3,000).

Ẹksọdọs 12:2

“Uki na ọre ọ khian gha re uki nokaro vbe ukpo ne uwa.

Ẹksọdọs 12:21

E Mosis keghi tie avbe ọkaolotu ivbi Izrẹl hia, ọ tama iran wẹẹ, “Wa ya hannọ ovbi ohuan ra ovbi ẹwe ne ẹgbẹe uwa ne uwa gha gbe vbe emwiukpo Alagberra.

Ẹksọdọs 12:4

Adeghẹ ẹgbẹe ọkpa kanmwa gbe ne ọ gha sẹtin rri ikun aranmwẹ fo, rẹn vbe ẹdogbo ẹre ne ọ diake sẹ sẹtin gba mu aranmwẹ ọkpa, sokpan vbene iran bun sẹ ọre ọ gha ya gha yerriọ vbene uwa gha ya mwamwa ẹn yọ ọrọre vbene dọmwadẹ ọghọe gha sẹtin re sẹ.

Ẹksọdọs 12:6

Wa ghi muẹn hin rre khẹ ikpẹdẹ ne ne ogiwenẹ ọghe uki na, ẹghẹ ne ivbi Izrẹl hia gha ya gbele aranmwẹ.

Ẹksọdọs 14:15

E Nọyaẹnmwa keghi tama e Mosis wẹẹ, “Vbe u a na tu nọ iyobọ hẹ yi? Tama ivbi Izrẹl ne iran khianmwu.

Ẹksọdọs 20:19

Iran keghi tama e Mosis wẹẹ, “Wẹ gha gu ima guan ighẹ ma gha họn, sokpan afianma fian mwa wẹ, deghẹ Osanobua gu ima guan, ma gha wulo.”

Ẹksọdọs 4:30

Errọn na ta avbe emwi ọyunnuan nii.

Ẹksọdọs 6:6

Rhunmwuda ọnii, wẹ ghi ya tama ivbi Izrẹl wẹẹ, ‘Mẹ ọrọre Nọyaẹnmwa, I gha fannọ uwa ye otọ vbe obọ iwinna ekuẹnkuẹn ne ivbi Igipt ya ẹtin munọ uwa ya winna. I gha miẹn uwa fan hin uwu eviẹn ne uwa ye ne iran. I gha fannọ uwa ye otọ vbe ekpa ne I gha na tọn obọ mwẹ ne wegbe mu ne I ya rri iran oya nọ mu ohan.

Ezikiẹl 40:1

Ikpẹdẹ ne ogigbe ọghe ukpo ọgbọn nọ, ọ keghi vbe re ukpo isẹn yan ugie ne ima kegha rre iwe, kevbe ukpo iwenẹ ne a ghi khọn mu e Jerusalẹm. Vbe ẹdẹ nẹdẹrriọ, I keghi kakabọ họn ẹmwẹ ẹtin ọghe Nọyaẹnmwa vbe ọ gu ọmwa mudia vbe egbe mwẹ, ọ keghi mu mwẹ kpao.

Levitikọs 1:2

“Ne ivbi Izrẹl gha rhie obọ lele ẹe vbe iran a gha zọ ese. Omwa gha ra zọ ese aranmwẹ, ọ sẹtin gha re ọkpa vbe uwu ẹmila ẹre ra ohuan rẹn ra ewe ẹre.

Levitikọs 5:6

Ọ ghi mu iye ohuan ra ẹwe gie Nọyaẹnmwa zẹ vbe oya ne a ghi rri ọre re ye orukhọ ne ọ ru. Ohẹn ghi ya zọ ese nẹẹn, ne ọ kpe orukhọ ọre kua.

Nọmbas 15:11

Emwi ne a gha viọ lele ẹkhuia ẹmila, ọ re ena khin. ogho, ovbi ohuan ra ẹwe ne a ya zọ ese ọ re eni khin.

Iyẹn ne ọ Maan Ọghe Jọn 1:29

Ẹdẹ ghi gbe, Jọn keghi miẹn Jesu vbe ọ bu irẹn dee, ọ na kha wẹẹ, “Wa ghe oteghe ohuan Osanobua ne ọ viọ orukhọ agbọn gha rrie!

Iyẹn ne ọ Maan Ọghe Jọn 1:36

Ugbẹn vbe ọ ghi bẹghe Jesu vbe ọ gberra khian, ọ wẹẹ, “Ghe Oteghe Ohuan Osanobua!”

Iyẹn ne ọ Maan Ọghe Jọn 12:1

A ghi tie ẹre ẹdẹ ehan re ọ ghi re Alagberra, Jesu kegha rrie Bẹtani ne ọ re ẹvbo Lazarọs ne Jesu huẹn kpaegbe vbe idin.

Iyẹn ne ọ Maan Ọghe Jọn 12:12

Ẹdẹ ghi gbe, ni bun vbe uwu avbe emwa ni rrie Emwiukpo Alagberra keghi họn ighẹ Jesu die Jerusalẹm.

I Kọrinti 5:7

Wa rhie eyist ọwiẹyi orukhọ na hi ehe ne uwa ye rre, ne uwa miẹn ehe na huan fo. Ẹghẹ nii, wa ghi do ye vbe ẹlubọ ne a ma he rhie eyist yi, I rẹnrẹn ighẹ egbe emwi vberriọ ọre uwa khin. Rhunmwuda a le evbare Alagberra mwa nẹ nian, ugbẹn vbe a miẹn wẹ, a ya Kristi ne ọre Oteghe Ohuan Alagberra mwa, zọ ese nẹ.

Jọsua 7:14

Rhunmwuda ọnii, vbe owiẹ, a gha viọ uwa mudia vbe odaro mwẹ, ẹwae ẹwae. Ewae ne Nọyaẹnmwa ghi mu vbọ ghi vbe ye ẹgbẹe ẹgbẹe bu mwẹ gha dee. Ẹgbẹe ne Nọyaẹnmwa ghi mu vbọ, emwa ni rrọ ghi ladian ọkpọkpa.

Arhie Maan 13:8

Emwa ni rre agbọn hia gha ya uhunmwu rhanmwẹ otọ nẹẹn, ọnii nọ wẹ, avbe emwa hia ne a ma he gbẹnnẹ eni iran vbe agbọn te do suẹn, ye ebe emwa ni rrọọ, iran ni re ọghe Oteghe Ohuan ne a te gbe ua.

I Samuẹl 7:9

E Samuẹl keghi gbe oteghe ohuan ọkpa, ọ keghi wa giẹn ikun ẹnrẹn uan zẹ vbe emwi izọese ghe e Nọyaẹnmwa. Ọ keghi na erhunmwu ghe e Nọyaẹnmwa, ne ọ yi ivbi Izrẹl obọ, e Nọyaẹnmwa keghi họn erhunmwu ẹnrẹn.