Ẹksọdọs 11:5 - Edo Bible (E Baibol Ẹdo) Version 1996

⁵ Emọ ọdiọn nii re ikpia hia vbe Igipt gha wulo, kevbe ovbi ọba Igipt ne okpia ne ọdiọn ne ọ ra rriọba lele ẹe, ya sẹ egbe ọmọ ọdiọn ne okpia ọghe okhuo ọviọnmwa ne ọ lọ emwi vbe olọ. Emọ ne avbe ẹmila ka biẹlẹ gha wulo.

Ẹksọdọs 11:5 Iomraidhean Croise

Psalm 105:36

Ọ gbele emọ ikpia ni re emọdiọn, ọghe ẹgbẹe ni rre otọe Igipt hia.

Psalm 135:8

Ọ gbele emọdiọn ni rre Igipt hia, ọghe emwa nagbọn kevbe ọghe avbe aranmwẹ.

Psalm 136:10

Ọ gbele emọdiọn ọghe ivbi Igipt, etẹbitẹ ọ re ahoẹmwọmwa rẹn khin.

Psalm 78:51

Ọ gbele avbe emọdiọn, vbe ẹgbẹe ni rre Igipt hia.

Ẹksọdọs 12:12

“Vbe asọn nii, I gha la otọ Igipt gberra, I ghi gbele emọ ọdiọn ni re ikpia hia vbe otọe nii, kevbe ọghe emwa nagbọn kevbe ọghe emwirri. I gha rri avbe ẹbọ nii rre Igipt oya. Mẹ ọrọre Nọyaẹnmwa.

Ẹksọdọs 12:29

Ọ ghi sẹ ogiasọn, e Nọyaẹnmwa keghi gbele avbe emọ ọdiọn nii rre Igipt, ke egbe ovbi ọba Igipt ne ọdiọn ne ọ ra rriọba lele ẹe kpao, sẹ egbe ọmọ ọdiọn ọghe oleghan ne ọ rre uwu ẹwẹdọ uhae, emọ ne avbe aranmwẹ ka biẹlẹ, a kevbe gbele ehia a.

Ẹksọdọs 13:15

Ugbẹn vbe ọba Igipt ghi yin ehọ, vbene ọ ma na gie ima kpao, ọre Nọyaẹnmwa na gbele emọ ọdiọn nii re ikpia nii rre otọ Igipt hia, ọghe emwa nagbọn kevbe ọghe emwirri. Ọ nii ọ si ẹe ne ima na ya emọdiọn nii re ọwọe zọ ese ghe Nọyaẹnmwa sokpan a ghi dẹlẹ ivbi mwa nikpia ne ọdiọn werriegbe.

Ẹksọdọs 4:23

I tama ruẹn ne u gie ovbi mwẹ gha khian ne ọ ya ga mwẹ sokpan u keghi he. Wanwanna nian, mẹ gha gbe ovbi uẹ ne okpia ne ọdiọn.’ ”

Aizaia 47:2

Werriẹ olọ nii, wiẹn ọka nii! Ban ugbaleto ruẹ fua. Bannọ avbe ukpọn ruẹn ne mose mose kua kie ẹwu ruẹ ghe odukhunmwu, ne u ya fian ẹzẹ rra.

Eve Orriara 5:13

A ye avbe igbama ima gha wiẹn ọka zẹvbe eviẹn avbe igbama mwa gha dobidokpannọ khian, rhunmwuda ihẹ erhan ne a kun yan iran uhunmwu.

Matiu 24:41

Ikhuo eva ghi gha lọ ẹhiẹn vbe olọ, a gha rhie ọkpa, a ghi sẹ nọkpa rae.

Hibru 11:28

Iyayi ọre ọ ya mu emwiukpo Alagberra gbọọ, ọ na wẹ ne a sanmwẹ esagiẹn ye onurho ne ogiuwu ghẹ gbele emọ ọdiọn ọghe Izrẹl.

Giọgis 16:21

Ivbi e Filistia, keghi mu ẹẹn, iran na wọlọ ẹre aro hẹ kua. Iran na mu ẹẹn gha rrie Gaza, iran na ye ọgiọrọ oze rro ẹre. Iran na mu iwinna emwi ne a ya olọ lọ nẹ vbe uwu eghan.