Ẹksọdọs 11:3 - Edo Bible (E Baibol Ẹdo) Version 1996

³ E Nọyaẹnmwa keghi ya ivbi Igipt gha zama ivbi Izrẹl vbe ẹmwata, avbe ekhaẹmwẹ kevbe emwa nii keghi wa gha ghe Mosis gẹdẹgbẹẹ.

Ẹksọdọs 11:3 Iomraidhean Croise

Gẹnẹsis 12:2

I gha viọ uniẹn nibun nuẹn, ni gha do khian avbe okpẹvbo. I gha fiangbuẹ, I ghi do ya eni ruẹn khian ne ọ hin usi sẹrriọ wẹ a ghi gha yae na erhunmwu ne ọmwa.

Gẹnẹsis 39:21

Sokpan e Nọyaẹnmwa keghi mudia ne Josẹf, ọ na vbe tohan rẹn sẹrriọ ne a na miẹn wẹ ẹmwẹ ọnrẹn kegha yẹ eseghan.

II Samuẹl 7:9

Te I wa mudia ke uẹ la ehe ne u he la hia, I keghi vbe khọn avbe eghian ruẹn hia mu otọ vbene u ya nana sikẹ odaro. I gha ya a khian enọkhua, u ghi do kpọlọ vbe emwa ni he hin ukhuan sẹ vbe agbọn na.

Ẹsta 9:4

Agbọn hia keghi wa rẹn vbe otọe arriọba ni hia fẹẹrẹ wẹ ọmwa ne ọ mwẹ ẹtin ọre Modekai ghi khin vbe ẹguae, kevbe wẹ te ẹtin ẹnrẹn dọlegbe kpọlọ yọ.

Psalm 106:46

Ọ keghi ru ẹe ne agiẹngiẹn iran la ekhọe iran ni zẹ iran kpokpo.

Ẹksọdọs 12:35

Ivbi Izrẹl keghi ru vbene Mosis tama iran, iran keghi mọmọ ivbi Igipt ikpẹ ẹrọnmwọ kevbe esiliva kevbe igoru ke ukpọn.

Ẹksọdọs 12:36

E Nọyaẹnmwa keghi gie ivbi Igipt mu ọghọ ye emwa nii egbe, iran na viọ emwi ne iran nọ iran re hia ne iran. Erriọ ọre ivbi Izrẹl ya viọ ẹfe ivbi Igipt gha rrie.

Ẹksọdọs 3:21

“I gha ya ivbi Igipt gha da a ne emwa mwẹ sẹrriọ wẹ ẹghẹ ne uwa gha na kpao, wa i ra fiabọ kpao.

Aizaia 60:14

Ivbi avbe emwa ni te gha wọ ruẹ uhunmwu gha rre. Iran ghi ya uhunmwu rhanmwẹ otọ ya ọghọ nuẹn. Avbe iran ni te ka gha giọ yi. Gha do ga vbe akharha ruẹ. Iran gha tie ruẹ ‘Ore nọkhua ọghe Nọyaẹnmwa,’ ‘E Zaiọn ne Ore Nọkhua ọghe Osanobua Nọhuanrẹn Izrẹl.’

Iwinna 7:22

A keghi vbe ma ẹre irẹnmwi Igipt hia. Rẹn keghi khian ọkpọmwa vbe ẹmwẹ kevbe emwi ne a ru.

Diuteronomi 34:10

Ke ẹghẹ nii gha dee, a ma he miẹn akhasẹ ne ọ yevbe Mosis vbe Izrẹl, ọmwa ne Nọyaẹnmwa wa gu guan vbe ghe aro mwẹ ghe aro uẹ.

Diuteronomi 34:11

A ma he miẹn akhasẹ ne ọ winna iwinna ama kevbe ọ yan unu uan, egbe ne Nọyaẹnmwa gie Mosis ne ọ winna yan ọba Igipt kevbe ekhaẹmwẹ ọnrẹn kevbe ẹvbo nii hia fẹẹrẹ.

Jọsua 4:14

Emwi ne Nọyaẹnmwa ru ẹdẹrriọ keghi ya ivbi Izrẹl gha rhie ọghọ ne Jọsua zẹ vbe okpọmwa. Iran kegha ya ọghọ ne ẹẹn vbe ẹdẹ agbọn rẹn hia, zẹ vbene iran vbe gha ya ọghọ ne Mosis.

Arhie Maan 3:9

U ghi danmwehọ. U ma miẹn avbe otu nii, ni re ọghe Setan, avbe ọhọn ohoghe ni, ni tie egbe iran e Ju vberriọ iran i re ọre, I gha ru ẹe ne iran bu ruẹ gha dee ne iran do mu ẹko rhu otọ, ne iran vbe ya uhunmwu rhanmwẹ otọ nuẹn. Iran hia gha rẹn ighe I ho ẹmwẹ ruẹn.