Ẹksọdọs 11:2 - Edo Bible (E Baibol Ẹdo) Version 1996

² Tama ivbi Izrẹl ne dọmwadẹ ọghọe nọ emwi vbe obọ ogieva ẹre, emwi itegbe ọghe igoru kevbe esiliva.”

Ẹksọdọs 11:2 Iomraidhean Croise

Gẹnẹsis 24:53

Ọ viọ esiliva kevbe igoru ladian kevbe ikpẹrọnmwọ kevbe ukpọn ọ na viọ ne Ribẹka, ọ kevbe ya emwi ighobioye ne ọtiọnrẹn nokpia kevbe iye ẹe.

Gẹnẹsis 31:9

Osanobua miẹn erha uwa oghẹn emwirri, ọ keghi hẹ mẹ.”

Psalm 105:37

Iyekọni, ọ keghi viọ ivbi Izrẹl ladian, iran viọ esiliva kevbe igoru, egbe wa rran iran hia, iran keghi vbe wegbe vbe egbe.

Psalm 24:1

E Nọyaẹnmwa ọ re ọ yan agbọn na, kevbe emwi ni rre uwu ẹre hia. Rẹn ọ re ọ yan otọe agbọn kevbe iran ni rrọ hia.

Ẹksọdọs 3:21

“I gha ya ivbi Igipt gha da a ne emwa mwẹ sẹrriọ wẹ ẹghẹ ne uwa gha na kpao, wa i ra fiabọ kpao.

Ẹksọdọs 3:22

Dọmwadẹ avbe ikhuo ghi nọ okhuo ne ọ rre owa ne ọ ye ra ẹdogbo ẹre ukpọn, emwi itegbe, esiliva kevbe igoru, ivbi Izrẹl ghi viọ avbe emwi na yọ avbe ivbi iran nikpia kevbe nikhuo vberriọ wa gha ya viọ avbe emwa Igipt emwi gha rrie.”

Ẹksọdọs 32:24

I keghi nọ iran wẹẹ, ‘Gha ọ ghi mwẹ igoru vbọ, iran ni mwẹ emwi itegbe ọghe igoru vbọ keghi bannọ ẹn hẹ gun mwẹ.’ I keghi viọ ẹre ku erhẹn, ọre ẹkhuia ẹmila na na ladian vbọ!”

Ẹksọdọs 35:22

Ikpia kevbe ikhuo kevbe dọmwadẹ emwa ni ho keghi viọ ukotin ne a ya te emwi egbe rre, emwiehọ, oroka, emwiurhu, kevbe ikpẹrọnmwọ igoru ne iran ya fi ohan, zẹ vbe emwi izọhẹ gie Nọyaẹnmwa.

Itan 13:22

Ọmwa esi gha miẹn emwi sẹrae ye avbe eyẹ ọre otọ, sokpan, emwa esi ọ re ọ ra ya emwa dan emwi ru.

Hagai 2:8

Esiliva kevbe igoru ni rre agbọn na hia, ọghomwẹ nọ.

Matiu 20:15

Wẹ ma yayi ighe I sẹtin lo igho mwẹ vbe ne ọ khọnmwẹ, ra te ohu mwẹ ghi mu uẹn rhunmwuda ighe I ze emwi obọ?’ ”