Ẹksọdọs 10:9 - Edo Bible (E Baibol Ẹdo) Version 1996

⁹ E Mosis wanniẹn wẹẹ, “Te ima hia khian kevbe ivbi ima negiẹrẹ kevbe avbe ọmaẹn, te ima viọ ivbi ima nikpia kevbe ivbi ima nikhuo khian, ohuan kevbe ẹwe kevbe ẹmila rhunmwuda te ima ra tie eghọ ugamwẹ ne Nọyaẹnmwa Osanobua ima.”

Ẹksọdọs 10:9 Iomraidhean Croise

Gẹnẹsis 50:8

Emwa iwinna Fero hia, iran ni ke odukhunmwu vbe ẹguae ẹre kevbe iran ni gba khia hia vbe Igipt keghi lele Josẹf gha khian, deba emwa ẹnrẹn hia kevbe avbe etiọnrẹn nikpia kevbe ẹgbẹe erhae hia. Sokpan ivbi iran negiẹrẹ ọkpa, avbe ohuan iran kevbe ẹwe iran kevbe ẹmila iran ọ re ọ ghi gha rre otọe Gosiẹn.

Ẹksọdọs 10:10

Ọba keghi tama iran wẹẹ, Mẹ ya eni e Nọyaẹnmwa vẹn ihẹn wẹ! Mẹ i ra gie uwa viọ amwẹ uwa kevbe ivbi uwa. Arodae nian wẹ emwi dan ọre ọ rre uwa ekhọe.

Ẹksọdọs 10:26

Te avbe emwirri ima vbe lele ima khian. Ma i ra fi ọkpa ye odieke. Te ima ra hannọ emwi ne ima ra ya zọ ese ghe Nọyaẹnmwa ne Osanobua mwa, vbe ẹi re te ima sẹ evba nii nẹ, ma tobọ ima i khian rẹn emwi ne ima gha ya ga e Nọyaẹnmwa.”

Ẹksọdọs 12:32

Wa viọ ohuan uwa kevbe ẹwe kevbe ẹmila zẹ vbene uwa nọ rẹn, ne uwa kpao. Wa ghi vbe nọ afiangbe ne imẹ ba ẹre.”

Ẹksọdọs 12:37

Ivbi Izrẹl keghi kpao vbe Ramesis rre, iran na mu aro da Sukọt. Ikpia nii ya owẹ khian kegha re arriaisẹn uri eha (600,000), vbe ne a i na ke ikhuo kevbe ibiẹka.

Ẹksọdọs 12:38

Emwa nibun ọvbehe deba ohuan nibun, ẹwe kevbe ẹmila kevbe lele iran.

Ẹksọdọs 13:6

Wa ghi rri ebrẹd ne ọ ma hue la ikpẹdẹ ihinrọn, ọ gha ghi sẹ ikpẹdẹ ne ne ogihinrọn, wa ghi ru emwiukpo ẹre ne Nọyaẹnmwa.

Ẹksọdọs 3:18

Iran gha rhie ehọ nuẹn ta yi, u ghi bu ọba Igipt ke uwẹ kevbe avbe ọkaolotu ivbi Izrẹl, u ghi tama rẹn wẹẹ, ‘E Nọyaẹnmwa, Osanobua avbe emwa Hibru miẹn ima aro. Lahọ gie ima khian okhian ikpẹdẹ eha ghe uwu ato ne ima ya zọ ese ne Nọyaẹnmwa, Osanobua mwa.’

Ẹksọdọs 5:1

E Mosis kevbe Errọn keghi bu ọba ọghe Igipt, iran tama rẹn wẹẹ, “E Nọyaẹnmwa khare wẹẹ, ‘Gie emwa mwẹ kpao ne iran ya ru eghọ ugamwẹ mẹ vbe uwu ato.’ ”

Ẹksọdọs 5:3

E Mosis kevbe Errọn keghi wanniẹn wẹẹ, “Osanobua avbe emwa Hibru do miẹn ima. Lahọ gie ima khian okhian ikpẹdẹ eha gha rrie uwu ato ne ima ya zọ ese ghe Nọyaẹnmwa Osanobua ima. A deghẹ ma ma yo, ọ gha ya okuo ra okpe emianmwẹ gbele ima hia a.”

Itan 3:9

Ya ọghọ ne Nọyaẹnmwa vbekpa ne u gha na ya avbe emwi ne ọ maa sẹ vbe ugbo ruẹ zẹ ọhẹ gie ẹe.

Asan-Ibo 12:1

Rhunmwuda ọnii, ye Ayi ne ọ yii uẹ rre vbe ne u he na re ọvbokhan na, vbe ẹdẹ oya kevbe ukpo ẹhorriẹ nii ma he rre, ẹghẹ ne u gha na gha kha wẹẹ, “Ehia khan mwẹ nẹ.”

Nọmbas 29:12

Wa ghi si egbe koko ye ugamwẹ vbe ikpẹdẹ ekesugie ọghe uki ne ogihinrọn. Wa ghi ya ikpẹdẹ ihinrọn ru emwiukpo ne a ya ya ọghọ ne Nọyaẹnmwa, wa ghẹ winna iwinna rhọkpa.

Ẹfisọs 6:4

Evbibiẹ emọ, wa ghẹ gha ru ivbi uwa emwi ne ọ gha ya ohu mu iran, sokpan wa dia iran ye odẹ, ne uwa vbe gha ma iran emwi zẹ vbe ọmwa ne ọ ya Kristi yi.

Jọsua 24:15

A deghẹ wa i ho ne uwa ga e Nọyaẹnmwa, wa tae ẹrẹna nian ọmwa ne uwa gha ga, adeghẹ avbe ẹbọ ne avbe erha uwa gha ghoo vbe Mẹsopotamia nọ ra avbe ẹbọ ivbi Amọri ne uwa rre otọ ẹre. Sokpan, zẹ vbe ọghomwẹ kevbe ẹgbẹe mwẹ, e Nọyaẹnmwa ma gha ga.”