Ẹksọdọs 10:12 - Edo Bible (E Baibol Ẹdo) Version 1996

¹² E Nọyaẹnmwa keghi tama e Mosis wẹẹ, nian obọ ruẹ da otọ Igipt ne u gie avbe irhiso gha dee. Iran gha do rri emwi hia ne ọ ghi wan nẹ, avbe emwi hia ne avan ne ukhunmwu fi yi.”

Ẹksọdọs 10:12 Iomraidhean Croise

Psalm 105:34

Ọ guan rẹn, avbe irhiso keghi rre, inuẹbo ne ai sẹtin ka.

Ẹksọdọs 10:15

Iran keghi wa rhu gba otọ sẹrriọ ne ehia ghi na biua nunuunu. Iran na rri emwi ne ọ ghi zọ nẹ vbe otọe nii, ke vbe ọmọ erhan hia ne avan ne ukhumwu ghi fi yi. Emwi ọkpa ne ọ mwẹ ebe ne a ghi sẹrae i rrọọ vbe erhan kevbe irunmwu nii rre otọe Igipt.

Ẹksọdọs 7:19

E Nọyaẹnmwa keghi tama e Mosis wẹẹ, “Tama Errọn ne ọ rhie ọkpọ ruẹ ne ọ niẹn ẹnrẹn da ehe ne amẹ ghi ye vbe otọ Igipt hia, avbe ẹzẹ, ẹzẹ ne afian miẹn egbe, kevbe avbe ọghọdọ, avbe amẹ ni rrọọ gha khian esagiẹn. Amẹ gha khian esagiẹn gba otọ ni fo, esagiẹn gha rrọọ ya sẹ egbe avbe erhan kevbe amẹ ne ọ lẹ ke okuta lẹkua rre.”

Ẹksọdọs 9:32

Sokpan avbe ọka irhuarhua ma rhia rhunmwuda okiekie ọre iran ya wo.

Arhie Maan 9:3

Irhiso keghi ke uwu ighogho ni vẹ ku otọ agbọn, a keghi rhie ẹtin ne ọ ye vbe ọghe ekpakpahuangan ne iran.