Ẹksọdọs 10:1 - Edo Bible (E Baibol Ẹdo) Version 1996

¹ E Nọyaẹnmwa keghi tama e Mosis wẹẹ, “Bu ọba gha khian. I gie irẹn kevbe ekhaẹmwẹ ọnrẹn yin ehọ nẹ ne I miẹn ehe na winna avbe iwinna ọyunnuan ma iran.

Ẹksọdọs 10:1 Iomraidhean Croise

Psalm 7:11

Nọ bu ohiẹn ẹmwata ọre Osanobua khin. Ọ vbe bu abe gbe emwa dan vbe ẹghẹ hia.

Ẹksọdọs 10:20

Sokpan e Nọyaẹnmwa keghi ya ọba yin ehọ, ọ ma gie ivbi Izrẹl kpao.

Ẹksọdọs 3:20

Sokpan I gha lo ẹtin mwẹ. I ghi ya emwi ọyunnuan ne I gha ru vba rri ivbi Igipt oya, iyeke ọnii, ọ ghi gie uwa gha khian.

Ẹksọdọs 4:21

E Nọyaẹnmwa keghi dọlegbe tama e Mosis wẹẹ, “Vbene u ghi na rrie Igipt na nian, ghẹ mwẹ u ma winna avbe iwinna ama ne I rhie ẹtin nuẹn ya gha ru. I gha ya ọba ze vbe udu, rẹn i ra gie emwa nii kpao.

Ẹksọdọs 7:4

Ọba Igipt i ra rhie ehọ ne uwa ta yi, ẹghẹ nii 1 gha fi otọ nii emwi, I ghi rri ivbi Igipt oya ẹsẹse, mẹ ghi viọ ivbiyokuo mwẹ, ivbi Izrẹl ne emwa mwẹ ladian hin otọe Igipt rre.

Ẹksọdọs 9:12

Sokpan, e Nọyaẹnmwa keghi ya ọba ze vbe udu, ọ ma zẹ ye Mosis kevbe Errọn re zẹ vbene Nọyaẹnmwa khare zẹẹ.

Ẹksọdọs 9:16

Sokpan I ke sẹ uwa rae ye agbọn ne I miẹn ehe na rhie ẹtin mwẹ ma ruẹn, kevbe ne otiti mwẹ miẹn ehe na titi gba otọ agbọn hia.

Ẹksọdọs 9:27

Ọba keghi gie ne a tie Mosis kevbe Errọn, ọ. wẹẹ, “Banbanna nian, I ru orukhọ nẹ, e Nọyaẹnmwa rri ase, mẹ vbe emwa mwẹ rri abe.

Iyẹn ne ọ Maan Ọghe Jọn 12:40

“Osanobua rhu iran aro nẹ, ọ vbe gbe iran ekhọe ẹwaẹn ruan nẹ, ne aro iran ghẹ miẹn ehe na bẹghe odẹ, ne ọ ghẹ miẹn ehe na la iran ekhọe, ne iran ghẹ ya bu mwẹ rre ne imẹ mu iran egbe rran.”

Ebe ne Pọl gbẹẹn gie emwa Rom 9:17

Rhunmwuda ebe tama Fero wẹẹ, “Emwi ọre ọ zẹẹ ne I na ya a ma ọba, ne I miẹn ehe na la egbe ruẹ rhie ẹtin mwẹ ma an, kevbe ne I miẹn ehe na ya eni mwẹ khian ne a rẹnrẹn vbe uhunmwu otọ agbọn hia.”

Ebe ne Pọl gbẹẹn gie emwa Rom 9:18

Ọnii rhie maa khekherriọ wẹẹ, ọmwa ne ọ khọn Osanobua ọre ọ tohan rẹn, ọ ghi vbe ya ne ọ khọn rẹn ze vbe ẹkoko udu.

Jọsua 11:20

E Nọyaẹnmwa keghi gie iran wa kha wẹ te iran gha gu ivbi Izrẹl gbinna, ne a miẹn ehe na tie iran emwa ne a gha fuan fẹẹrẹ, ne a vbe gbele iran an vbe ne a i na mwẹ itohan. Emwi ne Nọyaẹnmwa tama Mosis ọre onii khin.

I Samuẹl 4:8

Gha ọ gha fan ima vbe obọ avbe ẹbọ ni wegbe na? Avbe ẹbọ ni gbele ivbi Igipt ye uwu ato: