Daniẹl 8:3 - Edo Bible (E Baibol Ẹdo) Version 1996

³ I ghi ghe ya ghe ogho ọkpa ne ọ mwẹ igho eva hiain hiain vbe ọkpẹn ẹzẹ nii, ọkpa keghi tan sẹẹ, ọ vbe ru ọghọgbọn sẹ nọkpa.

Daniẹl 8:3 Iomraidhean Croise

I Krọnikol 21:16

E Devid keghi bẹghe vbe odibo Osa na mudia ye ideghedeghe keẹe kevbe umozo vbe obọ, ọ mu egbe ne ọ dunmwu e Jerusalẹm sẹ otọ. Ẹre Devid kevbe avbe olotu emwa nii ne a miẹn wẹ ukpọn akhiẹ ọ re iran hia viọ rhuan, iran hia keghi vbokho uhunmwu rriotọ, vbene ugbaro iran na dekan otọ.

Ẹzra 1:2

“Ẹmwẹ ne Sairọs ne Ọgbaisi ọghe Pẹsia tae ọ re ọna khin, E Nọyaẹnmwa ne Osanobua ọghe Ẹrinmwi ọre ọ ya mwẹ ru nọ khaemwisẹ yan uhunmwu otọ agbọn hia, ọ kevbe ya ẹe wa iwinna mẹ wẹ ne I bọ Ọgua Osa ne irẹn vbe Jerusalẹm ne ọ rre Juda.

Ẹzra 4:5

Iran kevbe viọ igho odieke gie avbe emwa e Pẹsia ni rre asẹ vbe oga ọba ne iran mu idobo yọ. Erriọ iran wa gha ru ẹe la ẹghẹ ne Sairọs ne Ọgbaisi ya ẹe vbe ẹkete ya sẹ ẹghẹ e Dariọs ne ọgbaisi.

Ẹsta 1:3

Ọ ghi rre ukpo eha ne ọ rriọba, ọ keghi do le evbare tie avbe iran ni rre asẹ kevbe eghaẹvbo ẹre hia sẹ owa. Ivbiyokuo e Pẹsia kevbe Midia keghi vbe gha rre evba, erriọ vbe nọ ne iran ni khaemwisẹ kevbe avbe egbesẹmwegie ni rre otọe nii hia.

Aizaia 13:17

E Nọyaẹnmwa khare wẹẹ, “I gha bọọ avbe ivbi e Medis yọ ne iran dekun e Babilọn. Iran i zẹ ye ẹmwẹ esiliva, a i vbe sẹtin ya igoru danmwẹ iran ghe.

Aizaia 21:2

I miẹn umian ọghe emwi dan ni sunu, umian ọghe a ya ọmwa ne a vbokho kevbe ọfuan. “Ivbiyokuo Ẹlam, wa dekun iran! Ivbiyokuo e Medis, wa gha ga avbe okpẹvbo nii. Osanobua gha dobọ oya ne Babilọn he si ye emwa egbe yi.”

Aizaia 44:28

I tama Sairọs wẹẹ, ‘Wẹ ọrọre ọmwa ne ọ gha ya gha khaemwisẹ mẹ; u gha ru vbene I ho ne u ru: U gha tae wẹ ne a dọlọ bọ Jerusalẹm kevbe wẹ ne a gbe ẹyotọ ọgua Osa.’ ”

Jerimaia 51:11

E Nọyaẹnmwa bọọ avbe ọba e Midia yọ rhunmwuda, ọ ho ne ọ fuẹn e Babilọn ruan. Erriọ ọ re ọ ra ya rria ikhi ye ẹmwẹ Ọgua Osa ọghọe ne iran guọghọ ua. Arowa avbe ivbiyokuo ni ra do gbinna tama iran wẹẹ, “Wa zẹ ifẹnmwẹ uwa ukpẹ! Wa viọ asa uwa mwẹ.

Daniẹl 10:5

I ghi tọn aro mu, I keghi ya bẹghe ọmwa ọkpa ne ọ yọ ukpọn eto ovbiohuẹ, ọ keghi mu ugbẹkun igoru ne mose gba.

Daniẹl 2:39

Wẹ gha ghi vbe ru ọwuẹ gberra nẹ, arriọba ọvbehe gha vbe guakpao sokpan ẹ i ra kpọlọ vba ọwuẹ, vbe iyekọni, arriọba ogieha ne ọ gha vbe gha re ọghe oze, ọ gha vbe khaemwisẹ yan otọe agbọn hia.

Daniẹl 5:31

E Dariọs ne ovbi e Mede ne ọ gha rre ukpo iyeha keghi ya ẹtin vbe iwegbe mu ẹkete ọba.

Daniẹl 6:28

Agbọn keghi wa maa e Daniẹl vbe ẹghẹ ọba Dariọs kevbe ẹghẹ ọba e Sairọs ne ovbi e Pẹsia.

Daniẹl 7:5

Aranmwẹ ne ogieva keghi yevbe akpakomiza ne ọ ye owẹ odieke ẹre mudia, ọ keghi ye akọn khuaa ifẹnmwaguẹ eha mwẹ vbe unu. Urhu ọkpa keghi tama rẹn wẹẹ, “De yan rẹn, rri emiowo vbene ẹtin ruẹn sẹ ọe sẹ.”

Daniẹl 8:2

Vbe umian nii, I ghi wa ghe vbe udomwurri, I wa rre ẹvbo ne a gbe ekẹn gaa ọghe Susa vbe iyaẹvbo Ẹlam. Ọkpẹn Ẹzẹ Ulai ọ re I mudia yi.

Daniẹl 8:20

“Ogho ne u miẹn ne ọ mwẹ igho eva nii, mudia ye ihe avbe arriọba e Midia kevbe Pẹsia.

Zẹkaraia 1:18

Vbe umian ọvbehe, I keghi bẹghe igho enẹ ọghe ẹkhuia ẹmila.

Zẹkaraia 2:1

Vbe umian ọvbehe, I keghi bẹghe okpia ọkpa ne ọ rhie ọkpọ ne a ya mwa emwi mwẹ obọ.

Zẹkaraia 5:1

I keghi dọlegbe gbe aro ke otọ, I ghi ya ghe, ghe ebe ne a kiri, ọ wa tin la odukhunmwu khian.

Zẹkaraia 5:5

Odibosa nii keghi vbe dọlegbe rhie egbe maa, ọ wẹẹ, “Ghe, emwi ọvbehe vbe dee!”

Zẹkaraia 5:9

Mẹ ghi tọn aro mu, I ghi ya ghe ikhuo eva wa tin bu mwẹ dee, ifuẹn iran ni wegbe zẹ vbe ọghe avbe ahua, ọ re iran ya gha tin dee. Iran tọn okhuae nii mu, iran na mu ẹẹn tin kpao.

Zẹkaraia 6:1

I keghi vbe miẹn umian ọvbehe. Vbe ọnọna, I keghi ya bẹghe ikẹkẹ okuo enẹ iran la ẹkpo oke oze eva dee.

Nọmbas 24:2

Ọ na bẹghe ivbi Izrẹl vbe ehe ne dọmwadẹ ẹwae na bu agọ. Orhiọn Osanobua ke hin yan rẹn.

Jọsua 5:13

E Jọsua ghi rre ọkpẹn Jẹriko, vbe udomwurri, ọ keghi bẹghe okpia ọkpa ne ọ mu umozo mwẹ vbe ọ mudia ye odaro irẹn. E Jọsua keghi bu ẹre gha khian, ọ nọ rẹn wẹẹ, “Ọkpa vbe uwu ivbiyokuo ọghe ima ọ re uwẹ khin ra oghian?”

Arhie Maan 13:11

I keghi vbe bẹghe aranmwẹ oha ọvbehe vbe ọ ke uwu otọ ladian. Ọ kegha mwẹ igho eva zẹ vbe ọghe oteghe ohuan, ọ keghi guan zẹ vbe Ugbogiorinmwi.

Arhie Maan 5:6

I keghi bẹghe Oteghe Ohuan ọkpa, ọ mudia ye adesẹneva ọghe ẹkete, emwi ne a yi ni ma he wu enẹ nii, kevbe avbe ediọn, keghi lẹga ẹre. Oteghe Ohuan nii keghi ye vbe ne a miẹn wẹ a gbe ẹe ua nẹ. Ọ kegha mwẹ igho ihinrọn kevbe aro ihinrọn, ena kegha re orhiọn ihinrọn ọghe Osanobua, ne a gie nẹ, gha rrie otọ agbọn hia.