Daniẹl 7:2 - Edo Bible (E Baibol Ẹdo) Version 1996

² Emwi ne I miẹn vbe asọn nii ọna khin. Ẹhoho keghi hoho ke igienenẹ rre, ọ na ghi mu aro okun rueghe.

Daniẹl 7:2 Iomraidhean Croise

Aizaia 17:12

Owogho nọkhua rre avbe uhunmwu ẹvbo ni wegbe, ọ yevbe uvannọ mwẹ nọkhua ọghe okun, ọ yevbe ne ubimwẹ ẹzẹ nọkhua mu vẹ.

Jerimaia 49:36

I gha gie ẹhoho hoho vbe Ẹlam ke igienenẹ rre. I gha vbe zagha emwa rẹn lele ehe hia a te do miẹn wẹ a i ghi miẹn ẹvbo okpa ne ai na miẹn emwa rẹn ni lẹ hin owa rre.

Jerimaia 51:42

Okun lẹẹ rhu e Babilọn, ọ na ya ulẹmwẹ amẹ ne ọ wee rhu ẹe ginna otọ.

Daniẹl 11:4

Sokpan vbe ẹghẹ ne ẹtin ẹnrẹn gha na wa kpọlọ sẹẹ, arriọba ẹre gha zagha a, a ghi vbe gha ẹre ye ihe enẹ. Avbe ọba ne ẹ i re ivbi ẹre, gha rriọba vbe ihe ẹre, sokpan, iran i ra mwẹ ẹtin zẹ vbene irẹn gha mwẹ.

Daniẹl 2:19

Vbe Asọn nii zẹẹ, a keghi ta imina nii ma e Daniẹl vbe aro umian, rẹn keghi rho Osanobua ẹrinmwi:

Daniẹl 7:13

Vbe uwu u mian na vbe asọn nii, I keghi bẹghe emwi ọkpa ne ọ yevbe ọmwa. Ọ kegha bu mwẹ dee, okuku amẹ wa lẹga ẹre, ọ keghi bu ọmwa ne ọ wa rrọọ dee ẹdẹdẹmwẹdẹ nii, a na rhie ẹre ma rẹn.

Daniẹl 7:7

Ehe ne I na ye ghe ẹre nii aranmwẹ ne ogienẹ keghi ladian ọ wa mwẹ ẹtin ne ọ mu ọmwa ohan, ọ gbe orrirri. Akọn ematọn ẹnrẹn ne lẹulẹu, ọ re ọ ya piẹn emwi ne ọ miẹn gbe, ọ ghi ya owẹ mama iran ginna otọ. Ọ keghi mwẹ igho igbe ne ọ ya lughaẹn ne avbe aranmwẹ nekpa.

Daniẹl 8:2

Vbe umian nii, I ghi wa ghe vbe udomwurri, I wa rre ẹvbo ne a gbe ekẹn gaa ọghe Susa vbe iyaẹvbo Ẹlam. Ọkpẹn Ẹzẹ Ulai ọ re I mudia yi.

Daniẹl 8:8

Ẹwe nii keghi vbe do kakabọ gha hio yọ, sokpan ọ ghi wa sẹ ẹghẹ ne ẹtin ẹnrẹn na kpọlọ sẹẹ, a keghi kpan ẹre igho fua. I gho enẹ ọvbehe keghi zọ ladian ye ihe ẹre, ọkpọkpa keghi nien ukpẹ da ehe ọvbehe.

Zẹkaraia 6:5

Rẹn keghi wanniẹn wẹẹ, “Avbe ẹhoho enenẹ ena khin, te iran wa da ke akharha e Nọyaẹnmwa ọghe otọ agbọn hia dee na.”

Matiu 24:31

Okpe nọkhua ghi tu, rẹn ghi gie avbe odibosa ẹre ladian gha rrie igie enenẹ agbọn. Iran ghi ya si e na hannọ zẹ ọghọe koko ke okhiẹ agbọn ọkpa ya sẹ nọkpa.

Arhie Maan 17:15

Odibosa nii keghi vbe tama mwẹ wẹẹ, “Amẹ ne u miẹn ne ebabotu ni tota yan kegha re ẹbu kevbe agbọn ẹvbo kevbe ẹvbo ne a zẹ.

Arhie Maan 7:1

Vbe iyeke ọna, I keghi bẹghe avbe odibosa enẹ vbe igienenẹ ọghe otọ agbọn, iran da ẹhoho enenẹ yi, ne ẹhoho ghẹ ghi hoho la otọ agbọn ra okun ra yan erhankerhan.