Daniẹl 4:3 - Edo Bible (E Baibol Ẹdo) Version 1996

³ “ ‘U miẹn vbe ọyunnuan ne Osanobua rhie ma mwa kpọlọ hẹ! U miẹn vbe avbe iwinna ọyunnuan rẹn ne ọ winna kọnkọn hẹ! Osanobua ọ re ọ khian gha re ọba ẹdẹdẹmwẹdẹ ọ gha rre asẹ ẹdẹ kevbe ẹdẹdẹmwẹdẹ.’

Daniẹl 4:3 Iomraidhean Croise

Psalm 104:24

Nọyaẹnmwa emwi ne u yi wa bun, a miẹn vbene u ya ẹwaẹn ru ehia hẹ! agbọn vuọn ne emwi ne uyi hia!

Psalm 105:27

Iran winna iwinna nọkhua ọghe Osanobua, iran keghi vbe winna iwinna ọyunnuan vbe Igipt.

Psalm 145:13

Te uwẹ khaemwisẹ ẹdẹdẹmwẹdẹ, ọba etẹbitẹ ọ re uwẹ khin, te Nọyaẹnmwa wa ru zẹ vbene ọ yanrẹn, emwi ne irẹn ru hia ọ re ọ wa maa.

Psalm 66:7

Ẹtin ẹnrẹn ọ re ọ ya khaemwisẹ, rhinrin ẹdẹ. Ọ rhie aro ye otọ vbe egbe avbe agbọn ẹvbo wa ghẹ gie avbe etẹ sọtẹ ọre.

Psalm 72:18

Wa rho e Nọyaẹnmwa ne Osanobua Izrẹl! Rẹn ọkpa kẹkan, ọ re ọ ru avbe emwi ọyunnuan na hia.

Psalm 77:19

Wẹ ya owẹ khian la uhuemwẹ amẹ; u fian okun ne ọ dinmwi rra; sokpan a ma miẹn ama owẹ ruẹ vbe otọ.

Psalm 86:10

Wẹ kpolo, u keghi vbe ru emwi ọyunnuan, wẹ okpa kẹkan ọrọre Osanobua.

Psalm 92:5

A miẹn vbe iwinna ruẹn kpọlọ hẹ Nọyaẹnmwa! A miẹn vbe iro ẹko ruẹ dinmwi hẹ!

Aizaia 25:1

E Nọyaẹnmwa, wẹ ọrọre Osanobua mwẹ I gha ya ọghọ ne uẹn, I gha rho eni ruẹn, u ru avbe emwi ọyunnuan nẹ a vbe emwamwa ne u ru ẹghẹ ni u wa hẹko mu ehia sẹ nẹ.

Aizaia 28:29

Obọ Osanobua ne Oghodua ọ re avbe ẹwaẹn na hia, ke rre. Emwi ne Osa mwamwaẹn ọ ghe ẹwaẹn ọ re ehia khin, okpa ne ẹ i vbe dinna odẹ ẹ i rrọọ.

Aizaia 9:7

Te ẹtin arriọba ẹre ra gha muan yọ, ọfumwegbe ọ re otọe arriọba ẹre ra gha ye vbe ẹghẹ hia te irẹn ra rriọba zẹvbe ọmwa ne ọ rriọba lele Devid ne Ọba ẹmwata kevbe uhunmwu ẹmwẹ ọ re irẹn ra ya gha mwẹ ẹtin; ke ẹghẹ na kpao ya sẹ ufomwẹ agbọn. E Nọyaẹnmwa ne Oghodua tae nẹ ighe erriọ rẹn ra ru ehia.

Jerimaia 10:10

Sokpan wẹ ne Nọyaẹnmwa ọrọre Osanobua vbe ẹmwata, wẹ ọrọre Osanobua ne ọ rrọọ, ọba etẹbitẹ. Ohu gha mu uwẹ, agbọn hia ghi mu rueghe, egbe avbe uhunmwu ẹvbo i sẹtin rrọ ohu ruẹ.

Daniẹl 2:2

Ọ keghi rhunmwuda ọnii gie ne a tie avbe ọbiro, ebo edunna, oso kevbe azẹn ne iran gha de do rhan otọ imina nii ma irẹn. Iran ghi rre do mudia ye odaro ọba.

Daniẹl 2:44

“Vbe ẹghẹ avbe nikhaemwisẹ na, Osanobua ẹrinmwi gha mu arriọba ne ẹ i ra fo vbotọ gbọ. A i ra vbe sẹtin khọn rẹn ẹdẹ, sokpan, rẹn gha fuẹn avbe arriọba nii fẹẹrẹ, rẹn ghi gha rrọ ẹdẹdẹmwẹdẹ.

Daniẹl 4:17

Vbene ọ khare ọnii khin ighe odibosa ne aro ẹre gba emwi hia nii. Rhunmwuda ọnii, wa gie emwa hia rẹn vbe ehe hia wẹ Osanobua ne ọ Sẹehia mwẹ ẹtin vbe uhunmwu avbe arriọba emwa nagbọn, kevbe wẹ ọ sẹtin munọ iran ne ọmwa ne ọ rhirhi khọn rẹn, uhin ya sẹ egbe ọmwa ne ẹ i mwẹ asa ne ọ gu agbọn ye.’ ”

Daniẹl 7:14

A keghi rhie asẹ, uyi, kevbe ẹtin ọba nẹẹn, ne emwa uhunmwu ẹvbo hia, emwa, kevbe ẹvbo ne a zẹ, miẹn ehe na gha kpe gae. Asẹ ọre ghi gha rrọ rhinrin ẹdẹ, arriọba ẹre i vbe mwẹ ufomwẹ.

Daniẹl 7:27

A gha mu ẹtin kevbe ukpọlọmwẹ ọghe avbe otọe arriọba agbọn hia ne emwa Osanobua ne ọ Sẹehia. Ẹtin ọba ne iran mwẹ i vbe fo ẹdẹ. Avbe iran ni khaemwisẹ vbe otọ agbọn hia gha ga, iran ghi vbe gha họn ẹmwẹ iran.”

Ebe ne Pọl gbẹẹn gie emwa Rom 11:33

U miẹn vbe ẹfe Osanobua bun hẹẹ! U miẹn vbene ẹwaẹn kevbe irẹnmwi ọnrẹn dinmwi hẹẹ! De ọmwa nọ gha sẹtin rhan otọ vbene ọ ta ẹmwẹ yi hẹẹ? Gha ọ rẹn vbene ọ ru emwi hẹẹ.

Diuteronomi 4:34

A he miẹn ẹbọ ọkpa ne ohan gie ẹe la uwu okpẹvbo ọvbehe ya viọ emwa ladian ya khian ọghe ọe zẹ vbene Osanobua Nọyaẹnmwa uwa ru ne uwa vbe Igipt? Sirra uwa ọ re, ọ na lo ẹtin kevbe iwegbe ẹre nọkhua, ọ keghi si egboghogbogho kevbe okuo ye otọ, ọ keghi winna iwinna ọyunnuan kevbe ọghe ama, ọ na gie emwi ohan gha sunu.

I Timoti 1:17

Ọba etẹbitẹ, ne ẹ i wu ẹde, kevbe ne a i bẹghe, ne irẹn ọkpa re Osanobua, ọre ọghọ kevbe uyi gha rrọọ na, ẹdẹ kevbe ẹdẹdẹmwẹdẹ. Isẹ.

Hibru 1:8

Sokpan ọ ghi ra guan vbekpa Ọmọ, Ọ wẹẹ, “Osanobua, ẹkete ruẹ gha rrọọ ẹdẹdẹmwẹdẹ. Ẹmwata ne a ta, ọ re u ra ya rriọba yan emwa ruẹn.

Hibru 2:4

Erriọ vbe nọ zẹ, Osanobua keghi rhie osẹe ọghọe te ọghe iran vbe ekpa ne ọ gha winna iwinna ama, ẹtin, ọyunnuan, kevbe iwinna ọyunnuan ni bun. Deba ẹre, ọ keghi ya ọhẹ Orhiọn Ne Ọ Huanrẹn ghae ne emwa hia vbene ọ yẹ ọre.

I Pita 4:11

Ne ọ kpe orhu, we ne ọ gha kpe orhu ẹmwẹ Osanobua, ne ọ ga emwa ọvbehe, we ne ọ gha ya ẹtin ne Osanobua rhie nẹẹn hia ga, ne a miẹn ehe na miẹn wẹ, vbe uwu emwi hia, te a ghi la ekpa Jesu Kristi rhie urhomwẹ ne Osanobua, ọmwa ne ọ yan ẹtin kevbe uyi ẹdẹ kevbe ẹdẹdẹmwẹdẹ. Isẹ.

Arhie Maan 11:15

Odibosa ne ogihinrọn keghi fian okpe ọghọe re, a keghi họn urhu ni vannọ vbe ẹrinmwi kha wẹẹ, “Ẹtin ne a ya khaemwisẹ yan agbọn na, Nọyaẹnmwa kevbe Mẹzaia ẹre, ọre ọ ghi yan rẹn nian, ọ gha vbe gha khaemwisẹ ẹdẹ kevbe ẹdẹdẹmwẹdẹ.”