Daniẹl 1:5 - Edo Bible (E Baibol Ẹdo) Version 1996

⁵ Ọba keghi vbe kha wẹ evbare ne ivbi ọba re kevbe ayọn ne ivbiọba da ọ re a gha vbe ya gha koko iran. A ghẹ ghi koko iran la ikpira nẹ vberriọ, a ghi viọ iran gie ọba ghe.

Daniẹl 1:5 Iomraidhean Croise

Daniẹl 1:19

Ọba keghi gu iran hia fẹẹrẹ guan. Emwi ne Daniẹl, Hananaia, e Misiaẹl kevbe Azaraia ru keghi vuọn ọba aro sẹ ọghe nekpa hia fẹẹrẹ. A keghi rhunmwuda ọnii viọ iran la ẹguae ọba.

Daniẹl 1:8

E Daniẹl keghi wa yan yọ wẹ rẹn i ra ya egbe hẹ awua vbekpa ne irẹn gha na rri evbare kevbe ne irẹn vbe gha da ayọn ẹguae, ọ keghi rhunmwuda ọnii rinmwian Aspenaz wẹ ne ọ ru iyobọ ne irẹn.

I Ọba 10:8

U miẹn uhunmwu esi ne ikhuo ne u viọre mwẹ! U miẹn uhunmwu esi ne iran mwẹ ighẹ avbe eguọmwadia ruẹ ni mudia ke uẹ ne iran gha họn ẹmwẹ ẹwaẹn ne u ta vbe ẹghẹ hia.

Iyẹn ne ọ Maan Ọghe Luk 21:36

Wa gha begbe, wa gha na erhunmwu ne uwa miẹn orhiọn ya ye egbe miẹn emwi na hia ni ra sunu, ne uwa vbe mudia vbe odaro Ovbi Ọmwa.”

Iyẹn ne ọ Maan Ọghe Luk 11:3

Rhie evbare ne ọ sẹe ne ima ẹdẹgbegbe,

Matiu 6:11

Rhie evbare ne ọ sẹe ne ima ẹre na.

Jerimaia 15:19

Ẹre Nọyaẹnmwa na rhie ewanniẹn ye ọna wẹẹ, “U gha dọlegbe rre, I gha dọlegbe rhan obọ miẹn ruẹn, u ghi dọlegbe gha re ọguọmwadia mwẹ. A deghẹ u mu etalọ oya fua, u na gha ta uhunmwu ne a gie ne ọ mwẹ esa, u gha dọlegbe gha re akhasẹ mwẹ. Emwa ni gha dọlegbe bu ruẹ rre, ẹghẹ i rrọ ne a gha ya miẹn wẹ wẹ ọ re ọ ghi bu iran gha khian.

II Krọnikol 9:7

Ọ ma kin iran ne eguọmwadia ruẹ, emwa ni wa rre ehe ne u ye vbe ẹghẹ hia, a na vbe gie uhunmwu iran ma sẹ vberriọ ne iran gha họn ẹmwẹ ẹwaẹn ruẹn, vbe ẹghẹ hia.

II Ọba 25:30

Vbe ikpẹdẹ ne ọ ghi ya vbe agbọn hia, ẹdẹgbegbe, ọre a ghi ya gha rhie igho ne ọ gha sẹ e lo vbe ẹdẹ nẹdẹrriọ ne ẹẹn.

I Samuẹl 16:22

Ẹre Sọl ghi na gie ne a khama e Jese wẹẹ, “Ẹmwẹ e Devid wa yẹ mwẹ. Gie ẹe tota ke mwẹ ne ọ gha winna mẹ.”

Gẹnẹsis 41:46

Ukpo ọgban ọre Josẹf gha ye vbe ọ suẹn gha winna ne ọba Igipt. Ọ keghi kpao ya khian la otọe nii gaa.

Iyẹn ne ọ Maan Ọghe Luk 1:19

Odibosa nii wanniẹn tama rẹn wẹẹ, “Mẹ ọrọre Gebriẹl, odaro Osanobua ọre I mudia yi, rẹn ọre ọ gie mwẹ ne I do na iyẹn oghọghọ na ma ruẹn.

Itan 23:3

Ghẹ fifi ye evbare ne ọ rhiẹnrhiẹn ne ọ viọ yotọ, ughaghe te ọ hẹko lẹga ruẹ.