Daniẹl 1:3 - Edo Bible (E Baibol Ẹdo) Version 1996

³ Ọba keghi tama Aspenaz ne ọ ka ighele ẹre ne ọ hannọ igbama eso viọ yotọ vbe avbe igbama Izrẹl ni rre iwe, avbe ivbi ọba kevbe avbe ivbi ekhaẹmwẹ.

Daniẹl 1:3 Iomraidhean Croise

II Ọba 24:15

E Nebukiadneza keghi mu e Jehoiakin gha rrie Babilọn zẹ vbe oghunmwu, ke ẹe kevbe iye ẹe, kevbe avbe amwẹ ọnrẹn, iran ni rre ukpo, kevbe emwa ni hin ukhuaẹn vbe Juda.

Aizaia 39:6

ẹghẹ dee, ne emwi hia ne u mwẹ vbe ẹguae, avbe emwi ne avbe erha a khuan viọ hin rre ye aza do sẹ ẹdẹ ne ẹre na, gha na khian ne a viọ gha rrie Babilọn. Emwi ọkpa ne a gha sẹrae i rrọ.

Aizaia 39:7

A gha viọ eso vbe uwu avbe ivbi uẹ taara kpao, a gha ya iran khian ọghẹrriẹnoguan, ne iran ya gha tae emwi vbe ẹguae ọba e Babilọn.”

Jerimaia 41:1

Vbe uki ne ogihinrọn ọghe ukpo nii, Ismaẹl ne ovbi e Natanaia kevbe eyẹ Elisiama, okpa vbe uniẹn ivbiọba, kevbe okpa vbe uwu avbe ekhaẹmwẹ nekhua ọghe ọba, keghi viọ arhingbe ba egbe ne iran ya miẹn e Gedalaia ne Nọkhaemwisẹ. Ehe ne iran hia na wa gha rri evbare nii.

Diuteronomi 28:41

Wa gha biẹlẹ emọ ikpia kevbe emọ ikhuo sokpan iran gha wii uwa rhunmwuda a gha hẹ iran oghunmwu gha rrie vbe okuo.