Ụhịrẹyị 10:3 - IWE ỌNỊNỊ

³ Ẹnẹyịmavara ọ yị vaa zẹ ka ụngwẹ ọ kụ aza ọyịza, ama ọ yị vaa zẹ ka ọza ọhịmị ọ re ịsị e yee si.

Ụhịrẹyị 10:3 Iomraidhean Croise

Ijoovu 15:23

É vee si ịsọyịrị ngụ avaba aha zịịzị pooro di ịrahụ za wa nị.

Ijoovu 20:28

Avaba ogu ẹnịnị vana vaa vú ẹtẹ ịjị Ohomorihi aa kụ ayị hi wa.

Ijoovu 5:20

O vee sere wụ dị ụngwẹ ọ yị wụ wụ ini ụmẹ ụngwẹ. O vee sere wụ dị ịrẹkụ ẹ yị rị wụ.

Ahẹ Ụgama 10:14

Ohomorihi, wee re aza ana aa rị ụya di e hi ịnị ẹngụkata Mâ yẹ ka ụ vaa gụ wa ụvọ Ọnụyọrị nịnị vị ana sị ẹngụ ẹnịnị chire wụ ụvọ Ẹwụ a gụ ezi-oku nịnị ụvọ nị.

Ahẹ Ụgama 112:10

Aza edivi vavọọ vee re e, dị ayị anị pooro, di e du ẹngụ ẹnịnị ha nị. Avaba ịsa ana aza edivi aa tụra eyi anị vị ana vaa tụ́ osusu.

Ahẹ Ụgama 33:19

Ọ yị vaa navọ ka ịsụ ọ̀ sị wa, ẹnịnị vaa há ịnị ụmẹ ụngwẹ

Ahẹ Ụgama 37:19

Ịjị ụmẹ ọ̀ọ katẹngụ, ẹnịnị ẹ yị vaa rị ụya. Ụngwẹ ọ̀ọ daka hi ẹtẹ ẹnịnị emi vee re ịsaa rị dị ịnẹ há wa.

Ahẹ Ụgama 37:25

M mẹ̀ hụrẹ vị ozweyi pooro dị mị maanị vịra aanị meè yi re da ka Ẹnẹyịmavara ô hi ayị ọza ana aa mẹ̀ ebira ana vọrọ vị ana aa mẹ ẹyịza e mē che eyi Ezi ẹngụ aza ẹnẹẹ vi oni ọ vee zee yị

Ahẹ Ụgama 37:3

Sị ayị tụra Ẹnẹyịmavara, dị waa mẹ̀ ebira ene zoza Tangwa ra ịnị ẹtẹ ọnị ọ sị wụ dị asị a nyị ịsị ẹ mẹ̀ wụ.

Ụhịrẹyị 13:25

Ọnịzẹyịzaā nyị ẹhụ ịsa ana hụ ọ rị ama aza ọhịmị vị ọnị ụngwẹ kụ pooro.

Ụhịrẹyị 14:32

Ebira odivi aza ọhịmị e vu wa ẹtẹ nị ama ebira aza ọyịza ọọ̄ dọ wa tụ nị.

Ụhịrẹyị 28:25

Ọnọhọha vị anaa kụ ịrẹyị hi ẹtẹ ama ọza ana sị ayị tụra Ẹnẹyịmavara vị ọnị o vee zee yị.

Ụhịrẹyị 28:9

Ẹnẹyịmavara ọ nyị ịhyẹrẹ aduwa ọza ọnị ẹ yị saasa ọda anị.

Ayịsaya 33:16

Ẹngụ aza ẹnẹnị ẹ va zụụ há nị. Vị ẹ vaa sị mẹ anka ọza ana na vaka tụ́ aha ịzị ẹ̀ yị nyị ịsị ẹ zụ kanyị ọ avọọ nị. E vee re ịsaa rị, e re vee re enyi hú.

Ịzẹhwanaya 1:18

Ịhị Ẹnẹyịmavara aa kụ ayị hi wa, avaba ẹkẹhị ọnị ẹ nyị ọ yị vaa dọ wa ha hụrẹ ẹ ụvọ. Ẹnẹyịmavara vị ana vaa sị ọyịkụ-ọyịkụ vu avaba aza ene hi ẹhẹ ẹtẹ. Dị ọ da ẹhẹ ẹnịnị ẹjịjị ịnị asigiri.

Iruuku 12:31

Ama wee sì ka Ohomorihi ọ̀ọ mẹ ịjọvaa tụra wụ nịnị, ka ọ vaa sị avaba ịsa ana vọ aanịị tụ́ ọọ yị wụ nịnị.”