Odeyi 9:8 - IWE ỌNỊNỊ

⁸ Dị Ịsọọrụ kwẹẹtẹ hụụnị eteesu nị. Ô há eyi anị, ama o yi zụ re ẹtẹ. Dị ẹ sị ụvọ gẹ ẹ, dị ẹ sị ọọ na ngụ Ịdamasịkọsị nị.

Odeyi 9:8 Iomraidhean Croise

Oyinyima 14:15

O mè tụ́ ịzọọ, ịjị ẹtẹ si hozi dị ọ gà ezi ahụ anị dị e pè aza ẹnẹẹ kụ̀ ịrẹkụ, dị ọ rị wa nị. Dị ọ dị ụ wa na huu na ngụ Ihoba eyi ẹbẹẹba Ịdamasịkọsị.

Oyinyima 19:11

Dị ẹ mẹ ka aza ana gụ enoze è gu eyi nị. Ezweyi ne chire azọkụ ẹ vavọọ gu eyi nị. Ê si ụvọ sì oze pooro e yi re e.

Ọyịkụra 4:11

Dị Ẹnẹyịmavara va ka, “Ẹnị ẹ mẹ irenu yị ọza? Ẹ̀nị ẹẹ̄ mẹ ka ọza ò gu irenu? Ẹ̀nị ẹẹ̄ mẹ ka ọza ò gu ụtọ à vị ka òo re ẹtẹ à vị ka ò gu eyi? Aanị ka ẹ yị vị ọnị Ẹnẹyịmavara?

Odeyi 13:11

Ohomorihi ọ raà sị ụvọ tụra wụ booro aanị, u vee gu eyi, di u we yi kuku re ẹtẹ dị ẹkụhị che ọ̀ mẹ.” Obooboro ọnọọ, dị ịsa chire hi ọọ eyi, dị eyi anị si hozi nị. Di o kuku ee sì ọza anaa sị ụvọọ gẹ ẹ, dị ọ̀ọ zụ̀ ọọ oze nị.

Odeyi 22:11

Me yi zụ re ẹtẹ, agụvị ka ẹtohweyi ọnọọ ọ sị banyị baaba, dị aza ẹnẹ ẹmịrịị zị, sị ụvọ gẹ mị, dị ẹ sị mị vẹ Ịdamasịkọsị nị.

Odeyi 9:18

Obooboro ọnọọ, dị ịsa ẹnyị aanị anka iguha ivovo avọọ hụrẹ hụụnị eyi Ịsọọrụ, di o kuku ee re ẹtẹ nị. Dị ọ kwẹẹtẹ jẹẹ, dị a mẹ̀ ọyịhwọzenyi yọ nị.

Odeyi 9:9

Ộ mẹ ẹkụhị ẹẹta, Ịsọọrụ o yi re ẹtẹ, ọ yị rị, o yi hú.

2 Anịkọrịntị 11:32

M mẹ̀ yà ẹkụra Ịdamasịkọsị, ọdọvịdị ẹkụra ọnọọ vị ana aa mẹ ụkọrọọ yị ohinọyị ana aā hị́ Arẹtasị, vị ana kụ́ oserẹtẹ hi oze ana jịnẹ hụụnị ẹkụra ka ẹ̀ za mị.

Anigaratiya 1:17

Mẹ yị rẹ nọ Ijerusarẹmị ka me ne hee aza ana vịdị vị odeyi di o ve tù mi. Ama ẹkụra Arebiya mị vịdị nọ, dị mị varẹma vẹ ẹkụra Ịdamasịkọsị nị.