Odeyi 9:6 - IWE ỌNỊNỊ

⁶ Kwẹẹtẹ, dị ụ wa nọ ịnị ẹkụra ọsọọ; a vaa kà a wụ ịsị a vọrọ ka wa mẹ.”

Odeyi 9:6 Iomraidhean Croise

Ahẹ Ụgama 25:12

Ọza ana àa si ụbanyị yị Ẹnẹyịmavara, dị Ẹnẹyịmavara ọnị raa sịị zụ̀ ọ oze ana vọrọ ka ọ̀ zị.

Ahẹ Ụgama 94:12

Ẹnẹyịmavara, ọza oni u wèe nyị iyi tụ́ ohuvọ dị waa sị ọda awụụ zụ ọ nị, ọ̀ nyarị ịrẹsụ ọyịza.

Ayịsaya 57:18

“Me reè re ịsị ẹ mẹ, ama mị vaa mẹ wa ụkụ. Mi vaa zụ wa oze, dị maa mẹ̀ ọgụvọọ yị wa. Ẹnịnị enee su ùnè, mi vee hunẹnẹ wa ayị.

Ayịsaya 66:2

Ọ kà ọnị ọ mẹ ẹbẹẹba ọnịrị ẹtẹ nị. Avaba ẹhẹ vị anị. Ayị anị o hine tù aza anaā ka ẹngụ ẹnịnị chi, dị ẹ sị ayị tụra ọnị kẹnẹ, di e hí angwa anị ọ̀ọ ka ịrẹyị.

Ezikẹẹrị 2:1

Ezikẹẹrị ka ọza anaa kà ịrẹyịị yị ọnị aanị ộ kà a ọnị ka, ozi-ọza, ọnị ọ̀ kwẹẹtẹ jẹẹ, dị ọnị Ẹnẹyịmavara ọ̀ kà ịrẹyịị yị ọnị.

Ezikẹẹrị 3:22

Ezikẹẹrị ka Ẹnẹyịmavara ộ vana sị ụvọ tụra ọnị dị ọ sị ụkata yị ọnị nị. Ọ kà ọnị ọ̀ kwẹẹtẹ dị ọnị ọọ nọ inozi; ọnị Ẹnẹyịmavara vaa kà ịrẹyị yị ọnị ịzọọ.

Ihabaku 3:16

Ịjị Ihabaku wụ́ avaba ịsa ẹnẹnị, dị ayị hụrẹ ẹ ịnẹ, dị ẹgahị ngụ ọ ẹngụ nị. Di o ne ku hẹẹ ee zi ịhị Ohomorihi vaa sị ụya rị ọnịvị ẹnịnị ana kụ́ ọ ka ẹnị ụhwẹ aanị nị.

Imatiwu 19:30

Ama aza ọrụrụ-ọrụrụ ana vị ọdọvịdị booro aanị, ẹ vaa vị ọdịrẹma; dị aza ana vị ọdịrẹma na vị ọdọvịdị.”

Iruuku 3:10

Dị aza ẹnẹẹ họ̀ ọ use, dị ẹ ka, “Sị a vọrọ ka ya mẹ aanị?”

Odeyi 10:22

Dị ẹ ka, “Ịkọnẹrịyọsị ọga ayị vị ọnịzẹyịza, dị ọ rẹ nyị angwahi Ohomorihi nị. Avaba Aniju nịnị ệ sị ụbanyị yọ ẹtẹẹtẹrẹ. Anggẹẹrị Ohomorihi ọnya ộ kà a yọ ka ọ̀ tụ́ hị́ wụ vẹ ini eehi ịdị anị, dị ọ̀ wụ́ ịrẹyị ọnị ụ wàa nyị ọyịkà.”

Odeyi 10:32

Tụ́ na Ịjọpa na hị́ Ịsayịmọnị ọnya, ọnị ịrẹha ẹtẹ anị rị Ipita. Ô chí ini eehi Ịsayịmọnị ọnịtụmpaha, ana ra ụtọ oku.’

Odeyi 10:6

Ô chí ị́dị ọnịtụmpaha ọnya aanị ana aā hị́ Ịsayịmọnị. Irehi anị vị ana gụrị ụtọ oku.”

Odeyi 2:37

Aza ẹnẹnị mẹ̀ wụ́ ịrẹyị ẹnẹnị, ayị ẹnịnị ẹ sị sụ̀ enyi. Dị ẹ kà a yị Ipita ọnịrị odeyi nịnị ana vọ, dị ẹ ka, “Ẹwụ nịnị ẹyịnyara amị, sị a vọrọ ka ya mẹ?”

Odeyi 22:10

Di mi họ̀ use ka: ‘Sị a vọrọ ka ma mẹ, Ananyị yị?’ Dị Ananyị yị ka ma kwẹẹtẹ, dị ma nọ Ịdamasịkọsị ka a vaa kà a yị mị ịzọọ avaba ịsa oni Ohomorihi mẹ eto anịị mị ka ma mẹ.

Odeyi 26:16

Ama kwẹẹtẹ jẹẹ! Mâ sị ẹngụ zụ̀ wụ ka ma nyị wụ mẹ ozi ahụ amị. Ụ rẹ vaa vị onivenu ịsa oni u re ajịnị aanị ọnịrị ọnị mị vaa sịị zụ̀ wụ.

Odeyi 9:5

Dị Ịsọọrụ ka, “Ẹwụ ẹnẹ ọ vị, Ananyị yị?” Dị Ananyị yị ka, “Ẹma vị Ijeesu ọnị ụ waa sị ụyaa rị nị.

Aniroomi 10:20

Ayị Ayịsaya ọnị ộ hyakụ vị́ hu avọọ, dị ọ kà a ka Ohomorihi ka, “Aza ene è yi sì mi, e si mi re. Aza ẹnẹ ẹ̀ yị hyakụ họ̀ use amị, ma raà sị ẹngụ zụ̀ wa.”

Aniroomi 10:3

Ẹnịnị ẹ yị yẹ, Óhomorihi mẹmẹẹ̄ jị ịhị yị ọza. Ẹnị ee sì ka ẹnị ẹ̀ zị oze ẹ́ẹngụ ẹnịnị mẹẹ. Ẹ yị zẹẹ ka ẹnị ẹ̀ saasa oze oni Ohomorihi ọnịị̄ zịị jị ịhị yị ọza.

Aniroomi 5:20

Ọda ộ vẹ, agụvị ịsa odivi ọ̀yị mẹ ọ̀ọ banyị hu avọọ. Ama ịzị ịvị ọ̀ọ yà aa banyị, ịzọọ áyamva Ohomorihiī banyịị tụ́ụ hu nị.

Aniroomi 7:9

Ịjị mẹ̀ yị vịdị yẹ ọda, máa yàra, ẹ yị nyị ịrẹyị. Ịjị ọda vẹ, ịvị ọ sị ụkata nyị,

Anihwiripi 2:12

Ẹwụ nịnị anda ayị, anka ụ mẹ̀ yịị wụ́ ịrẹyị amị, m mẹ̀ yà ịdị awụ nịnị, wa vavọọ yịị wụ́ ịrẹyị amịị hu avọọ nịnị, m mẹ̀ yị mẹ daka kụkụ yà ịdị awụ nịnị aanị. Sị angwahi Ohomorihi beri ẹgahị, wa sịị mẹ̀ ụkọrọ ana vaa mẹ ka wa há nịnị;

Ijemiisi 4:6

Ama ụkata oni Ohomorihi sị yị ọ banyị hu nị, agụvị ka Iwe Ohomorihi ọ́ kà a ka: Ohomorihi o yi sì aza anaā sịị ẹngụ ẹnịnịị̄ tụ́ ẹba ama ọọ̄ mẹ̀ ọyịzaa yị aza anaā kà ẹngụ ẹnịnịị chi.

1 Ịsamụwẹrị 16:3

Ọ kà ọ̀ hị́ Ijeese ka ọ̀ vẹ ịnị ịsọvọ ọnọọ ka ọnị va sị zụ̀ ọ ịsị avọrọ ka ọ̀ mẹ. Ọ kà ọza ọnị ọnị ọ̀ọ sị zụ̀ ọ dị ọ̀ nyị ọ rị ohinọyị.

1 Ịsamụwẹrị 28:5

Ịsọọrụ mè re isoja Anihwirisiti, angwa ee hí ọ, ẹngụ anị ọ sị sụ ẹgahị.