Odeyi 9:4 - IWE ỌNỊNỊ

⁴ Dị ọ hyẹdụ nya ẹtẹ, dị ọ wụ́ ọngwẹ ana kà a yọ ka, “Ịsọọrụ, Ịsọọrụ, sị ẹ vẹ dị ụ waa sị ụyaa rị mị?”

Odeyi 9:4 Iomraidhean Croise

Oyinyima 16:8

Di Anggẹẹrị ọnọọ ka, “Ihaga ozi ahụ Isarayi, ịzị ụ hụrẹ aa vẹ? Ịzị waa nọ?” Di Ihaga ka, “Ịdị onyirehi amị Isarayi ọnị zwe hụrẹ nị.”

Oyinyima 22:11

Ama di anggẹẹrị Ẹnẹyịmavara vana yà ẹbẹẹba dị ọ hị́ Abụrahamị dị ọ ka, “Abụrahamị, Abụrahamị.” Di Abụrahamị ka, “Hèé, ụ mẹ ka?”

Oyinyima 3:9

Di Ẹnẹyịmavara Ohomorihi hị́ ọnọrụ ọnọọ dị ọ ka, “Ịzị ụ yà nịnị?”

Ọyịkụra 3:4

Ẹnẹyịmavara mè re ka Imosiisi aa kà a pè e ka oni ò ne re e, dị ọ vana yà ịnị ọchị ọnọọ dị ọ hị́ ọ nị. Dị ọ ka, “Imosiisi, Imosiisi!” Di Imosiisi ka hèé nị.

Ayịsaya 6:8

Dị mị va wụ́ ka Ananyị yị ka, “Ẹnị maa vaa tụ́ ụtụ aanị kẹ, ẹnẹ vaa zị ụtụ ọnọnịị yị? Dị mị ka ẹmị yọ, tụ́ mị.”

Ayịsaya 63:9

hụụnị avaba ụya ẹnịnị nị. Ẹnẹyịmavara ụvọta ọ dọ wa ha, ẹ yị vị anggẹẹrị. Ộ dọ wa ha agụvị oyisì ọnịrị ayamva anị, ộ vịdị tẹsị ẹnịnị hụrị ẹtẹẹtẹ.

Ịzakaraya 2:8

Ịsị Ẹnẹyịmavara Ochẹtẹẹngụ ana nyị ụbanyị kà ya anẹkụra nịnị ana sị ụkata kụ́ ogu aza anị yị; Ọ kà ọza tụra ọza ana a kanyị wa, ọ raà jị ụvọ ngụ ọnị eyi.

Ịrịka 16:45

ọ hụụ ịnị akakana ẹnịnị agụvị dị ọnị ọ wụ ịtapa-ịtapa. Ama dị Imosiisi ọnịrị Eerọnị tana tụra ẹtẹ dị e va eyi ku ẹtẹ nị.

Imatiwu 25:40

Dị Ohinọyị vee tụ̀ ohi ka: ‘Ịzẹyịza, m maa kà a wụ nịnị nị, ụ mẹ̀ raà mẹẹ yị ene weyi hu ịnị ọhụva amị ẹnẹnị aanị, ẹmị ụ rẹ mẹẹ yị nịnị avọọ nị.’

Iruuku 10:41

Dị Ijeesu tụ́ ohi, dị ọ kà a yọ ka, “Ịmata, Ịmata, ayị awụ ọ yị nẹtẹ, wee ro ịrẹyị ịsa ọrụrụ-ọrụrụ.

Ịjọọnụ 18:6

Íjeesu mẹ̀ yị kà a yị wa kẹnẹ ka, “Ẹmị ọnọọ yọ,” dị aza ẹnẹẹ kà nọ ịrẹma, dị ẹ hyẹdụ và hi ẹtẹ nị.

Ịjọọnụ 20:16

Dị Ijeesu va kà a yọ ka, “Imeri!” Di Imeri kana eyi, dị ọ kà a ịnị ẹkụra Ihiburu ka, “Iraboni” (iruvo anị ọ vị “Iticha” à vị “Ọzwọzịsa”).

Ịjọọnụ 21:15

Ịjị ẹ sị ịsa rị, dị Ijeesu kà a yị Ịsayịmọnị Ipita ka, “Ịsayịmọnị, ozi Ijona, wéé sì ịrẹyị amị huna ẹsẹnị?” Dị Ịsayịmọnị ka, “Hịịn, Ananyị yị, wâ yẹ ka mê sì ịrẹyị awụ de.” Dị Ijeesu kà a yọ ka, “Waa tẹsị ezi atẹmẹ amị o!” (Ọnọọ vị ka ‘aza Ohomorihi’.)

Odeyi 5:10

Obooboro, dị ọnị rẹ mẹ viri éteesu ọ́vịdị anị, di o sú nị. Dị ozwọọmụha ẹnẹẹ vẹ, di e re ka ô wusu nị. Dị ẹ rẹ sị ọọ jịnẹ, di e ne ne e pe ọva anị nị.

Odeyi 9:5

Dị Ịsọọrụ ka, “Ẹwụ ẹnẹ ọ vị, Ananyị yị?” Dị Ananyị yị ka, “Ẹma vị Ijeesu ọnị ụ waa sị ụyaa rị nị.

Aniroomi 11:22

Agụvị avọọ yẹ nịnị, Óhomorihi mẹmẹẹ̄ vayị ọza ẹtẹẹtẹrẹ, dị ọ rẹẹ̄ mẹ̀ ọkarẹyị ọkatẹngụ. Ọnọọ vị ka ọọ̄ mẹ̀ ọkarẹyị ọkatẹngụụ yị aza ana sị hyẹdụ. Wàaa yịị mẹ ịrẹyị anaa vọrọ ka ọ̀ sị vayị awụ nịnị, ọ vaa vayị awụ nịnị. Ama wẹ̀ yị vavọọ mẹ nịnị, vị ọ raa dà ẹwụ nịnị kwooze bẹẹ nị.

1 Anịkọrịntị 12:12

Wâ yẹ ka ẹngụ ọza vị ọnya, dị ọ va nyị ọchẹngụ ọrụrụ-ọrụrụ nị. Avaba ọchẹngụ ọrụrụ-ọrụrụ ẹnẹẹ vị ana yà ịnị ẹngụ ọnya. Avọọ gẹdẹ-gẹdẹ Ikirisiti ọnị mẹ̀ rẹ yà nị.

1 Anịkọrịntị 4:7

Ẹwụ ana ka ewee huna ọza ana vọ nị, sụ ụ hị́ ka wáa vị? Sụ ụ nyị ẹnẹ ẹ̀yị vị a sị wụ? Àa vị Ohomorihi ọ sị avaba ịsa ọnị ụ nyị yị wụ nị, sẹ vavẹ dị waa mẹ eyi anka ịsa ẹnẹ ẹwụ ụvọta mẹ avọọ?

Anẹhwẹsọsị 5:30

Yáa bẹ tụ́ ịnị ẹngụ anị.