Odeyi 9:2 - IWE ỌNỊNỊ

² ka ọ̀ sị iwe yị ọnị, dị ọnị ọ̀ sị na yị irehi ahẹkẹ Aniju nịnị ene hi Ịdamasịkọsị nị. Ọ kà oni òo re ọza ana aa saasa oze Ikirisiti ịzọọ, dị ọnị ọ tụ́ wa orupa vẹ Ijerusarẹmị, ẹ̀ẹ vị ọnọrụ, ẹ̀ẹ daka vị anẹẹ.

Odeyi 9:2 Iomraidhean Croise

Oyinyima 14:15

O mè tụ́ ịzọọ, ịjị ẹtẹ si hozi dị ọ gà ezi ahụ anị dị e pè aza ẹnẹẹ kụ̀ ịrẹkụ, dị ọ rị wa nị. Dị ọ dị ụ wa na huu na ngụ Ihoba eyi ẹbẹẹba Ịdamasịkọsị.

Ayịsaya 17:1

Ịrẹyị ene vee tù Anịdamasịkọsị yị. Ẹnẹyịmavara kà ọza ọ yị kụkụ vaa yẹ ka â nyị ẹkụra ana aa hí Ịdamasịkọsị. Ịzọọ vị ana vaa jị eburu bemi-bemi.

Ijeremaya 49:23

 nyị ẹkụra ana aā hị́ Ịdamasịkọsị. Ịrẹyị anị ọnị Ẹnẹyịmavara kà yị: Ọ kà, Anẹkụra ana aā hị́ Ihamati ọnịrị Aripadi nịnị aa hụrẹ ayịnẹ, ẹngụkata ô tu wa agụvị ka ẹnịnị ệ wụ enube ịrẹyị odivi. Ayịhụrịnẹ ọ sị wa vazi anka enyi ịnị oku avọọ, ẹnịnị ẹ́ yị zụ tụhwọ.

Imatiwu 10:17

Ama sị eyi pe ẹngụ awụ nịnị, oo! Â nyị aza ana vaa za wụ nịnịị nọ ikootu. E re vee tụ́ wu nịnị ịjapa ini irehi ahẹkẹ Aniju ẹnịnị.

Ịjọọnụ 14:6

Dị Ijeesu tụ́ ọọ ohi, dị ọ ka, “Ẹma vị oze ọnọọ nị, ẹma vị ịzẹyịza nị, ẹma rẹẹ̄ mẹ ka ọza ọ̀ yàra nị. Ẹ yị nyị ọza ana nyẹngụ nọ ịdị Ada amị, ẹ̀ yị vị oze amị ọ zị.

Odeyi 18:25

A raà sị ịrẹyị Ananyị yị zụ̀ ọnọrụ ọnọnị. Dị aa sị ịrajẹẹ kà ịrẹyị, dị aa sị ịrẹyị Ijeesuu zụ̀ aza ahụ-ahụ nị. Ama ọyịhwọzenyi ọnị Ịjọọnụ aa mẹẹ yị aza kẹnẹ ọ yẹ nị.

Odeyi 19:23

Ịnị ụmẹ ọnọnị, ẹkụra Ẹhwẹsọsị ọ sị vazi agụvị oze Ikirisiti.

Odeyi 19:9

Aza ẹnyị ịnị aza ẹnẹẹ vị anayọkatẹngụ ọnịrị anakamawụ. Dị ẹyaa kà ịrẹyị odivii hi oze Ohomorihi ini eyi anịragụ nị. Agụvị avọọ, dị Ịpọọrụ hụụ ịzọọ yị wa, dị ọ rẹ kụ́ ezirẹma ene ịhị ịzọọ nị. Dị ọ kụkụ aa nọ ini isukuuru Ịtayịranọsị eyinị-eyinị, di ee pe azaa kà ịrẹyị ịzọọ nị.

Odeyi 24:14

Mâ dọ ka hịịn, maa hẹkẹ Ohomorihi ada ayị nịnị ini oze Ikirisiti ẹnẹ ẹnị ka ọyị vọrọ. Mâ dọ avaba ịsa anaa chẹrẹ tụ́ ịnị ọda wụ́ beri ịrẹyị ọnị ọnịsẹ nịnị rẹ chẹrẹ tịtẹ.

Odeyi 24:22

Ịhwẹrịsị ộ yẹ ini oze Ikirisiti ẹtẹẹtẹrẹ. Dị ọ za ịrẹyị ọnọọ jẹẹ nị. Dị ọ ka, “Ịjị Irisiya ana vị ọga ọbanyị isoja nịnị ọ̀ọ vẹ, mị vaa mẹ̀ ọkarẹyị ịrẹyị awụ nịnị.”

Odeyi 26:10

Ịsị mị vịdị mẹ Íjerusarẹmị ọ vị ọnọọ nị. Mâ dọ ọda hụụ ịda ohirẹsụ ẹbanyị irehi Ohomorihi, dị mị kụ́ aza Ohomorihi ọrụrụ-ọrụrụ hi ịnị ẹngwa nị. A màa wụ̀ wa, mâ sị ụvọ tụ́ ọọ.

Odeyi 26:12

“Agụvị avọọ mị na dọ iwe ọda hụụnị ụvọ ohirẹsụ ẹbanyị irehi Ohomorihi, dị maa nọ Ịdamasịkọsị nị.

Odeyi 6:9

Dị aza ẹnyị aanị kwẹẹtẹ tù Isitivini nị. Ini ogu aza ana nyị irehi Ohomorihi ẹnịnị ẹ yà nị. Aā hị́ wa “Aza ana sị ẹngụ ẹnịnị nyị.” Ẹnịnị vị Aniju ana hụrẹ Isayirini ọnịrị Arẹkịsanda vẹ. Ẹnyị vị ana rẹ hụrẹ Isirisiya ọnịrị Esiya vẹ. Eyee pe Isitivinii nyị ahankata.

Odeyi 7:19

Ohinọyị ọnọọ ô vene ohiku ayị nịnị, dị ọ chamayị yị wa nị. Dị ọ ka ada ayị nịnị ẹ̀ kụ́ ezi eweyi ẹnịnị hi ẹhẹ, agụvị di è sú nị.

Odeyi 9:14

Vị ọ hyakụ dọ iwe ọda hụụnị ụvọ ohirẹsụ ẹbanyị irehi Ohomorihi ka ọnị ọ̀ vẹ Ịdamasịkọsị, dị ọnị ọ̀ va sụ́ avaba aza ana àa hị́ ịrẹha awụ orupa nị.”

Odeyi 9:21

Avaba aza ana wụ́ ọ vị ọnị o hí irenu. Dị ẹ ka, “Aanịka ẹ yị vị ọza ana yà Ijerusarẹmị ana aa wụ̀ ọza ana àa hị́ ịrẹha ọnọnị yị? Aanịka ẹ yị vị ọ vẹ ịzẹnị ka ọnị ọ̀ va sụ́ wa orupa, dị ọnị ọ̀ kụ́ wa nọ ịdị ohirẹsụ ẹbanyị irehi Ohomorihi?”

2 Anịkọrịntị 11:32

M mẹ̀ yà ẹkụra Ịdamasịkọsị, ọdọvịdị ẹkụra ọnọọ vị ana aa mẹ ụkọrọọ yị ohinọyị ana aā hị́ Arẹtasị, vị ana kụ́ oserẹtẹ hi oze ana jịnẹ hụụnị ẹkụra ka ẹ̀ za mị.

Anigaratiya 1:17

Mẹ yị rẹ nọ Ijerusarẹmị ka me ne hee aza ana vịdị vị odeyi di o ve tù mi. Ama ẹkụra Arebiya mị vịdị nọ, dị mị varẹma vẹ ẹkụra Ịdamasịkọsị nị.