Odeyi 9:16 - IWE ỌNỊNỊ

¹⁶ Ẹmị ụvọta vaa sịị zụ̀ ọọ ụya ọnị ọ vaa rị agụvị amị.”

Odeyi 9:16 Iomraidhean Croise

Ayịsaya 33:1

Wa sị dà, ẹwụ nịnị ana maanị aa wụ̀ aza, dị à yị nyị ọza ana aa wụ nịnị. Mị ka wa sị da, ẹwụ nịnị onireche ene ee vene ọza dị ọza ò yi vene ẹwụ nịnị. Ụ màa wụ̀ ọza nịnị aanị, ịjị ụmẹ awụ nịnị ọ̀ọ ta, a rẹ vaa wụ̀ ẹwụ nịnị. Ịjị wè yi rè kuku vene ọza nịnị, ụmẹ ọnọọ e vee vene wu nịnị nị.

Imatiwu 24:9

Ịjọnọọ a vaa za wụ nịnị dị a ka à sị ụya rị wụ nịnị, dị a wụ wụ nịnị. Avaba anẹhẹ vaa nyị ịhyẹrẹ awụ nịnị agụvị amị.

Imatiwu 5:11

Ụ vaa daa jẹ nịnị, aza àa kụ̀ wụ nịnị ụhụ, dị ẹyaa sị ụyaa rị wụ nịnị nị, dị ẹyaa sị irechee kà avaba ịsa odivi hi wu nịnị nị agụvị amị.

Ịjọọnụ 15:20

Tamayị ịrẹyị ọnị mị vịdị kà wụ nịnị ka ozi ahụ o mē huna ọga anị. Ẹ̀ẹ raà sị ụya rị mị, ẹ rẹ vaa sị ụyaa rị ẹwụ nịnị bẹẹ. Ẹ̀ẹ dọ ịrẹyị amị, ẹ rẹ vaa dọ ịrẹyị ẹwụ nịnị bẹẹ.

Odeyi 14:22

Ệ tụ́ ezirẹma nịnị ọtụtụrụma, dị ẹ kà a yị wa ka ẹ̀ jẹẹ geri-geri ịnị ẹdọwụ ẹnịnị nị. Dị ẹ ka, “Â nyị ka ya há ụyọrị ọrụrụ-ọrụrụ na jịnẹ, dị ya va na ngụ ịzị Ohomorihi yà aa mẹ ịjọva.”

Odeyi 21:11

O mè ve tù yi, dị ọ sị ịbanụ Ịpọọrụ, dị ọ sị sụ́ ahụ anị ọnịrị ụvọ anị nị. Dị ọ ka, “Ụhwẹ Ọnịnị ka aanị Ániju nịnị ene hi Ijerusarẹmị mẹ̀ vaa sụ́ ọza ana nyị ịbanụ ọnọnị nị, dị a sị ọọ chire Anigiriki nịnị ụvọ.”

Odeyi 21:13

Dị Ịpọọrụ ka, “Sụ waa mẹ nịnị aanị, dị waa jị òrèrè nịnị? U wee sì ka we du mi ayị nịnị nịị? Mê tenyi ẹngụ ka à wụ̀ mị Íjerusarẹmị agụvị ịrẹha Ijeesu Ananyị yị, ayị vị ka à sụ́ mi orupa kẹnẹ.”

Odeyi 21:4

Yê re ezirẹma ẹnyị ịzọọ, dị ị yà ịzọọ pe wa mẹ ẹkụhị ịhịmba nị. Ụhwẹ Ọnịnị ộ mẹ̀ ka ẹ̀ kà a yị Ịpọọrụ ka asị ọ nọ Ijerusarẹmị.

Odeyi 9:14

Vị ọ hyakụ dọ iwe ọda hụụnị ụvọ ohirẹsụ ẹbanyị irehi Ohomorihi ka ọnị ọ̀ vẹ Ịdamasịkọsị, dị ọnị ọ̀ va sụ́ avaba aza ana àa hị́ ịrẹha awụ orupa nị.”

Odeyi 9:6

Kwẹẹtẹ, dị ụ wa nọ ịnị ẹkụra ọsọọ; a vaa kà a wụ ịsị a vọrọ ka wa mẹ.”

2 Anịkọrịntị 6:4

Ini oze tụra oze, yaa sịị zụ̀ ka ezi ahụ Ohomorihi ị vị̀ nị: Yâ nyị isuuru, yâ sị ẹngụ dọ ụya ọnịrị ẹngụkata irenyi-irenyi ana vọ.

1 Anịtẹsaronika 3:3

agụvị asị ana nyị ọza ana vara ayị ịnị awụ nịnị agụvị ụya ọnị ụ waa rị nịnị aanị. Ẹwụ nịnị nyẹmba ọ́ọ yẹ ka ụyọrị yà ịnị ịsa oni Ohomorihi sì ka ò tù yi.

2 Itimoti 1:12

Agụvị avọọ m maanị aa rị ụya aanị nị. Ama ụhị ẹ yị hụ agụvị avọọ nyị mị, agụvị ka mâ yẹ ọza ọnị mị sị ayị tụra. Mâ yẹ kaakara ka ịsị o si chire mị ụvọ, o zụ si eyi pee pooro ne tù ẹkụhị ọkarẹyị.

2 Itimoti 3:11

Wâ yẹ, a mẹmẹ sị ụya rị mị ọnịrị ịsị mi sị eyi re Antịyọkị ọnịrị Ayịkọnịyọmị beri Ịrịsịtịra. Wâ yẹ ụyọrị ọbanyị ọnị mị sị ẹngụ dọ. Ama Ananyị yị ọ́ọ dọ mị tụ́ hụụnị avaba anị.

1Ipita 4:14

Aza àa kụ̀ wụ nịnị ụhụ agụvị Ikirisiti, ọyịza ọ vaa vịị yị wụ nịnị nị; agụvị ka Ụhwẹ Ọnịnị ana nyị ụbanyị yàa wụ nịnị ịrẹma.

Ẹtore 1:9

Ẹma vị Ịjọọnụ ọyịnyara awụ nịnị nị. Ẹmịrị Ikirisiti ọ sị vị ọnya anka ẹwụ nịnị: vi i dudu aa rị ụya nị. Yâ nyị tụ́ ịnị ịjọva Ikirisiti, dị ị raa sị ẹngụụ dọ ụya anị nị. Â za mị na tụ́ ịnị ẹtẹ ana yà ịnị akakana òkū ana aā hị́ Ịpatịmọsị, agụvị ka maa kà ịrẹyị Ohomorihi oni Ijeesu dọ ivenu tụ́.