Odeyi 8:5 - IWE ỌNỊNỊ

⁵ Ihwiripi ô chí nọ ẹkụra ọbanyị Ịsamarịya, dị ọ na kà enube ọyịza Ikirisiti yị anịzọọ nị.

Odeyi 8:5 Iomraidhean Croise

Odeyi 1:8

Ịjị Ụhwẹ Ọnịnị ọ̀ọ ká wụ nịnị vẹ, ụ vaa dọ ụkata nịnị, dị ụ waa kà ịrẹyị amị nịnị Íjerusarẹmị ọnịrị ịnị avaba Ijudiya ne beri Ịsamarịya ọnịrị ịzị ẹhẹ na ta ịrẹsụ hi.”

Odeyi 21:8

Eyinẹhẹ anị, dị ị hụụ ịzọọ, dị ị na Isesariya nị. Dị ị nọ ini eehi Ihwiripi ana vị okenubọyịza ana vị ọnya ịnị ọnọgụvọ ịhịmba ẹnẹẹ, dị yà ịzọọ nị.

Odeyi 5:42

Eyinị-eyinị, ini irehi Ohomorihi ọnịrị hụụnị ini irehi ọnya na ngụ ọsa, dị ẹyaa yịị sị ịsaa zụ̀ aza, dị ẹ rẹ yaa kà enube ọyịza Ijeesu Ikirisitii yị aza nị.

Odeyi 6:5

Ịrẹyị ọnọọ ô zé avaba ẹnịnị eyi. Dị ẹ nyị Isitivini nị, ana sị ayị tụra Ohomorihi ẹtẹẹtẹrẹ, dị Ụhwẹ Ọnịnị rẹ dọ avaba ayị anị. Dị ẹ rẹ nyị Ihwiripi ọnịrị Ipirokorusi beri Inikanọ ọnịrị Itimoni nị. Ẹ rẹ nyị Ipaminasi ọnịrị Inikorasi Anantịyọkị ana dọ ahẹkẹ Aniju.

Odeyi 8:1

Ịsọọrụ yà ịzọọ, ộ sị ụvọ tụ́ ọọ ka à wụ Isitivini. Ịhị ọnọọ gẹdẹ-gẹdẹ, ê nyima aa sị ụyaa rị anịragụ Ohomorihi ene hi Ijerusarẹmị ẹtẹẹtẹrẹ. Avaba ọdọwụ nịnị vị ana gara hi avaba ẹkụra Ijudiya ọnịrị Ịsamarịya. Apositeri nịnị kẹnẹ ẹ vọ tụ́ Ijerusarẹmị nị.

Odeyi 8:26

Anggẹẹrị Ohomorihi o ve tù Ihwiripi, dị ọ kà a yọ ka, “Kwẹẹtẹ, dị ụ wa nọ eyi ụvẹtẹ na zị oze ene chí hụrẹ Ijerusarẹmị na ngụ Igaza!” Ịnị ụnọmị ịzọọ vị nị.

Odeyi 8:30

Dị Ihwiripi zwe ne tù ọ nị, dị ọ wú ka aa kà iwe Ayịsaya ọnịsẹ nị. Dị Ihwiripi họ̀ ọ use ka, “Wáá yẹ ịsị ụ waa kà aanị?”

Odeyi 8:40

Di e vene re Ihwiripi ẹkụra ana aā hị́ Azotu nị. Ọ́ màa parahu, dị aa kà enube ọyịzaa yị aza ịnị avaba ẹkụra ẹnẹẹ pooro dị ọ va ngụ ẹkụra Isesariya nị.

Odeyi 8:6

Dị aza ana wara gụ sị ayị ọnya sị ụtọ pe ịrẹyị oni Ihwiripi aa kà nị, di e re re ụkọrọ ohyozirenu ana aa mẹ nị.

Odeyi 9:20

Dị ọ wụsẹ nọ ini irehi Ohomorihi Aniju, dị aa kà a nị ka Ijeesu vị Ozi Ohomorihi.

1 Anịkọrịntị 1:23

Ama ẹyị vị ana aa kịị kà enube ọyịza Ijeesu ana a kanyị za ọchị apavahị kẹnẹ. Enube ọyịza ọnọọ vị ana aa mẹ ka Aniju nịnị ẹ̀ và ịrẹma kà a. Ọ rẹ mẹ ka Anigiriki nịnị è ree ka ụra kẹnẹ-kẹnẹ ọ vị nị.

1 Anịkọrịntị 2:2

Maa raà sị tụ́ ịnị ayị ka màa va sị ngụ ịda awụ nịnị, me yi vee ro ịrẹyị ọsa, ịrẹyị Ijeesu Ikirisiti kẹnẹ mị vaa sị ayịị tụ́ nị, ọnịrị isu oni o sú ị́rẹsụ ọchị apavahị.

1 Anịkọrịntị 3:11

Ohomorihi ọ raà sị Ijeesu Ikirisiti ka ọnịnya chọchọchọ ọ̀ vị ịsị ọ sị ká irehi ẹtẹ nị. Ẹ yị nyị ịsa ọsa ọnị ọza kụkụ zụ sị ká irehi ọnọọ ẹtẹ.